ചെറാട്ടുകുഴി-എം.ബി.എച്ച്​ ലിങ്ക്​ റോഡ്​ നഗരസഭയുടേതെന്ന്​ ആസ്തി രജിസ്റ്റർ രേഖ

മ​ല​പ്പു​റം: സ്വ​കാ​ര്യ വ്യ​ക്തി​ക​ൾ കൈ​യേ​റി​യ ചെ​റാ​ട്ടു​കു​ഴി -എം.​ബി.​എ​ച്ച്​ ലി​ങ്ക്​ റോ​ഡ് മ​ല​പ്പു​റം ന​ഗ​ര​സ​ഭ​യു​ടെ സ്വ​ന്തം ആ​സ്തി​യെ​ന്ന്​ രേ​ഖ. റോ​ഡ്​ ക​ട​ന്നു​പോ​കു​ന്ന പ്ര​ദേ​ശ​ത്തെ നാ​ട്ടു​കാ​രു​ടെ കൂ​ട്ടാ​യ്മ സ​മ​ന്വ​യം റെ​സി​ഡ​ന്‍റ്​​സ്​ അ​സോ​സി​യേ​ഷ​ൻ വി​വ​രാ​വ​കാ​ശ നി​യ​മ​പ്ര​കാ​രം ന​ഗ​ര​സ​ഭ​യി​ൽ നി​ന്ന്​ ല​ഭ്യ​മാ​ക്കി​യ ആ​സ്തി ര​ജി​സ്റ്റ​ർ പ​ക​ർ​പ്പി​ലാ​ണ്​ ഇ​ക്കാ​ര്യം​ വ്യ​ക്ത​മാ​യ​ത്.

ചെ​റാ​ട്ടു​കു​ഴി -മു​ണ്ടു​പ​റ​മ്പ്​ റോ​ഡി​ൽ നി​ന്ന്​ ആ​രം​ഭി​ക്കു​ന്ന റോ​ഡ്​ അ​വ​സാ​നി​ക്കു​ന്ന​ത്​ എം.​ബി.​എ​ച്ച്​ ലി​ങ്ക്​ റോ​ഡി​ലാ​ണെ​ന്ന്​ ആ​സ്​​തി ര​ജി​സ്റ്റ​ർ പ​റ​യു​ന്നു. മൂ​ന്ന്​ മീ​റ്റ​ർ വീ​തി​യി​ൽ 0.204 കി​ലോ​മീ​റ്റ​റാ​ണ്​ റോ​ഡി​ന്‍റെ ദൈ​ർ​ഘ്യം. റോ​ഡി​ൽ ടാ​ർ, സി​മ​ന്‍റ്​ കോ​ൺ​ക്രീ​റ്റ്​ എ​ന്നി​വ​ ചെ​യ്തി​ട്ടു​ണ്ടെ​ന്നും ര​ജി​സ്റ്റ​റി​ലു​ണ്ട്.

2006 -2007 കാ​ല​യ​ള​വി​ൽ ര​ണ്ടു വി​ഭാ​ഗ​ങ്ങ​ളി​ലാ​യി റോ​ഡ്​ ടാ​റി​ങ്ങി​നും അ​നു​ബ​ന്ധ പ്ര​വൃ​ത്തി​ക​ൾ​ക്കു​മാ​യി 75,000 രൂ​പ ന​ഗ​ര​സ​ഭ പ​ദ്ധ​തി വി​ഹി​ത​മാ​യി ചെ​ല​വ​ഴി​ച്ചി​ട്ടു​ണ്ട്. ടാ​റി​ങ്ങി​ന്​ 50,000ഉം ​ന​ട​പ്പാ​ത പു​രോ​ഗ​മ​ന പ്ര​വൃ​ത്തി​ക്ക്​ 25,000 രൂ​പ​യു​മാ​ണ്​ ചെ​ല​വ​ഴി​ച്ച​ത്. ഒ​മ്പ​ത്, 10 പ​ഞ്ച​വ​ത്സ​ര പ​ദ്ധ​തി കാ​ല​യ​ള​വി​ലെ ത​ദ്ദേ​ശ സ്ഥാ​പ​ന​ങ്ങ​ളു​ടെ പ​ദ്ധ​തി വ​ര​വ്​- ചെ​ല​വ്​ ക​ണ​ക്ക്​ സം​ബ​ന്ധി​ച്ച രേ​ഖ​യി​ലാ​ണ്​ ഇ​ക്കാ​ര്യ​മു​ള്ള​ത്. ന​ഗ​ര​സ​ഭ​യു​ടെ ആ​സ്തി ര​ജി​സ്റ്റ​റി​ലു​ള്ള റോ​ഡ്​ സം​ര​ക്ഷി​ക്കാ​ൻ ന​ഗ​ര​സ​ഭ അ​ധി​കൃ​ത​ർ രം​ഗ​ത്തി​റ​ങ്ങ​ണ​മെ​ന്ന്​ നാ​ട്ടു​കാ​ർ ആ​വ​ശ്യ​പ്പെ​ട്ടു.

നഗരസഞ്ചയം പദ്ധതി: നഗരസഭയിൽ വിജിലൻസ് പരിശോധന

മ​ല​പ്പു​റം: ന​ഗ​ര​സ​ഞ്ച​യം പ​ദ്ധ​തി​ക​ളി​ൽ വ്യാ​പ​ക ക്ര​മ​ക്കേ​ടെ​ന്ന പ​രാ​തി​യി​ൽ വി​ജി​ല​ൻ​സ് സം​ഘം ന​ഗ​ര​സ​ഭ​യി​ൽ പ്രാ​ഥ​മി​ക പ​രി​ശോ​ധ​ന ന​ട​ത്തി. വെ​ള്ളി​യാ​ഴ്ച​യാ​ണ് സം​ഘം ന​ഗ​ര​സ​ഭ​യി​ലെ​ത്തി പ​ദ്ധ​തി​യു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ൾ പ​രി​ശോ​ധി​ച്ച​ത്. പ​ദ്ധ​തി പ്ര​വ​ർ​ത്ത​ന​ങ്ങ​ളു​ടെ നി​ല​വി​ലെ സ്ഥി​തി, വി​നി​യോ​ഗം തു​ട​ങ്ങി​യ കാ​ര്യ​ങ്ങ​ൾ സം​ഘം പ​രി​ശോ​ധി​ച്ചി​ട്ടു​ണ്ട്. നി​ർ​മാ​ണം ആ​രം​ഭി​ച്ച പ​ഴ​യ​തോ​ട്, പാ​ണ​ക്കാ​ട് ചി​റ​ക്ക​ൽ തോ​ട്, കാ​ടേ​രി​മു​ക്ക് കൈ​തോ​ട് എ​ന്നി​വ​യു​ടെ പ്ര​വൃ​ത്തി​ക​ളി​ൽ ക്ര​മ​ക്കേ​ടു​ണ്ടെ​ന്നാ​ണ് പ​രാ​തി. സം​ഭ​വ​ത്തി​ൽ വി​ജി​ല​ൻ​സി​ന്റെ വി​ശ​ദ​മാ​യ അ​ന്വേ​ഷ​ണം ന​ട​ക്കും. 2011ലെ ​സെ​ൻ​സ​സ് പ്ര​കാ​രം സ്വാ​ഭാ​വി​ക ജ​ന​സം​ഖ്യ​യി​ൽ കൂ​ടു​ത​ൽ ജ​ന​സം​ഖ്യ വ​ള​ർ​ച്ച​യു​ണ്ടാ​യ കേ​ര​ള​ത്തി​ലെ ഏ​ഴ് ന​ഗ​ര സ​ഞ്ച​യ​ങ്ങ​ൾ​ക്കാ​യി അ​ഞ്ച് വ​ർ​ഷ​ത്തേ​ക്ക് 1086 കോ​ടി രൂ​പ​യാ​ണ് കേ​ന്ദ്രം അ​നു​വ​ദി​ച്ച​ത്. ഓ​രോ ന​ഗ​ര​സ​ഞ്ച​യ​ങ്ങ​ൾ​ക്കും ജി​ല്ല ആ​സ്ഥാ​ന​ത്തി​ലെ ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ത്തി​നാ​ണ് ന​ട​ത്തി​പ്പ് ചു​മ​ത​ല. മ​ല​പ്പു​റം ന​ഗ​ര​സ​ഭ​യും ചു​റ്റു​മു​ള്ള ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ൾ​ക്കു​മു​ള്ള പ​ദ്ധ​തി ന​ട​ത്തി​പ്പ് ചു​മ​ത​ല മ​ല​പ്പു​റം ന​ഗ​ര​സ​ഭ​ക്കാ​യി​രു​ന്നു. ന​ഗ​ര​സ​ഞ്ച​യം ച​ട്ട​പ്ര​കാ​രം ഓ​രോ വ​ർ​ഷ​വും നി​ശ്ചി​ത തു​ക ചെ​ല​വ​ഴി​ച്ചാ​ൽ മാ​ത്ര​മേ അ​ടു​ത്ത വ​ർ​ഷ​ത്തേ​ക്കു​ള്ള തു​ക അ​നു​വ​ദി​ക്കൂ.