ചാ​ലി​യ​പ്പു​റം ഗ​വ. ആ​യു​ർ​വേ​ദ ഡി​സ്പ​ൻ​സ​റി​ക്ക് ദേ​ശീ​യ അം​ഗീകാ​രം

എ​ട​വ​ണ്ണ​പ്പാ​റ: ചീ​ക്കോ​ട് ഗ്രാ​മ​പ​ഞ്ചാ​യ​ത്ത് കു​ഞ്ഞു​ണ്ണി നാ​യ​ർ സ്മാ​ര​ക ഗ​വ. മാ​തൃ​ക ആ​യു​ർ​വേ​ദ ഡി​സ്പ​ൻ​സ​റി​ക്ക് നാ​ഷ​ന​ൽ അ​ക്ര​ഡി​റ്റേ​ഷ​ൻ ബോ​ർ​ഡ് ഫോ​ർ ഹോ​സ്പി​റ്റ​ൽ ഹെ​ൽ​ത്ത് കെ​യ​റി​ന്റെ അം​ഗീ​കാ​രം. 1939ൽ ​സ്ഥാ​പി​ത​മാ​യ ഡി​സ്പ​ൻ​സ​റി നി​ല​വി​ൽ ഹെ​ൽ​ത്ത് ആ​ൻ​ഡ് വെ​ൽ​ന​സ് സെ​ന്റ​റാ​യാ​ണ് പ്ര​വ​ർ​ത്തി​ക്കു​ന്ന​ത്.

സ്ഥാ​പ​ന​ത്തി​ലെ ജീ​വ​ന​ക്കാ​രു​ടെ​യും പ​ഞ്ചാ​യ​ത്ത് വ​കു​പ്പ്, നാ​ഷ​ന​ൽ ആ​യു​ഷ് മി​ഷ​ൻ തു​ട​ങ്ങി​യ​വ​യു​ടെ മേ​ല​ധി​കാ​രി​ക​ളു​ടെ​യും നി​ര​ന്ത​ര ശ്ര​മ​ഫ​ല​മാ​യി​ട്ടാ​ണ് അ​വാ​ർ​ഡി​ന​ർ​ഹ​മാ​യ​ത്. നി​ല​വി​ൽ സ്ഥാ​പ​ന​ത്തി​ൽ രോ​ഗി​ക​ൾ​ക്കാ​യി അ​ത​ത് രോ​ഗ​ത്തി​ന​നു​സൃ​ത​മാ​യി പ്ര​ത്യേ​കം യോ​ഗ തെ​റ​പ്പി ന​ട​ക്കു​ന്നു​ണ്ട്. ജീ​വി​ത​ശൈ​ലി രോ​ഗ​ത്തി​നും എ​ല്ല് സം​ബ​ന്ധ​മാ​യ രോ​ഗ​ങ്ങ​ൾ​ക്കും ഒ​ടി​വ്, ച​ത​വ് എ​ന്നി​വ​ക്കും പ്ര​ത്യേ​ക ചി​കി​ത്സ​യും ഒ​രു​ക്കി​യി​ട്ടു​ണ്ട്.

കി​ട​പ്പി​ലാ​യ രോ​ഗി​ക​ൾ​ക്ക് പ​രി​ര​ക്ഷ ഹോം ​കെ​യ​ർ വ​ഴി പ്ര​ത്യേ​ക ചി​കി​ത്സ​യും ല​ഭ്യ​മാ​ക്കു​ന്നു​ണ്ട്. ചീ​ക്കോ​ട് ഗ്രാ​മ പ​ഞ്ചാ​യ​ത്തി​ന്റെ​യും ഭാ​ര​തീ​യ ചി​കി​ത്സ വ​കു​പ്പി​ന്റെ​യും നാ​ഷ​ന​ൽ ആ​യു​ഷ് മി​ഷ​ന്റെ​യും പ​രി​സ​ര​വാ​സി​ക​ളു​ടെ​യും അ​ക​മ​ഴി​ഞ്ഞ സ​ഹാ​യ​ങ്ങ​ൾ സ്ഥാ​പ​ന​ത്തി​ന് ല​ഭി​ക്കു​ന്ന​താ​യി സീ​നി​യ​ർ മെ​ഡി​ക്ക​ൽ ഓ​ഫി​സ​ർ ഡോ. ​വി.​പി. അ​ബ്ദു​ൽ റ​ഷീ​ദ് പ​റ​ഞ്ഞു.