പഞ്ചായത്തുകളിലെ തോൽവി: ലീഗ് കമ്മിറ്റികൾ പിരിച്ചുവിട്ടു
text_fieldsമലപ്പുറം: തദ്ദേശ സ്വയംഭരണ സ്ഥാപനങ്ങളിലേക്ക് നടന്ന തെരഞ്ഞെടുപ്പിൽ യു.ഡി.എഫ് നേതൃത്വത്തിൽ ഭരണസമിതി നിലവിലുണ്ടായിരുന്ന സ്ഥലങ്ങളിൽ പരാജയം നേരിട്ട പ്രദേശങ്ങളിലെ പഞ്ചായത്ത്, മുനിസിപ്പൽ ലീഗ് കമ്മിറ്റികളെ പിരിച്ചുവിട്ടു. നിലമ്പൂർ, വെളിയങ്കോട്, ആലങ്കോട് കമ്മിറ്റികൾക്കെതിരെയാണ് നടപടി. പുതിയ ഭാരവാഹികളെ ജില്ല പ്രസിഡൻറ് സാദിഖലി ശിഹാബ് തങ്ങൾ നാമനിർദേശം ചെയ്തു.
പരാജയ കാരണം അന്വേഷിക്കുന്നതിന് ജില്ല കമ്മിറ്റി ഉപസമിതികളെ നിയോഗിച്ചിരുന്നു. ഈ സമിതികളുടെ റിപ്പോർട്ടിെൻറ അടിസ്ഥാനത്തിലാണ് നടപടി. പരാജയം സംഭവിച്ച മറ്റ് പഞ്ചായത്തുകളിലും വരുംദിവസങ്ങളിൽ നടപടികളുണ്ടാവുമെന്ന് ജില്ല മുസ്ലിം ലീഗ് ഓഫിസിൽനിന്ന് അറിയിച്ചു. പുതിയ കമ്മിറ്റി ഭാരവാഹികൾ: നിലമ്പൂർ മുനിസിപ്പാലിറ്റി: അഡ്വ. എം. ഹംസ കുരിക്കൾ (പ്രസി.), ഷിഹാബ് ഇണ്ണി (ജന. സെക്ര.), അക്ബർ പൂന്തല (ട്രഷ.).
വെളിയങ്കോട് പഞ്ചായത്ത്: കെ.ഒ. അബൂബക്കർ ഹാജി (പ്രസി.), ടി.എ. മജീദ് (ജന. സെക്ര.), എച്ച്.എം. ബാദുഷ (ട്രഷ.). ആലങ്കോട് പഞ്ചായത്ത്: സി.കെ. ബാപ്പനു ഹാജി (പ്രസി.), ടി.വി. അഹ്മദുണ്ണി, (ജന. സെക്ര.), കെ.എ. ഹമീദ് (ട്രഷ.).
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.