കാട്ടാന ശല്യം: പരിഹാരം തേടി നാട്ടുകാർ നിവേദനം നൽകി

എ​ട​ക്ക​ര: രൂ​ക്ഷ​മാ​യ കാ​ട്ടാ​ന​ശ​ല്യ​ത്തി​ല്‍നി​ന്ന് ജ​ന​ങ്ങ​ളു​ടെ ജീ​വ​നും സ്വ​ത്തി​നും സം​ര​ക്ഷ​ണം ന​ല്‍ക​ണ​മെ​ന്നാ​വ​ശ്യ​പ്പെ​ട്ട് നാ​ട്ടു​കാ​രു​ടെ നി​വേ​ദ​നം. ചു​ങ്ക​ത്ത​റ കു​ന്ന​ത്ത് വാ​ര്‍ഡി​ലെ ആ​ക്ഷ​ന്‍ ക​മ്മി​റ്റി​യാ​ണ് ജ​ന​ങ്ങ​ളി​ല്‍നി​ന്ന് ഒ​പ്പു​ശേ​ഖ​ര​ണം ന​ട​ത്തി നി​വേ​ദ​നം ന​ല്‍കി​യ​ത്. അ​മ്പ​തി​ലേ​റെ വ​ര്‍ഷ​ങ്ങ​ളാ​യി ജ​ന​ങ്ങ​ള്‍ അ​ധി​വ​സി​ക്കു​ന്ന പ്ര​ദേ​ശ​ത്ത് അ​ടു​ത്തി​ടെ​യാ​ണ് കാ​ട്ടാ​ന​ശ​ല്യം രൂ​ക്ഷ​മാ​യ​ത്. പ​ക​ല്‍ വ​ള്ളു​വ​ശ്ശേ​രി വ​ന​ത്തി​ല്‍നി​ന്ന് കൂ​ട്ട​മാ​യെ​ത്തു​ന്ന കാ​ട്ടാ​ന​ക​ള്‍ ജ​ന​വാ​സ​കേ​ന്ദ്ര​ത്തി​ല്‍ ഭീ​തി പ​ര​ത്തു​ക​യാ​ണ്. കാ​ര്‍ഷി​ക​വി​ള​ക​ള്‍ ന​ശി​പ്പി​ക്കു​ക​യും വീ​ടു​ക​ള്‍ക്ക് കേ​ടു​പാ​ടു​ക​ള്‍ വ​രു​ത്തു​ക​യും ചെ​യ്യു​ന്ന​തി​നാ​ല്‍ ജ​നം

ഭീ​തി​യി​ലാ​ണ്. കാ​ട്ടാ​ന​ക​ളെ ഉ​ൾ​ക്കാ​ട്ടി​ലേ​ക്ക് തു​ര​ത്താ​നും തെ​രു​വു​വി​ള​ക്കു​ക​ള്‍ സ്ഥാ​പി​ക്കാ​നും അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. പ​ഞ്ചാ​യ​ത്തി​ലെ വ​ള്ളു​വ​ശ്ശേ​രി, പൂ​ച്ച​ക്കു​ത്ത്, എ​ട​മ​ല, എ​ട​മ​ല​ക്കു​ന്ന്, മു​ണ്ട​പ്പാ​ടം കോ​ള​നി, അ​മ്പ​ല​ക്കു​ന്ന്, മു​പ്പാ​ലി​പ്പൊ​ട്ടി, പ​ള്ളി​ക്കു​ത്ത് പ്ര​ദേ​ശ​ങ്ങ​ളി​ലും കാ​ട്ടാ​ന​ശ​ല്യം മൂ​ലം ജ​നം പൊ​റു​തി​മു​ട്ടു​ക​യാ​ണ്. നി​വേ​ദ​നം കു​ന്ന​ത്ത് വാ​ര്‍ഡ് അം​ഗം നി​ഷി​ദ മു​ഹ​മ്മ​ദ​ലി ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റ് ടി.​പി. റീ​ന​ക്ക് കൈ​മാ​റി. വൈ​സ് പ്ര​സി​ഡ​ന്റ് നു​സൈ​ബ സു​ധീ​ര്‍, അം​ഗ​ങ്ങ​ളാ​യ എം.​ആ​ര്‍. ജ​യ​ച​ന്ദ്ര​ന്‍, ബി​ന്ദു സ​ത്യ​ന്‍, വി.​പി. പു​രു​ഷോ​ത്ത​മ​ന്‍, വ​ത്സ​മ്മ സെ​ബാ​സ്റ്റ്യ​ന്‍, ആ​ക്ഷ​ന്‍ ക​മ്മി​റ്റി അം​ഗ​ങ്ങ​ളാ​യ അ​ല​വി, ടോ​മി, പോ​ള്‍ ആ​ശ്രം, ഉ​ണ്ണി​മാ​ന്‍ എ​ന്നി​വ​ര്‍ സം​ബ​ന്ധി​ച്ചു. എം.​എ​ൽ.​എ, ക​ല​ക്ട​ർ, നി​ല​മ്പൂ​ർ നോ​ർ​ത്ത് ഡി.​എ​ഫ്.​ഒ എ​ന്നി​വ​ർ​ക്കും നി​വേ​ദ​നം ന​ൽ​കി.