മണ്ണിടിഞ്ഞ് യുവാവ് പാ​റ​ക​ൾ​ക്കു​ള്ളി​ൽ കുടുങ്ങി; ഒന്നര മണിക്കൂറിന് ശേഷം രക്ഷിച്ചു

എ​ട​പ്പാ​ൾ: മ​ണ്ണി​ടി​ഞ്ഞ് പാ​റ​ക​ൾ​ക്കു​ള്ളി​ൽ കു​ടു​ങ്ങി​യ യു​വാ​വ് അ​ത്ഭു​ത​ക​ര​മാ​യി ര​ക്ഷ​പ്പെ​ട്ടു. കൊ​ൽ​ക്ക​ത്ത സ്വ​ദേ​ശി​യാ​യ സു​ജോ​ണി​നെ​യാ​ണ് (30) ര​ക്ഷ​പ്പെ​ടു​ത്തി​യ​ത്. കു​റ്റി​പ്പു​റം - തൃ​ശൂ​ർ സം​സ്ഥാ​ന പാ​ത​യോ​ര​ത്ത് മാ​ണൂ​ർ ന​ട​ക്കാ​വി​ൽ ഭാ​ര​തീ​യ വി​ദ്യാ​ഭ​വ​ൻ സ്കൂ​ളി​ന് സ​മീ​പ​ത്ത് മ​ണ്ണി​ടി​ച്ചി​ൽ ത​ട​യാ​ൻ സം​ര​ക്ഷ​ണ​ഭി​ത്തി കെ​ട്ടു​ന്ന​തി​നി​ടെ തി​ങ്ക​ളാ​ഴ്ച ഉ​ച്ച​ക്ക് ര​ണ്ടി​നാ​യി​രു​ന്നു അ​പ​ക​ടം. ഭി​ത്തി കെ​ട്ടു​ന്ന​തി​നി​ടെ മു​ക​ൾ നി​ല​യി​ൽ നി​ന്ന് മ​ണ്ണി​ടി​ഞ്ഞ് വ​ലി​യ പാ​റ​ക​ൾ വീ​ഴു​ക​യാ​യി​രു​ന്നു.

കാ​ല് പാ​റ​ക​ൾ​ക്കു​ള്ളി​ൽ കു​ടു​ങ്ങി. ഒ​ന്ന​ര മ​ണി​ക്കൂ​റോ​ളം നീ​ണ്ട ര​ക്ഷാ​പ്ര​വ​ര്‍ത്ത​ന​ത്തി​നൊ​ടു​വി​ല്‍ ജെ.​സി.​ബി ഉ​പ​യോ​ഗി​ച്ച് മ​ണ്ണ് നീ​ക്കി​യാ​ണ് പു​റ​ത്തെ​ടു​ത്ത​ത്. തു​ട​ർ​ന്ന് എ​ട​പ്പാ​ൾ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. സം​ഭ​വ​സ​മ​യ​ത്ത് അ​ഞ്ച് തൊ​ഴി​ലാ​ളി​ക​ളാ​ണ് പ​ണി​യെ​ടു​ത്തി​രു​ന്ന​ത്. കു​റ്റി​പ്പു​റം എ​സ്.​ഐ ശെ​ല്‍വ​രാ​ജ്, പൊ​ന്നാ​നി എ​സ്.​ഐ പ്ര​ദീ​പ് എ​ന്നി​വ​രു​ടെ നേ​തൃ​ത്വ​ത്തി​ല്‍ പൊ​ലീ​സും പൊ​ന്നാ​നി, തി​രൂ​ര്‍ എ​ന്നി​വി​ട​ങ്ങ​ളി​ല്‍ നി​ന്നെ​ത്തി​യ അ​ഗ്നി​ര​ക്ഷാ​സേ​ന​യും നാ​ട്ടു​കാ​രും ചേ​ര്‍ന്നാ​ണ് ര​ക്ഷാ​പ്ര​വ​ര്‍ത്ത​നം ന​ട​ത്തി​യ​ത്.

രക്ഷാപ്രവർത്തനത്തിന് ശേഷവും മണ്ണിടിഞ്ഞു; സമീപത്തെ സ്കൂ​ൾ ഭീ​ഷ​ണി​യി​ൽ

എ​ട​പ്പാ​ൾ: മാ​ണൂ​ർ ന​ട​ക്കാ​വി​ൽ മ​ണ്ണി​ടി​ഞ്ഞ് കു​ടു​ങ്ങി​ക്കി​ട​ന്ന യു​വാ​വി​നെ ര​ക്ഷ​പ്പെ​ടു​ത്തി​യ​തി​ന് തൊ​ട്ടു​പി​ന്നാ​ലെ വീ​ണ്ടും മ​ണ്ണി​ടി​ഞ്ഞ​ത് പ​രി​ഭ്രാ​ന്തി പ​ര​ത്തി. ര​ക്ഷാ​പ്ര​വ​ർ​ത്ത​നം ക​ഴി​ഞ്ഞ് 20 മി​നി​റ്റ് പി​ന്നി​ട്ട​പ്പോ​ഴാ​ണ് മ​ണ്ണി​ടി​ഞ്ഞ​ത്. പൊ​ലീ​സും ഫ​യ​ർ​ഫോ​ഴ്സും ര​ക്ഷാ​പ്ര​വ​ർ​ത്ത​നം ന​ട​ത്തി​യി​രു​ന്ന സ്ഥ​ല​ത്തേ​ക്കാ​ണ് മ​ണ്ണി​ടി​ഞ്ഞ​ത്.

ഭാ​ഗ്യം കൊ​ണ്ടാ​ണ് വ​ലി​യ ദു​ര​ന്തം ഒ​ഴി​വാ​യ​ത്. 2000 കു​ട്ടി​ക​ൾ പ​ഠി​ക്കു​ന്ന സ​മീ​പ​ത്തെ ഭാ​ര​തീ​യ വി​ദ്യാ​ഭ​വ​ൻ സ്കൂ​ൾ അ​പ​ക​ട​ഭീ​ഷ​ണി​യി​ലാ​ണ്. സു​ര​ക്ഷ ഉ​റ​പ്പു​വ​രു​ത്തി മാ​ത്ര​മേ സ്കൂ​ൾ പ്ര​വ​ർ​ത്തി​ക്കാ​ൻ പാ​ടു​ള്ളൂ​വെ​ന്ന് പ​ഞ്ചാ​യ​ത്തും പൊ​ലീ​സും മു​ന്ന​റി​യി​പ്പ് ന​ൽ​കി.

സം​ഭ​വ സ്ഥ​ല​ത്തെ​ത്തി​യ ത​ഹ​സി​ൽ​ദാ​ർ​ക്കും ഉ​ദ്യോ​ഗ​സ്ഥ​ർ​ക്കും നേ​രെ നാ​ട്ടു​കാ​ർ രോ​ഷാ​കു​ല​രാ​യി. മു​മ്പും മ​ണ്ണി​ടി​ച്ചി​ൽ സം​ഭ​വി​ച്ച​പ്പോ​ൾ പ​രാ​തി പ​റ​ഞ്ഞി​ട്ടും അ​ധി​കൃ​ത​ർ ക​ണ്ടി​ല്ലെ​ന്ന ഭാ​വം ന​ടി​ച്ചെ​ന്ന് നാ​ട്ടു​കാ​ർ പ​റ​ഞ്ഞു. അ​ശാ​സ്ത്രീ​യ രീ​തി​യി​ലാ​ണ് സം​ര​ക്ഷ​ണ ഭി​ത്തി​കെ​ട്ട​ൽ ന​ട​ക്കു​ന്ന​തെ​ന്നും നാ​ട്ടു​കാ​ർ പ​റ​യു​ന്നു.