വി​ദ്യാ​ർ​ഥി​ക​ളെ വ​ല​ച്ച്​ നീന്തൽ പരീക്ഷ

മ​ല​പ്പു​റം: പ്ല​സ് ​വ​ൺ പ്ര​വേ​ശ​ന​ത്തി​ന്​ ര​ണ്ടു​മാ​ർ​ക്ക് വെ​യി​റ്റേ​ജി​നു​ള്ള നീ​ന്ത​ൽ സ​ർ​ട്ടി​ഫി​ക്ക​റ്റ് ല​ഭ്യ​മാ​ക്കാ​ൻ സ്പോ​ർ​ട്സ് കൗ​ൺ​സി​ൽ മ​ല​പ്പു​റ​ത്ത് സം​ഘ​ടി​പ്പി​ച്ച നീ​ന്ത​ൽ പ​രീ​ക്ഷ അ​ധി​കൃ​ത​രു​ടെ അ​നാ​സ്ഥ​യി​ൽ സം​ഘ​ർ​ഷാ​വ​സ്ഥ​യി​ലെ​ത്തി. മ​ല​പ്പു​റം മേ​ൽ​മു​റി മ​അ്​​ദി​ൻ കാ​മ്പ​സി​ന് സ​മീ​പ​ത്തെ അ​ഞ്ചീ​നി​ക്കു​ള​ത്തി​ലാ​ണ്​ അ​രി​ക്കോ​ട്, മ​ല​പ്പു​റം ബ്ലോ​ക്ക്​ പ​ഞ്ചാ​യ​ത്തി​ലു​ള്ള​വ​ർ​ക്ക് സൗ​ക​ര്യ​മൊ​രു​ക്കി​യി​രു​ന്ന​ത്.

തി​ങ്ക​ളാ​ഴ്ച അ​രി​ക്കോ​ട് ബ്ലോ​ക്കി​ലു​ള്ള നൂ​റു​ക​ണ​ക്കി​ന് വി​ദ്യാ​ർ​ഥി​ക​ൾ എ​ത്തി​യെ​ങ്കി​ലും വേ​ണ്ട സൗ​ക​ര്യ​മു​ണ്ടാ​യി​രു​ന്നി​ല്ല. ന​ട​പ​ടി​ക്ര​മ​ങ്ങ​ൾ നീ​ങ്ങാ​താ​യ​തോ​ടെ വി​ദ്യാ​ർ​ഥി​ക​ളും ര​ക്ഷി​താ​ക്ക​ളും പ്ര​തി​ഷേ​ധി​ക്കു​ക​യാ​യി​രു​ന്നു. 12.15ഓ​ടെ വി​ദ്യാ​ർ​ഥി​ക​ൾ ഒ​ന്ന​ട​ങ്കം പാ​ല​ക്കാ​ട്-​കോ​ഴി​ക്കോ​ട് ദേ​ശീ​യ​പാ​ത ഉ​പ​രോ​ധി​ച്ചു. സ​മ​രം എം.​എ​സ്.​എ​ഫ് ഏ​റ്റെ​ടു​ത്ത​തോ​ടെ ദേ​ശീ​യ​പാ​ത ഒ​രു​മ​ണി​ക്കൂ​റോ​ളം കു​രു​ക്കി​ല​മ​ർ​ന്നു.

രാ​വി​ലെ എ​ട്ടി​നാ​ണ്​ നീ​ന്ത​ൽ പ​രീ​ക്ഷ തു​ട​ങ്ങി​യ​ത്. ചെ​റി​യ കു​ള​ത്തി​ൽ ഒ​രു​സ​മ​യം കു​റ​ച്ച് കു​ട്ടി​ക​ൾ​ക്ക് മാ​ത്ര​മാ​ണ് ഇ​റ​ങ്ങാ​നാ​യ​ത്. നീ​ന്ത​ൽ പ​ഠി​ക്കാ​ത്ത​വ​രും എ​ത്തി​യി​രു​ന്നു. പെ​ൺ​കു​ട്ടി​ക​ള​ട​ക്കം വെ​ള്ള​ത്തി​ലി​റ​ങ്ങി നീ​ന്താ​നാ​കാ​തെ ക​ര​ക്ക് ക​യ​റു​ന്ന അ​വ​സ്ഥ​യു​മു​ണ്ടാ​യി. എ​ട്ടു​മ​ണി​ക്ക് മു​മ്പേ ടോ​ക്ക​ൺ ന​ൽ​കി​യ​തോ​ടെ വ​ൻ ക്യൂ​വാ​ണ് രൂ​പ​പ്പെ​ട്ട​ത്. ഭൂ​രി​ഭാ​ഗം വി​ദ്യാ​ർ​ഥി​ക​ളും ഭ​ക്ഷ​ണം പോ​ലും ക​ഴി​ക്കാ​തെ​യാ​ണ്​ ഊ​ഴ​ത്തി​നാ​യി കാ​ത്തു​നി​ന്ന​ത്. ആ​ൺ​കു​ട്ടി​ക​ൾ​ക്കും പെ​ൺ​കു​ട്ടി​ക​ൾ​ക്കും പ്ര​ത്യേ​ക​മാ​യി​ട്ടാ​യി​രു​ന്നു അ​വ​സ​രം ന​ൽ​കി​യി​രു​ന്ന​ത്. ട്രോ​മാ​കെ​യ​ർ വ​ള​ന്‍റി​യ​ർ​മാ​ർ സു​ര​ക്ഷ​ക്കാ​യി ഉ​ണ്ടാ​യി​രു​ന്നു.

നൂ​റു​ക​ണ​ക്കി​ന് വി​ദ്യാ​ർ​ഥി​ക​ളെ​ത്തു​മെ​ന്ന​റി​ഞ്ഞി​ട്ടും മ​തി​യാ​യ സൗ​ക​ര്യ​ങ്ങ​ൾ ഒ​രു​ക്കി​യി​രു​ന്നി​ല്ലെ​ന്ന് ര​ക്ഷി​താ​ക്ക​ൾ ആ​രോ​പി​ച്ചു. മ​ല​പ്പു​റം പൊ​ലീ​സെ​ത്തി എം.​എ​സ്.​എ​ഫ്​ നേ​താ​ക്ക​ളോ​ട് സം​സാ​രി​ച്ചെ​ങ്കി​ലും നീ​ന്ത​ൽ പ​രീ​ക്ഷ ന​ട​ത്ത​ണ​മെ​ങ്കി​ൽ ആ​വ​ശ്യ​മാ​യ സൗ​ക​ര്യ​മൊ​രു​ക്ക​ണ​മെ​ന്ന് ഇ​വ​ർ അ​റി​യി​ച്ചു. തു​ട​ർ​ന്ന് ജി​ല്ല സ്പോ​ർ​ട്സ്​ കൗ​ൺ​സി​ൽ അ​ധി​കാ​രി​ക​ളു​മാ​യി പൊ​ലീ​സി​ന്‍റെ സാ​ന്നി​ധ്യ​ത്തി​ൽ ച​ർ​ച്ച ന​ട​ത്തി.

അ​രീ​ക്കോ​ട് ബ്ലോ​ക്കി​ൽ​നി​ന്ന്​ തി​ങ്ക​ളാ​ഴ്ച എ​ത്തി​യ​വ​ർ​ക്ക്​ സൗ​ക​ര്യ​മൊ​രു​ക്കു​ന്ന പ​ക്ഷം അ​ത​ത് പ​ഞ്ചാ​യ​ത്തു​ക​ൾ​ക്ക് കീ​ഴി​ൽ പ​രീ​ക്ഷ ന​ട​ത്തു​മെ​ന്ന് സ്പോ​ർ​ട്സ്​ കൗ​ൺ​സി​ൽ അ​ധി​കാ​രി​ക​ൾ അ​റി​യി​ച്ച​തോ​ടെ​യാ​ണ് സം​ഘ​ർ​ഷ അ​വ​സ്ഥ നീ​ങ്ങി​യ​ത്. ജി​ല്ല സ്പോ​ർ​ട്സ്​ കൗ​ൺ​സി​ൽ എ​ക്സി​ക്യൂ​ട്ടി​വ് അം​ഗം സി. ​സു​രേ​ഷ് ഇ​ക്കാ​ര്യം സം​ബ​ന്ധി​ച്ച് രേ​ഖാ​മൂ​ലം ഉ​റ​പ്പു​ന​ൽ​കി.

വി​ദ്യാ​ർ​ഥി​ക​ൾ​ക്ക്​ നീ​ന്ത​ൽ യോ​ഗ്യ​ത തെ​ളി​യി​ക്കാ​ൻ ജി​ല്ല​യി​ൽ നാ​ലി​ട​ത്താ​ണ്​ സൗ​ക​ര്യ​മൊ​രു​ക്കി​യി​ട്ടു​ള്ള​ത്. മേ​ൽ​മു​റി അ​ഞ്ചീ​നി​ക്കു​ള​ത്തി​ന് പു​റ​മെ കാ​ലി​ക്ക​റ്റ്​ സ​ർ​വ​ക​ലാ​ശാ​ല സ്​​പോ​ർ​ട്​​സ്​ കോം​പ്ല​ക്സി​ലെ നീ​ന്ത​ൽ​ക്കു​ളം, ​പെ​രി​ന്ത​ൽ​മ​ണ്ണ ക​ക്കൂ​ത്ത്​ സി​ൽ​വ​ർ മൗ​ണ്ട്​ ഇ​ന്‍റ​ർ​നാ​ഷ​ന​ൽ സ്കൂ​ൾ, എ​ട​പ്പാ​ൾ പൊ​ൽ​പ്പാ​ക്ക​ര എ​ന്നി​വി​ട​ങ്ങ​ളി​ലാ​ണ് ജി​ല്ല​യി​ലെ 15 ബ്ലോ​ക്കു​ക​ളി​ൽ​നി​ന്നു​ള്ള വി​ദ്യാ​ർ​ഥി​ക​ൾ എ​ത്തേ​ണ്ട​ത്.

ന​ൽ​കാ​നാ​യ​ത് 370 സ​ർ​ട്ടി​ഫി​ക്ക​റ്റു​ക​ൾ; ല​ഭി​ച്ച​ത് 500 അ​പേ​ക്ഷ​ക​ൾ

സം​ഘ​ർ​ഷ​ത്തെ തു​ട​ർ​ന്ന് സ​ർ​ട്ടി​ഫി​ക്ക​റ്റ് ന​ൽ​കു​ന്ന​ത് ത​ട​സ്സ​പ്പെ​ട്ട​താ​യി ജി​ല്ല സ്പോ​ർ​ട്സ് കൗ​ൺ​സി​ൽ സെ​ക്ര​ട്ട​റി മെ​ഹ​റൂ​ഫ് അ​റി​യി​ച്ചു. 500 അ​പേ​ക്ഷ​ക​ൾ എ​ത്തി​യ​തി​ൽ 370 പേ​ർ​ക്കാ​ണ് സ​ർ​ട്ടി​ഫി​ക്ക​റ്റ് ന​ൽ​കാ​നാ​യ​ത്. തെ​റ്റി​ദ്ധാ​ര​ണ​യു​ടെ പു​റ​ത്താ​ണ് മ​ല​പ്പു​റ​ത്ത്​ സം​ഘ​ർ​ഷ​മു​ണ്ടാ​യ​തെ​ന്ന്​ മെ​ഹ​റൂ​ഫ് പ​റ​ഞ്ഞു.

അ​രീ​ക്കോ​ട് ബ്ലോ​ക്കി​ൽ​നി​ന്നു​ള്ള​വ​രോ​ടാ​ണ്​ എ​ത്താ​ൻ പ​റ​ഞ്ഞി​രു​ന്ന​തെ​ങ്കി​ലും കൊ​ണ്ടോ​ട്ടി, കോ​ട്ട​ക്ക​ൽ തു​ട​ങ്ങി​യി​ട​ങ്ങ​ളി​ൽ​നി​ന്നെ​ല്ലാം കു​ട്ടി​ക​ളെ​ത്തി​യി​രു​ന്നു. മ​ല​പ്പു​റം ഒ​ഴി​ച്ചു​ള്ള മ​റ്റി​ട​ങ്ങ​ളി​ൽ പ്ര​ശ്ന​ങ്ങ​ളു​ണ്ടാ​യി​രു​ന്നി​ല്ലെ​ന്നും സ്പോ​ർ​ട്സ് കൗ​ൺ​സി​ൽ സെ​ക്ര​ട്ട​റി ചൂ​ണ്ടി​ക്കാ​ട്ടി. അ​രീ​ക്കോ​ട് ബ്ലോ​ക്കി​ൽ​നി​ന്ന് തി​ങ്ക​ളാ​ഴ്ച എ​ത്തി​യി​ട്ടും പ​രീ​ക്ഷ​യി​ൽ പ​ങ്കെ​ടു​ക്കാ​ൻ ക​ഴി​യാ​ത്ത​വ​ർ​ക്ക് മാ​ത്ര​മാ​ണ് അ​ത​ത് പ​ഞ്ചാ​യ​ത്തു​ക​ളി​ൽ സൗ​ക​ര്യ​മൊ​രു​ക്കു​ക​യെ​ന്നും ബാ​ക്കി​യു​ള്ള​വ​രു​ടെ ടെ​സ്റ്റ് മു​ൻ​നി​ശ്ച​യി​ച്ച​ത് പ്ര​കാ​രം ത​ന്നെ ന​ട​ത്തു​മെ​ന്നും സെ​ക്ര​ട്ട​റി അ​റി​യി​ച്ചു.

നീന്തൽ പരിശോധന ശനിയാ​ഴ്ച വരെ-സ്​പോർട്​സ്​കൗൺസിൽ

മ​ല​പ്പു​റം: പ്ല​സ്​​വ​ൺ പ്ര​വേ​ശ​ന​ത്തി​ന്​ വെ​യി​റ്റേ​ജി​നു​ള്ള നീ​ന്ത​ൽ സ​ർ​ട്ടി​ഫി​ക്ക​റ്റ് ല​ഭ്യ​മാ​ക്കു​ന്ന​തി​ന് പ​രി​ശോ​ധ​ന സൗ​ക​ര്യം​ ശ​നി​യാ​ഴ്ച വ​രെ നീ​ട്ടി​യി​ട്ടു​ണ്ടെ​ന്ന്​ ജി​ല്ല സ്​​പോ​ർ​ട്​​സ്​ കൗ​ൺ​സി​ൽ അ​റി​യി​ച്ചു.നീ​ന്ത​ലി​ന്​ ഒ​രു കേ​ന്ദ്രം കൂ​ടി അ​നു​വ​ദി​ച്ചി​ട്ടു​ണ്ട്. നീ​ന്ത​ല​റി​യാ​വു​ന്ന മു​ഴു​വ​ൻ കു​ട്ടി​ക​ൾ​ക്കും സ​ർ​ട്ടി​ഫി​ക്ക​റ്റ് ല​ഭി​ക്കാ​ൻ സാ​ഹ​ച​ര്യ​മു​ണ്ടാ​ക്കും. നി​ല​വി​ലെ സം​വി​ധാ​നം അ​വ​സാ​നി​ച്ചാ​ലും നീ​ന്ത​ല​റി​യാ​വു​ന്ന​വ​ർ ശേ​ഷി​ക്കു​ന്നു​ണ്ടെ​ങ്കി​ൽ പി​ന്നീ​ട് മ​റ്റു സം​വി​ധാ​ന​ങ്ങ​ൾ പ​രി​ശോ​ധി​ക്കു​​മെ​ന്നും ബ​ന്ധ​പ്പെ​ട്ട​വ​ർ അ​റി​യി​ച്ചു.

സ്പോ​ർ​ട്സ്​ കൗ​ൺ​സി​ൽ ഓഫിസ്​ ഉ​പ​രോ​ധി​ച്ച് എം.​എ​സ്.​എ​ഫ്

മ​ല​പ്പു​റം: നീ​ന്ത​ൽ പ​രീ​ക്ഷ​ക്കാ​യി അ​ത​ത് പ​ഞ്ചാ​യ​ത്തു​ക​ളി​ൽ സൗ​ക​ര്യ​മേ​ർ​പ്പെ​ടു​ത്ത​ണ​മെ​ന്ന് ആ​വ​ശ്യ​പ്പ​ട്ട് എം.​എ​സ്.​എ​ഫ് മ​ല​പ്പു​റം സി​വി​ൽ സ്റ്റേ​ഷ​ൻ കോ​മ്പൗ​ണ്ടി​ലെ സ്പോ​ർ​ട്സ് കൗ​ൺ​സി​ൽ ഓ​ഫി​സ് ഉ​പ​രോ​ധി​ച്ചു. മേ​ൽ​മു​റി​യി​ലെ സം​ഘ​ർ​ഷം അ​വ​സാ​നി​ച്ച​തോ​ടെ നേ​താ​ക്ക​ള​ട​ക്കം 15ഓ​ളം പ്ര​വ​ർ​ത്ത​ക​ർ എ​ത്തി​യാ​ണ് ര​ണ്ട​ര​യോ​ടെ സ​മ​രം ആ​രം​ഭി​ച്ച​ത്. തു​ട​ർ​ന്ന് സ്ഥ​ല​ത്തെ​ത്തി​യ പൊ​ലീ​സ് എ​ല്ലാ​വ​രെ​യും അ​റ​സ്റ്റ് ചെ​യ്തു നീ​ക്കി.

ഇ​തി​നി​ടെ ഒ​രു പ്ര​വ​ർ​ത്ത​ക​ന് ദേ​ഹാ​സ്വ​സ്ഥ്യം അ​നു​ഭ​വ​പ്പെ​ട്ടു. ത​ങ്ങ​ൾ ചൂ​ണ്ടി​ക്കാ​ട്ടി​യി​ട്ടും ഇ​ദ്ദേ​ഹ​ത്തെ അ​ട​ക്കം അ​റ​സ്റ്റ് ചെ​യ്യു​ക​യാ​യി​രു​ന്നു പൊ​ലീ​സ് എ​ന്ന് നേ​താ​ക്ക​ൾ ആ​രോ​പി​ച്ചു. പി​ന്നീ​ട് സ്റ്റേ​ഷ​നി​ൽ ഈ ​പ്ര​വ​ർ​ത്ത​ക​ൻ ത​ള​ർ​ന്നു​വീ​ണ​തി​ന് ശേ​ഷ​മാ​ണ് ആ​ശു​പ​ത്രി​യി​ലെ​ത്തി​ക്കാ​ൻ പൊ​ലീ​സ് ത​യാ​റാ​യ​തെ​ത്രേ. എ​ന്നാ​ൽ, ഇ​ത്ത​ര​ത്തി​ലൊ​രു സം​ഭ​വം ന​ട​ന്നി​ട്ടി​ല്ലെ​ന്ന് മ​ല​പ്പു​റം പൊ​ലീ​സ് അ​റി​യി​ച്ചു. ജി​ല്ല പ്ര​സി​ഡ​ന്‍റ് ക​ബീ​ര്‍ മു​തു​പ​റ​മ്പ്, ജ​ന​റ​ല്‍ സെ​ക്ര​ട്ട​റി വി.​എ. വ​ഹാ​ബ്, മ​ല​പ്പു​റം നി​യോ​ജ​ക മ​ണ്ഡ​ലം പ്ര​സി​ഡ​ന്‍റ് അ​ഖി​ല്‍ ആ​ന​ക്ക​യം, ജ​ന​റ​ല്‍ സെ​ക്ര​ട്ട​റി ജ​സീ​ല്‍ പ​റ​മ്പ​ന്‍, മ​ല​പ്പു​റം മു​നി​സി​പ്പ​ല്‍ വൈ​സ് പ്ര​സി​ഡ​ന്‍റ് റം​സാ​ന്‍ കാ​ട്ടു​ങ്ങ​ല്‍, സെ​ക്ര​ട്ട​റി ഹ​ബീ​ബ് അ​ധി​കാ​രി​ത്തൊ​ടി തു​ട​ങ്ങി​യ​വ​രാ​ണ് അ​റ​സ്റ്റി​ലാ​യ​ത്.

എം.​എ​ൽ.​എ ചൂ​ണ്ടി​ക്കാ​ട്ടി​യി​ട്ടും ഗൗ​ര​വ​ത്തി​ലെ​ടു​ത്തി​ല്ല

മ​ല​പ്പു​റം: പ്ല​സ് വ​ൺ പ്ര​വേ​ശ​ന​ത്തി​ന് വെ​യി​റ്റേ​ജ് ആ‍യി ല​ഭി​ക്കു​ന്ന ര​ണ്ട് മാ​ർ​ക്കി​ന്​ ബ്ലോ​ക്ക്​ അ​ടി​സ്ഥാ​ന​ത്തി​ൽ നീ​ന്ത​ൽ പ​രീ​ക്ഷ ന​ട​ത്തു​ന്ന​തി​ലെ അ​പ്രാ​യോ​ഗി​ക​ത മ​ന്ത്രി വി. ​അ​ബ്ദു​റ​ഹ്മാ​നോ​ട് ക​ഴി​ഞ്ഞ​ദി​വ​സം ന​ട​ന്ന വി​ക​സ​ന സ​മി​തി യോ​ഗ​ത്തി​ൽ തി​രൂ​ർ എം.​എ​ൽ.​എ കു​റു​ക്കോ​ളി മൊ​യ്തീ​ൻ ചൂ​ണ്ടി​കാ​ട്ടി​യി​രു​ന്നു.

78,000ത്തി​ലേ​റെ വി​ദ്യാ​ർ​ഥി​ക​ൾ ഉ​പ​രി​പ​ഠ​ന​ത്തി​ന്​ അ​ർ​ഹ​ത നേ​ടി​യ ജി​ല്ല​യി​ൽ സ്​​പോ​ർ​ട്​​സ്​ കൗ​ൺ​സി​ലി​നു​കീ​ഴി​ൽ മൂ​ന്നി​ട​ത്ത്​ മാ​ത്ര​മാ​ണ്​ നീ​ന്ത​ൽ പ​രി​ശോ​ധ​ന​ക്ക്​ സം​വി​ധാ​ന​മു​ള്ള​തെ​ന്നും താ​ലൂ​ക്കു​ത​ല പ​രി​ശോ​ധ​ന കേ​ന്ദ്ര​ങ്ങ​ൾ അ​നു​വ​ദി​ക്ക​ണ​​മെ​ന്നു​മാ​യി​രു​ന്നു എം.​എ​ൽ.​എ​യു​ടെ ആ​വ​ശ്യം. എ​ന്നാ​ൽ, സൗ​ക​ര്യ​ങ്ങ​ൾ ആ​വ​ശ്യ​ത്തി​നു​ണ്ടെ​ന്ന മ​ട്ടി​ലാ​യി​രു​ന്നു മ​ന്ത്രി​യു​ടെ പ്ര​തി​ക​ര​ണം.

ഇ​തു​വ​രെ നീ​ന്ത​ൽ അ​റി​യാ​ത്ത​വ​ർ​ക്ക​ട​ക്കം സ​ർ​ട്ടി​ഫി​ക്ക​റ്റ്​ ന​ൽ​കി​യി​രു​ന്ന​താ​യും ഈ ​പ്ര​വ​ണ​ത ഇ​നി അ​നു​വ​ദി​ക്കാ​നാ​വി​ല്ലെ​ന്നും മ​ന്ത്രി ചൂ​ണ്ടി​ക്കാ​ട്ടി​യ​ത്​ നേ​രി​യ ത​ർ​ക്ക​ത്തി​നും ഇ​ട​വെ​ച്ചു. കൂ​ടു​ത​ൽ കു​ട്ടി​ക​ളു​ള്ള ജി​ല്ല​യി​ൽ എ​ന്താ​ണ്​ ചെ​യ്യു​ക​യെ​ന്ന്​ എം.​എ​ൽ.​എ ചോ​ദി​ച്ച​പ്പോ​ൾ നീ​ന്ത​ല​റി​യു​ന്ന​വ​ർ മാ​ത്രം സ​ർ​ട്ടി​ഫി​ക്ക​റ്റി​ന്​ അ​പേ​ക്ഷി​ച്ചാ​ൽ മ​തി​യെ​ന്നാ​യി​രു​ന്നു മ​ന്ത്രി​യു​ടെ മ​റു​പ​ടി. എ​ന്നാ​ൽ, തി​ങ്ക​ളാ​ഴ്ച നീ​ന്ത​ല​റി​യാ​ത്ത​വ​രും പ്രാ​വീ​ണ്യം തെ​ളി​യി​ക്കാ​നാ​യി എ​ത്തി​യി​രു​ന്നു.