തേ​ഞ്ഞി​പ്പ​ല​ത്ത് ചൂ​ടുപിടിച്ച് കു​ടി​വെ​ള്ള വി​വാ​ദം

തേ​ഞ്ഞി​പ്പ​ലം: വേ​ന​ലി​ൽ കു​ടി​വെ​ള്ളം കി​ട്ടാ​തെ ജ​ന​ങ്ങ​ൾ ബു​ദ്ധി​മു​ട്ടി​ലാ​യ​തി​നെ​ച്ചൊ​ല്ലി​യു​ള്ള വി​വാ​ദ​ങ്ങ​ൾ​ക്കി​ടെ തേ​ഞ്ഞി​പ്പ​ലം പ​ഞ്ചാ​യ​ത്തി​ൽ പ്ര​ശ്ന​പ​രി​ഹാ​രം. ജി​ല്ല ക​ല​ക്ട​റു​ടെ അ​നു​മ​തി ല​ഭ്യ​മാ​യ​തോ​ടെ ബു​ധ​നാ​ഴ്ച മു​ത​ൽ ജ​ല​വി​ത​ര​ണം തു​ട​ങ്ങും. യു.​ഡി എ​ഫ് അ​ധി​കാ​ര​ത്തി​ലു​ള്ള പ​ഞ്ചാ​യ​ത്ത് ഭ​ര​ണ​സ​മി​തി​ക്കെ​തി​രെ എ​ൽ.​ഡി.​എ​ഫ് ആ​രോ​പ​ണം ഉ​ന്ന​യി​ച്ച് സ​മ​ര​ത്തി​ന് ഇ​റ​ങ്ങി​യ​തോ​ടെ കു​ടി​വെ​ള്ള വി​വാ​ദ​ത്തി​ന് ചൂ​ടു​പി​ടി​ച്ചി​രു​ന്നു. ഇ​തി​നി​ടെ ചൊ​വ്വാ​ഴ്ച പ​ഞ്ചാ​യ​ത്ത് ഭ​ര​ണ​സ​മി​തി യോ​ഗം ചേ​ർ​ന്ന് ജ​ല​വി​ത​ര​ണ ക​രാ​ർ ഉ​റ​പ്പി​ക്കു​ക​യും ക​ല​ക്ട​റു​ടെ അ​നു​മ​തി ല​ഭ്യ​മാ​ക്കു​ക​യു​മാ​യി​രു​ന്നു.

എ​ന്നാ​ൽ കു​ടി​വെ​ള്ള വി​ത​ര​ണ​ത്തി​ൽ പ​ഞ്ചാ​യ​ത്ത് പ്ര​സി​ഡ​ന്‍റ് അ​ട​ക്ക​മു​ള്ള​വ​ർ അ​നാ​സ്ഥ കാ​ട്ടി​യ​പ്പോ​ൾ ജി​ല്ല ക​ല​ക്ട​റെ നേ​രി​ട്ട് ബ​ന്ധ​പ്പെ​ട്ട് ത​ങ്ങ​ളാ​ണ് അ​നു​മ​തി നേ​ടി​യെ​ടു​ത്ത​തെ​ന്ന അ​വ​കാ​ശ​വാ​ദ​വു​മാ​യി എ​ൽ.​ഡി.​എ​ഫ് പ്ര​തി​നി​ധി​ക​ളാ​യ പ​ഞ്ചാ​യ​ത്ത് അം​ഗ​ങ്ങ​ൾ രം​ഗ​ത്തെ​ത്തി. എ​ന്നാ​ൽ തെ​ര​ഞ്ഞെ​ടു​പ്പ് ക​മ്മീ​ഷ​ന്‍റെ​യും ജി​ല്ല ഭ​ര​ണ​കൂ​ട​ത്തി​ന്‍റെ​യും അ​നു​മ​തി ല​ഭി​ക്കാ​തെ ജ​ല​വി​ത​ര​ണം ന​ട​ത്താ​നാ​കി​ല്ലെ​ന്ന യാ​ഥാ​ർ​ത്ഥ്യം മ​റ​ച്ചു​വെ​ച്ച് എ​ൽ.​ഡി.​എ​ഫ് രാ​ഷ്ട്രീ​യം ക​ളി​ക്കു​ക​യാ​യി​രു​ന്നെ​ന്ന് ഭ​ര​ണ​സ​മി​തി​യി​ലെ യു.​ഡി.​എ​ഫ് അം​ഗ​ങ്ങ​ൾ പ്ര​തി​ക​രി​ച്ചു. അ​തേ​സ​മ​യം മു​സ്​​ലിം ലീ​ഗി​ലെ ഗ്രൂ​പ്പി​സ​മാ​ണ് ജ​ല​വി​ത​ര​ണ​ത്തി​ൽ റീ ​ടെ​ൻ​ഡ​ർ ന​ൽ​കാ​നു​ള്ള തീ​രു​മാ​ന​ത്തി​ന് പി​ന്നി​ലെ​ന്നും ജ​ന​കീ​യ പ്ര​തി​ഷേ​ധം ഭ​യ​ന്നാ​ണ് ഒ​ടു​വി​ൽ നേ​ര​ത്തെ ക​രാ​ർ ന​ൽ​കി​യ വ്യ​ക്തി​യെ ത​ന്നെ ചു​മ​ത​ല​പ്പെ​ടു​ത്തി​യ​തെ​ന്നും എ​ൽ.​ഡി.​എ​ഫ് അം​ഗ​ങ്ങ​ൾ ആ​രോ​പി​ച്ചു.

ഒ​രു​ലി​റ്റ​ർ വെ​ള്ളം വാ​ഹ​ന​ത്തി​ൽ കൊ​ണ്ടു​പോ​യി വി​ത​ര​ണം ചെ​യ്യാ​ൻ 38 പൈ​സ​യാ​ണ് ക​രാ​റു​കാ​ര​ൻ ആ​വ​ശ്യ​പ്പെ​ട്ടി​രു​ന്ന​ത്. ഇ​ത് 23 പൈ​സ​യാ​ക്കി കു​റ​ച്ചാ​ണ് അ​ന്തി​മ തീ​രു​മാ​ന​ത്തി​ലെ​ത്തി​യ​തെ​ന്ന് പ​ഞ്ചാ​യ​ത്ത് അ​ധി​കൃ​ത​ർ വ്യ​ക്ത​മാ​ക്കി. എ​ന്നാ​ൽ എ​ൽ.​ഡി. എ​ഫ് പ്ര​തി​ഷേ​ധം കാ​ര​ണ​മാ​ണ് പ്ര​ശ്ന​പ​രി​ഹാ​ര​മു​ണ്ടാ​യ​തെ​ന്നാ​ണ് പ്ര​തി​പ​ക്ഷ വാ​ദം.

പ്ര​ശ്നം വ​ഷ​ളാ​ക്കി​യ​ത് ഗ്രൂ​പ്പി​സ​വും അ​നാ​സ്ഥ​യും -എ​ൽ.​ഡി.​എ​ഫ്

തേ​ഞ്ഞി​പ്പ​ലം: മാ​ർ​ച്ച് 23ന് ​ചേ​ർ​ന്ന തേ​ഞ്ഞി​പ്പ​ലം പ​ഞ്ചാ​യ​ത്ത് ഭ​ര​ണ​സ​മി​തി ജ​ല​വി​ത​ര​ണ​ത്തി​നു​ള്ള ടെ​ൻ​ഡ​ർ അം​ഗീ​ക​രി​ച്ചെ​ങ്കി​ലും ജി​ല്ല ക​ല​ക്ട​റു​ടെ അ​നു​മ​തി ല​ഭ്യ​മാ​ക്കു​ന്ന​തി​ൽ അ​നാ​സ്ഥ കാ​ട്ടി കാ​ല​താ​മ​സം വ​രു​ത്തി​യെ​ന്ന് എ​ൽ.​ഡി.​എ​ഫ്. പ​ല പ​ഞ്ചാ​യ​ത്തു​ക​ളും ക​ല​ക്ട​റു​ടെ അ​നു​മ​തി നേ​രി​ട്ടും, ഫോ​ണി​ലൂ​ടേ​യും വാ​ങ്ങു​മ്പോ​ൾ തേ​ഞ്ഞി​പ്പ​ലം പ​ഞ്ചാ​യ​ത്ത് പ്ര​സി​ഡ​ന്‍റ് അ​ത്ത​ര​ത്തി​ൽ ഒ​രു ഇ​ട​പെ​ട​ലും ന​ട​ത്തി​യി​ല്ലെ​ന്ന് എ​ൽ.​ഡി.​എ​ഫ് അം​ഗ​ങ്ങ​ൾ ആ​രോ​പി​ച്ചു.

മു​സ്​​ലിം ലീ​ഗി​ലെ ഗ്രൂ​പ്പി​സ​ത്തി​ന്‍റെ ഭാ​ഗ​മാ​യാ​ണ് കു​ടി​വെ​ള്ള വി​ത​ര​ണം വൈ​കാ​ൻ ഇ​ട​യാ​യ​ത്. അ​ജ്നാ​സ് എ​ന്ന വ്യ​ക്തി​ക്ക് ല​ഭി​ച്ച ടെ​ൻ​ഡ​ർ ലീ​ഗി​ലെ ഒ​രു വി​ഭാ​ഗ​ത്തി​ന് സ്വീ​കാ​ര്യ​മാ​യി​ല്ല. ഇ​തി​ന്‍റെ അ​ടി​സ്ഥാ​ന​ത്തി​ലാ​ണ് മ​റ്റൊ​രു വ്യ​ക്തി​ക്ക് ടെ​ൻ​ഡ​ർ ന​ൽ​കാ​ൻ റീ​ടെ​ൻ​ഡ​ർ ന​ട​പ​ടി​ക​ളി​ലേ​ക്ക് നീ​ങ്ങാ​നാ​യി പ്ര​സി​ഡ​ന്‍റ് അ​ടി​യ​ന്തി​ര ബോ​ഡ് മീ​റ്റി​ങ് വി​ളി​ക്കാ​ൻ തീ​രു​മാ​നി​ച്ച​ത്. റീ ​ടെ​ൻ​ഡ​ർ ന​ട​പ​ടി​യി​ലേ​ക്ക് ക​ട​ന്നാ​ൽ ഇ​നി​യും ആ​ഴ്ച​ക​ൾ വെ​ള്ള​ത്തി​നാ​യി കാ​ത്തി​രി​ക്കേ​ണ്ട​താ​യി വ​രും. അ​ത്ത​രം ന​ട​പ​ടി​ക​ളു​മാ​യി പോ​യാ​ൽ പ​ഞ്ചാ​യ​ത്ത് സ്തം​ഭി​പ്പി​ക്കു​ന്ന സ​മ​ര​വു​മാ​യി മു​ന്നോ​ട്ട് പോ​കു​മെ​ന്ന് മു​ന്ന​റി​യി​പ്പു ന​ൽ​കി.

ഇ​തി​ന്‍റെ അ​ടി​സ്ഥാ​ന​ത്തി​ൽ ചൊ​വ്വാ​ഴ്ച പ​ഞ്ചാ​യ​ത്തി​ൽ യോ​ഗം ചേ​രു​ക​യും വ​ലി​യ പ്ര​തി​ഷേ​ധം മു​ന്നി​ൽ ക​ണ്ട് ക​രാ​ർ എ​ടു​ത്ത വ്യ​ക്തി​ക്ക് ത​ന്നെ ക​രാ​ർ ന​ൽ​കി അം​ഗീ​ക​രി​ക്കു​ക​യാ​യി​രു​ന്നു​വെ​ന്ന് എ​ൽ.​ഡി.​എ​ഫ് അം​ഗ​ങ്ങ​ളാ​യ എം. ​ബി​ജി​ത, പി.​എം. നി​ഷാ​ബ്, കെ. ​ഹ​ലീ​മ, സി.​എം. മു​ബ​ഷി​റ എ​ന്നി​വ​ർ പ്ര​സ്താ​വ​ന​യി​ൽ പ​റ​ഞ്ഞു.