താ​ലൂ​ക്ക് ആ​ശു​പ​ത്രി അ​ൺ​ഫി​റ്റ് കെ​ട്ടി​ടം പൊ​ളി​ച്ചു​മാ​റ്റ​ൽ വേ​ഗ​ത്തി​ൽ

മ​ല​പ്പു​റം: കോ​ട്ട​പ്പ​ടി താ​ലൂ​ക്ക് ആ​ശു​പ​ത്രി അ​ൺ ഫി​റ്റ് കെ​ട്ടി​ടം പൊ​ളി​ക്ക​ൽ പു​രോ​ഗ​മി​ക്കു​ന്നു. ഒ​രാ​ഴ്ച​ക്കി​ടെ പ്ര​വൃ​ത്തി വേ​ഗ​ത്തി​ലാ​ണ് മു​ന്നോ​ട്ട് പോ​കു​ന്ന​ത്. നേ​ര​ത്തെ ഫാ​ർ​മ​സി പ്ര​വ​ർ​ത്തി​ച്ചി​രു​ന്ന കെ​ട്ടി​ട​ത്തി​ന്റെ മു​ൻ​വ​ശം പൂ​ർ​ണ​മാ​യും പൊ​ളി​ച്ചു​നീ​ക്കി. കൂ​ടാ​തെ വാ​തി​ലു​ക​ളും ജ​ന​ലു​ക​ളും പൊ​ളി​ച്ചു​മാ​റ്റി.

ര​ണ്ട് മാ​സ​ത്തി​ന​കം പൂ​ർ​ണ​മാ​യി പൊ​ളി​ക്കാ​നാ​കു​മെ​ന്നാ​ണ് പ്ര​തീ​ക്ഷ. പ​ഴ​യ കെ​ട്ടി​ടം 10.68 ല​ക്ഷം രൂ​പ അ​ട​ച്ചാ​ണ് ക​രാ​റു​കാ​ര​ൻ പൊ​ളി​ക്ക​ൽ ഏ​റ്റെ​ടു​ത്ത​ത്. നി​ല​വി​ലെ കെ​ട്ടി​ടം പൊ​ളി​ക്കു​ന്ന​തോ​ടെ 10 കോ​ടി രൂ​പ ചെ​ല​വി​ൽ കേ​ന്ദ്ര​സ​ർ​ക്കാ​റി​ന്റെ പി.​എം.​ജി.​കെ (പ്രൈം ​മി​നി​സ്റ്റ​ർ യോ​ജ​ന കാ​ര്യ​ക്രം) പ​ദ്ധ​തി​യി​ൽ ഉ​ൾ​പ്പെ​ടു​ത്തി പു​തി​യ കെ​ട്ടി​ട​ത്തി​ന്റെ നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്ക് തു​ട​ക്കം കു​റി​ക്കും.

കെ​ട്ടി​ട നി​ർ​മാ​ണ​വു​മാ​യി ബ​ന്ധ​പ്പെ​ട്ട് വി​ദ്യാ​ഭ്യാ​സ വ​കു​പ്പി​ന്റെ കൈ​യി​ൽ ഉ​ണ്ടാ​യി​രു​ന്ന ഭൂ​മി​ക്ക് ആ​രോ​ഗ്യ വ​കു​പ്പി​ന്റെ നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്ക് എ​ൻ.​ഒ.​സി ല​ഭി​ക്കു​ന്ന​തി​ന് ഉ​ൾ​പ്പെ​ടെ വ​ന്ന കാ​ല​താ​മ​സ​മാ​ണ് നി​ർ​മാ​ണ പ്ര​വ​ർ​ത്ത​ന​ങ്ങ​ൾ വൈ​കാ​ൻ കാ​ര​ണം. പൊ​ളി​ച്ചു​മാ​റ്റു​ന്ന കെ​ട്ടി​ട​ത്തി​ലു​ണ്ടാ​യി​രു​ന്ന ഫി​സി​യോ​തെ​റ​പ്പി യൂ​നി​റ്റ് മേ​ൽ​മു​റി ആ​ല​ത്തൂ​ർ​പ​ടി​യി​ലേ​ക്കും ഫാ​ർ​മ​സി സ്റ്റോ​റേ​ജ് മു​നി​സി​പ്പ​ൽ ടൗ​ൺ​ഹാ​ളി​ൽ ന​ഗ​ര​സ​ഭ ത​യാ​റാ​ക്കി​യ സ്റ്റോ​റേ​ജ് ബ്ലോ​ക്കി​ലേ​ക്കും ഒ.​പി പു​തി​യ കെ​ട്ടി​ട​ത്തി​ന്റെ ഒ​ന്നാം നി​ല​യി​ലേ​ക്കും ഒ​ഫ്താ​ൽ​മോ​ള​ജി വ​കു​പ്പു​ക​ൾ പു​തി​യ കെ​ട്ടി​ട​ത്തി​ന്റെ മൂ​ന്നാം നി​ല​യി​ലേ​ക്കും മാ​റ്റിയിരു​ന്നു.