തെ​ര​ഞ്ഞെ​ടു​പ്പ്: മാ​തൃ​ക പെ​രു​മാ​റ്റ​ച്ചട്ടം ക​ര്‍ശ​ന​മാ​യി പാ​ലി​ക്ക​ണം

മ​ല​പ്പു​റം: ലോ​ക്‌​സ​ഭ തെ​ര​ഞ്ഞെ​ടു​പ്പ് പ്ര​ഖ്യാ​പി​ച്ച പ​ശ്ചാ​ത്ത​ല​ത്തി​ല്‍ മാ​തൃ​ക പെ​രു​മാ​റ്റ​ച്ചട്ടം ക​ര്‍ശ​ന​മാ​യി പാ​ലി​ക്ക​ണ​മെ​ന്ന് ജി​ല്ല തെ​ര​ഞ്ഞെ​ടു​പ്പ് ഓ​ഫി​സ​റാ​യ ക​ല​ക്ട​ര്‍ വി.​ആ​ര്‍. വി​നോ​ദ് അ​റി​യി​ച്ചു. ച​ട്ട ലം​ഘ​ന​ങ്ങ​ള്‍ക്കെ​തി​രെ ക​ര്‍ശ​ന ന​ട​പ​ടി​യു​ണ്ടാ​കു​മെ​ന്നും ക​ല​ക്ട​ര്‍ മു​ന്ന​റി​യി​പ്പ് ന​ല്‍കി. നി​രോ​ധി​ത പ്ലാ​സ്റ്റി​ക് - ഫ്ല​ക്സ് വ​സ്തു​ക്ക​ൾ പ്ര​ചാ​ര​ണ​ത്തി​ന് ഉ​പ​യോ​ഗി​ക്ക​രു​ത്. കു​ട്ടി​ക​ളെ പ്ര​ചാ​ര​ണ പ്ര​വ​ർ​ത്ത​ന​ങ്ങ​ൾ​ക്ക് ഉ​പ​യോ​ഗ​പ്പെ​ടു​ത്ത​രു​തെ​ന്നും ക​ല​ക്ട​ർ മു​ന്ന​റി​യി​പ്പ് ന​ൽ​കി.

എ​ന്താ​ണ് മാ​തൃ​ക പെ​രു​മാ​റ്റ​ച്ചട്ടം ?

തെ​ര​ഞ്ഞെ​ടു​പ്പ് വേ​ള​യി​ല്‍ രാ​ഷ്ട്രീ​യ ക​ക്ഷി​ക​ളും സ്ഥാ​നാ​ർ​ഥി​ക​ളും അ​നു​വ​ര്‍ത്തി​ക്കേ​ണ്ട ന​ട​പ​ടി​ക്ര​മ​ങ്ങ​ളും പാ​ലി​ക്കേ​ണ്ട നി​യ​ന്ത്ര​ണ​ങ്ങ​ളും ഉ​ള്‍പ്പെ​ടു​ത്തി ത​യാ​റാ​ക്കി​യ മാ​ര്‍ഗ​നി​ർ​ദേ​ശ​ങ്ങ​ളാ​ണ് മാ​തൃ​കാ പെ​രു​മാ​റ്റ​ച്ച​ട്ടം.

സ്വ​ത​ന്ത്ര​വും നി​ഷ്പ​ക്ഷ​വും നീ​തി​പൂ​ര്‍വ​ക​വു​മാ​യി തെ​ര​ഞ്ഞെ​ടു​പ്പ് ഉ​റ​പ്പാ​ക്കു​ന്ന​തി​ന് സ്ഥാ​നാ​ർ​ഥി​ക​ളും രാ​ഷ്ട്രീ​യ ക​ക്ഷി​ക​ളും മാ​തൃ​കാ പെ​രു​മാ​റ്റ സം​ഹി​ത പാ​ലി​ക്കു​ന്നു​ണ്ടെ​ന്ന് തെ​ര​ഞ്ഞെ​ടു​പ്പ് ക​മീ​ഷ​ന്‍ ഉ​റ​പ്പ് വ​രു​ത്തും. ഔ​ദ്യോ​ഗി​ക സം​വി​ധാ​ന​ങ്ങ​ളു​ടെ ദു​രു​പ​യോ​ഗം, തെ​ര​ഞ്ഞെ​ടു​പ്പ് കു​റ്റ​കൃ​ത്യ​ങ്ങ​ള്‍, ക​ള്ള​വോ​ട്ട്, വോ​ട്ട​ര്‍മാ​ര്‍ക്ക് പ​ണം ന​ല്‍കി സ്വാ​ധീ​നി​ക്ക​ല്‍ തു​ട​ങ്ങി​യ നി​യ​മ​വി​രു​ദ്ധ പ്ര​വ​ര്‍ത്ത​ന​ങ്ങ​ള്‍ ത​ട​യു​ന്ന​തി​നു​ള്ള ന​ട​പ​ടി പെ​രു​മാ​റ്റ സം​ഹി​ത ന​ട​പ്പാ​ക്കു​ന്ന​തി​ന്‍റെ ഭാ​ഗ​മാ​യി ക​മീ​ഷ​ന്‍ സ്വീ​ക​രി​ക്കും.

പൊ​തു​വാ​യ പെ​രു​മാ​റ്റം; ഇ​വ ശ്ര​ദ്ധി​ക്കാം

• വി​വി​ധ ജാ​തി​ക​ളും സ​മു​ദാ​യ​ങ്ങ​ളും ത​മ്മി​ല്‍ മ​ത​പ​ര​മോ ഭാ​ഷാ​പ​ര​മോ ആ​യ സം​ഘ​ര്‍ഷ​ങ്ങ​ള്‍ ഉ​ള​വാ​ക്കു​ന്ന​തോ, ഭി​ന്ന​ത​ക​ള്‍ക്ക് ആ​ക്കം കൂ​ട്ടു​ന്ന​തോ പ​ര​സ്പ​ര​വി​ദ്വേ​ഷം ജ​നി​പ്പി​ക്കു​ന്ന​തോ ആ​യ ഒ​രു പ്ര​വ​ര്‍ത്ത​ന​ത്തി​ലും രാ​ഷ്ട്രീ​യ ക​ക്ഷി​ക​ളോ സ്ഥാ​നാ​ര്‍ഥി​ക​ളോ ഏ​ര്‍പ്പെ​ടാ​ന്‍ പാ​ടി​ല്ല.
• മ​റ്റു രാ​ഷ്ട്രീ​യ ക​ക്ഷി​ക​ളെ വി​മ​ര്‍ശി​ക്കോ​മ്പോ​ള്‍ അ​വ​രു​ടെ ന​യ​ങ്ങ​ളി​ലും പ​രി​പാ​ടി​ക​ളി​ലും പൂ​ര്‍വ​ച​രി​ത്ര​ത്തി​ലും പ്ര​വ​ര്‍ത്ത​ന​ങ്ങ​ളി​ലും മാ​ത്ര​മാ​വേ​ണ്ട​താ​ണ്. നേ​താ​ക്ക​ളു​ടെ​യും പ്ര​വ​ര്‍ത്ത​ക​രു​ടെ​യും സ്വ​കാ​ര്യ ജീ​വി​ത​ത്തെ​കു​റി​ച്ചു​ള്ള​താ​യി​രി​ക്ക​രു​ത്. അ​ടി​സ്ഥാ​ന​ര​ഹി​ത​വും വ​ള​ച്ചൊ​ടി​ച്ച​തു​മാ​യ ആ​രോ​പ​ണ​ങ്ങ​ളും വി​മ​ര്‍ശ​ന​ങ്ങ​ളും ഉ​ന്ന​യി​ക്കാ​ന്‍ പാ​ടി​ല്ല.
• ജാ​തി​യു​ടെ​യും മ​ത​ത്തി​ന്റെ​യും അ​ടി​സ്ഥാ​ന​ത്തി​ല്‍ വോ​ട്ട് തേ​ടാ​ന്‍ പാ​ടി​ല്ല. പ​ള്ളി​ക​ള്‍, ക്ഷേ​ത്ര​ങ്ങ​ള്‍, ച​ര്‍ച്ചു​ക​ള്‍, മ​റ്റ് ആ​രാ​ധ​നാ​ല​യ​ങ്ങ​ള്‍, മ​ത​സ്ഥാ​പ​ന​ങ്ങ​ള്‍ എ​ന്നി​വ തി​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ന് ഉ​പ​യോ​ഗ​പ്പെ​ടു​ത്ത​രു​ത്.
• സ​മ്മ​തി​ദാ​യ​ക​ര്‍ക്ക് കൈ​ക്കൂ​ലി ന​ല്‍കു​ക, ഭീ​ഷ​ണി​പ്പെ​ടു​ത്തു​ക, സ​മ്മ​തി​ദാ​യ​ക​രാ​യി ആ​ള്‍മാ​റാ​ട്ടം ന​ട​ത്തു​ക, പോ​ളി​ങ് സ്റ്റേ​ഷ​ന്റെ 100 മീ​റ്റ​ര്‍ പ​രി​ധി​ക്കു​ള്ളി​ല്‍ വോ​ട്ടു​തേ​ടു​ക, വോ​ട്ടെ​ടു​പ്പ് അ​വ​സാ​നി​പ്പി​ക്കു​ന്ന​തി​ന് നി​ശ്ച​യി​ച്ച സ​മ​യ​ത്തി​ന് തൊ​ട്ടു​മു​മ്പു​ള്ള 48 മ​ണി​ക്കൂ​ര്‍ സ​മ​യ​ത്ത് പൊ​തു​യോ​ഗ​ങ്ങ​ള്‍ ന​ട​ത്തു​ക, പോ​ളി​ങ് സ്റ്റേ​ഷ​നി​ലേ​ക്കും അ​വി​ടെ​നി​ന്ന് തി​രി​കെ​യും സ​മ്മ​തി​ദാ​യ​ക​രെ വാ​ഹ​ന​ങ്ങ​ളി​ല്‍ കൊ​ണ്ടു​പോ​കു​ക തു​ട​ങ്ങി​യ​വ തെ​ര​ഞ്ഞെ​ടു​പ്പ് പെ​രു​മാ​റ്റ​ച​ട്ട​ങ്ങ​ളു​ടെ ലം​ഘ​ന​മാ​ണ്.
• ഒ​രു വ്യ​ക്തി​യു​ടെ രാ​ഷ്ട്രീ​യാ​ഭി​പ്രാ​യ​ങ്ങ​ളോ​ടും പ്ര​വ​ര്‍ത്ത​ന​ങ്ങ​ളോ​ടും മ​റ്റു രാ​ഷ്ട്രീ​യ ക​ക്ഷി​ക​ള്‍ക്കും സ്ഥാ​നാ​ർ​ഥി​ക​ള്‍ക്കും എ​ത്ര​ത​ന്നെ എ​തി​ര്‍പ്പു​ണ്ടാ​യാ​ലും സ​മാ​ധാ​ന​പ​ര​മാ​യും സ്വ​സ്ഥ​മാ​യും സ്വ​കാ​ര്യ ജീ​വി​തം ന​യി​ക്കാ​നു​ള്ള അ​യാ​ളു​ടെ അ​വ​കാ​ശ​ത്തെ മാ​നി​ക്ക​ണം. വ്യ​ക്തി​ക​ളു​ടെ അ​ഭി​പ്രാ​യ​ങ്ങ​ളി​ലും പ്ര​വ​ര്‍ത്ത​ന​ങ്ങ​ളി​ലും പ്ര​തി​ഷേ​ധി​ക്കാ​നാ​യി അ​വ​രു​ടെ വീ​ടു​ക​ള്‍ക്ക് മു​മ്പി​ല്‍ പ്ര​ക​ട​നം ന​ട​ത്തു​ക, പി​ക്ക​റ്റി​ങ് ന​ട​ത്തു​ക തു​ട​ങ്ങി​യ​വ ഒ​രു കാ​ര​ണ​വ​ശാ​ലും ചെ​യ്യാ​ന്‍ പാ​ടി​ല്ല.
• ഒ​രു വ്യ​ക്തി​യു​ടെ സ്ഥ​ലം, കെ​ട്ടി​ടം, മ​തി​ല്‍ തു​ട​ങ്ങി​യ​വ അ​യാ​ളു​ടെ അ​നു​വാ​ദം കൂ​ടാ​തെ കൊ​ടി​മ​രം നാ​ട്ടു​ന്ന​തി​നോ ബാ​ന​റു​ക​ള്‍ കെ​ട്ടു​ന്ന​തി​നോ, പ​ര​സ്യം ഒ​ട്ടി​ക്കു​ന്ന​തി​നോ മു​ദ്രാ​വാ​ക്യ​ങ്ങ​ള്‍ എ​ഴു​തു​ന്ന​തി​നോ ഉ​പ​യോ​ഗി​ക്കാ​ന്‍ പാ​ടി​ല്ല.
• മ​റ്റു ക​ക്ഷി​ക​ളു​ടെ യോ​ഗ​ങ്ങ​ളും ജാ​ഥ​ക​ളും ത​ങ്ങ​ളു​ടെ അ​നു​യാ​യി​ക​ള്‍ ത​ട​സ്സ​പ്പെ​ടു​ത്തു​ക​യോ, അ​വ​യി​ല്‍ ഛിദ്ര​മു​ണ്ടാ​ക്കു​ക​യോ ചെ​യ്യു​ന്നി​ല്ലെ​ന്ന് രാ​ഷ്ട്രീ​യ ക​ക്ഷി​ക​ളും സ്ഥാ​നാ​ർ​ഥി​ക​ളും ഉ​റ​പ്പു​വ​രു​ത്ത​ണം. ഒ​രു രാ​ഷ്ട്രീ​യ​ക​ക്ഷി​യു​ടെ പ്ര​വ​ര്‍ത്ത​ക​രോ അ​നു​ഭാ​വി​ക​ളോ ത​ങ്ങ​ളു​ടെ ക​ക്ഷി​യു​ടെ ല​ഘു​ലേ​ഖ വി​ത​ര​ണം ചെ​യ്തോ, നേ​രി​ട്ടോ, രേ​ഖാ​മൂ​ല​മാ​യോ, ചോ​ദ്യ​ങ്ങ​ള്‍ ഉ​ന്ന​യി​ച്ചോ, മ​റ്റൊ​രു രാ​ഷ്ട്രീ​യ ക​ക്ഷി സം​ഘ​ടി​പ്പി​ക്കു​ന്ന പൊ​തു യോ​ഗ​ങ്ങ​ളി​ല്‍ കു​ഴ​പ്പ​ങ്ങ​ള്‍ ഉ​ണ്ടാ​ക്കാ​ന്‍ പാ​ടി​ല്ല. ഒ​രു ക​ക്ഷി​യു​ടെ യോ​ഗം ന​ട​ന്നു​കൊ​ണ്ടി​രി​ക്കു​ന്ന സ്ഥ​ല​ത്തു​കൂ​ടി മ​റ്റൊ​രു ക​ക്ഷി ജാ​ഥ ന​ട​ത്താ​ന്‍ പാ​ടി​ല്ല. ഒ​രു ക​ക്ഷി സ്ഥാ​പി​ച്ച പോ​സ്റ്റ​റു​ക​ളും പ​ര​സ്യ​ങ്ങ​ളും മ​റ്റു ക​ക്ഷി​ക​ളു​ടെ പ്ര​വ​ര്‍ത്ത​ക​ര്‍ നീ​ക്കം ചെ​യ്യ​രു​ത്.
• ക്ര​മ​സ​മാ​ധാ​നം പാ​ലി​ക്കാ​നും ഗ​താ​ഗ​തം നി​യ​ന്ത്രി​ക്കാ​നും ആ​വ​ശ്യ​മാ​യ ഏ​ര്‍പ്പാ​ടു​ക​ള്‍ ചെ​യ്യാ​ന്‍ പൊ​ലീ​സി​ന് സാ​ധ്യ​മാ​ക​ത്ത​ക്ക​വി​ധം യോ​ഗം ന​ട​ത്തു​ന്ന സ്ഥ​ല​വും സ​മ​യ​വും ബ​ന്ധ​പ്പെ​ട്ട പാ​ര്‍ട്ടി​യോ സ്ഥാ​നാ​ർ​ഥി​യോ സ്ഥ​ല​ത്തെ പൊ​ലീ​സ് അ​ധി​കാ​രി​ക​ളെ മു​ന്‍കൂ​ട്ടി അ​റി​യി​ക്ക​ണം.