കലുങ്കിനടിയിലെ മാലിന്യം നീക്കാനായില്ല; മുസ്‍ലിയാരങ്ങാടിയിലെ വെള്ളക്കെട്ട് ദുരിതമാകുന്നു

എ​ട​ക്ക​ര: മ​ണി​ക്കൂ​റു​ക​ള്‍ നീ​ണ്ട പ​രി​ശ്ര​മ​ത്തി​നൊ​ടു​വി​ലും ക​ലു​ങ്കി​ന​ടി​യി​ലെ ത​ട​സ്സ​ങ്ങ​ള്‍ ഒ​ഴി​വാ​ക്കാ​നാ​യി​ല്ല. എ​ട​ക്ക​ര മു​സ്‍ലി​യാ​ര​ങ്ങാ​ടി​യി​ല്‍ കെ.​എ​ന്‍.​ജി റോ​ഡി​ല്‍ ഞാ​യ​റാ​ഴ്ച​യും വെ​ള്ള​ക്കെ​ട്ട് ദു​രി​ത​മാ​യി. മു​സ്‍ലി​യാ​ര​ങ്ങാ​ടി​ക്കും ക​ലാ​സാ​ഗ​റി​നും ഇ​ട​യി​ല്‍ പെ​ട്രോ​ള്‍ പ​മ്പി​ന് സ​മീ​പ​ത്തെ ഓ​വു​പാ​ല​ത്തി​ലാ​ണ് വെ​ള്ള​ത്തി​ന്റെ ഒ​ഴു​ക്ക് ത​ട​സ്സ​പ്പെ​ട്ട​ത്. ക​ലു​ങ്കി​ന് അ​ടി​യി​ലൂ​ടെ ടെ​ലി​കോം, വാ​ട്ട​ര്‍ അ​തോ​റി​റ്റി എ​ന്നി​വ​യു​ടെ പൈ​പ്പു​ക​ളും കേ​ബി​ളു​ക​ളും ക​ട​ന്നു​പോ​കു​ന്ന​തി​നാ​ല്‍ മാ​ലി​ന്യ​ങ്ങ​ള്‍ വ​ന്ന​ടി​ഞ്ഞ​താ​ണ് വെ​ള്ള​ത്തി​ന്റെ ഒ​ഴു​ക്കി​ന് ത​ട​സ്സ​മാ​യ​യ​ത്.

ക​ലു​ങ്കി​ലൂ​ടെ​യു​ള്ള ഒ​ഴു​ക്ക് നി​ല​ച്ച് വെ​ള്ളം റോ​ഡി​ലേ​ക്ക് മ​റി​ഞ്ഞാ​ണ് റോ​ഡി​ലെ വെ​ള്ള​ക്കെ​ട്ടി​ന് കാ​ര​ണം. പൊ​ലീ​സ് ഇ​ന്‍സ്‌​പെ​ക്ട​ര്‍ എ​ന്‍.​ബി. ഷൈ​ജു​വി​ന്റെ നി​ര്‍ദേ​ശ​പ്ര​കാ​രം ട്രോ​മ​കെ​യ​ര്‍ പ്ര​വ​ര്‍ത്ത​ക​രാ​യ ഹം​സ പാ​ലാ​ങ്ക​ര, ച​ന്ദ്ര​ന്‍ എ​ന്നി​വ​രു​ടെ നേ​തൃ​ത്വ​ത്തി​ല്‍ നാ​ട്ടു​കാ​രും ചേ​ര്‍ന്ന് ത​ട​സ്സം ഒ​ഴി​വാ​ക്കാ​ന്‍ ശ്ര​മി​ച്ചെ​ങ്കി​ലും ഫ​ലം ക​ണ്ടി​ല്ല. മ​ണ്ണു​മാ​ന്തി യ​ന്ത്ര​ത്തി​ന്റെ സ​ഹാ​യ​ത്തോ​ടെ ന​ട​ത്തി​യ നീ​ക്ക​വും പ​രാ​ജ​യ​മാ​യി​രു​ന്നു. പെ​രു​ങ്കു​ളം, വെ​സ്റ്റ് പെ​രു​ങ്കു​ളം ഭാ​ഗ​ങ്ങ​ളി​ല്‍ നി​ന്നു​ള​ള തോ​ട്ടി​ലെ വെ​ള്ള​മാ​ണ് ഇ​വിേ​ട​ക്ക് എ​ത്തു​ന്ന​ത്. ചാ​ക്കി​ല്‍ കെ​ട്ടി​യ പാ​മ്പേ​ഴ്‌​സ്, ച​കി​രി കി​ട​ക്ക, ത​ല​യി​ണ​ക​ള്‍, പ്ലാ​സ്റ്റി​ക് അ​വ​ശി​ഷ്ട​ങ്ങ​ള്‍ എ​ന്നി​വ​യാ​ണ് ക​ലി​ങ്കി​ല്‍ നി​റ​ഞ്ഞ് കി​ട​ക്കു​ന്ന​ത്. തോ​ടി​ന് ഇ​രു​ക​ര​യി​ലു​മു​ള​ള ആ​ളു​ക​ള്‍ ഉ​പേ​ക്ഷി​ച്ച​വ​യാ​ണ് ഇ​വ. മ​ണ്ണ് മാ​ന്തി​യ​ന്ത്രം ഉ​പ​യോ​ഗി​ച്ച് മാ​ലി​ന്യം നീ​ക്കാ​നു​ള​ള ശ്ര​മം വി​ജ​യി​ച്ചി​ല്ല. മാ​ലി​ന്യം നി​റ​ഞ്ഞ വെ​ള്ള​ത്തി​ല്‍ മ​ണി​ക്കൂ​റു​ക​ളാ​ണ് ഇ​വ​ര്‍ ചെ​ല​വ​ഴി​ച്ച​ത്. പ്ര​വൃ​ത്തി തി​ങ്ക​ളാ​ഴ്ച​യും തു​ട​രും.