ഡോക്ടർമാരുടെ സ്ഥലം മാറ്റം: മ​ഞ്ചേ​രി മെ​ഡി​ക്ക​ൽ കോ​ള​ജ് ആശുപത്രിയിൽ ഇ.എൻ.ടി വിഭാഗത്തിൽ ചികിത്സ പേരിന് മാത്രം

മ​ഞ്ചേ​രി: ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ നി​ന്നും ജ​ന​റ​ൽ ആ​ശു​പ​ത്രി​ക്ക് കീ​ഴി​ലെ 10 ഡോ​ക്ട​ർ​മാ​രെ മാ​റ്റി​യ​ത് മൂ​ല​മു​ണ്ടാ​യ പ്ര​യാ​സം തീ​രു​ന്നി​ല്ല. വ്യാ​ഴാ​ഴ്ച ഇ.​എ​ൻ.​ടി വി​ഭാ​ഗം ഒ.​പി.​യി​ൽ ആ​കെ​യു​ണ്ടാ​യി​രു​ന്ന​ത് ഹൗ​സ് സ​ർ​ജ​ൻ ഡോ​ക്ട​ർ​മാ​രും ഒ​രു ജൂ​നി​യ​ർ റ​സി​ഡ​ന്റ് ഡോ​ക്ട​റും മാ​ത്രം. ദി​വ​സം 200ല​ധി​കം രോ​ഗി​ക​ൾ എ​ത്തു​ന്ന​ത് ഒ.​പി​യി​ലാ​ണ് ഈ ​ദു​ര​വ​സ്ഥ. ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ നി​ന്നു​ള്ള ഗു​രു​ത​രാ​വ​സ്ഥ​യി​ലു​ള്ള റ​ഫ​റ​ൽ രോ​ഗി​ക​ളെ പ​രി​ശോ​ധി​ക്കാ​ൻ സീ​നി​യ​ർ ഡോ​ക്ട​ർ​മാ​ർ ഇ​ല്ലാ​ത്ത​ത് പ്ര​തി​ഷേ​ധ​ത്തി​നും കാ​ര​ണ​മാ​യി. കൂ​ട്ട സ്ഥ​ലം മാ​റ്റ​ത്തി​നു ശേ​ഷം ഒ.​പി സേ​വ​ന​ങ്ങൾ മു​ട​ങ്ങി​യി​ട്ടി​ല്ലെ​ന്ന് ആ​ശു​പ​ത്രി സൂ​പ്ര​ണ്ടും ജി​ല്ല മെ​ഡി​ക്ക​ൽ ഓ​ഫി​സ​റും ആ​വ​ർ​ത്തി​ക്കു​മ്പോ​ഴാ​ണ് ജൂ​നി​യ​ർ ഡോ​ക്ട​ർ​മാ​രെ മാ​ത്രം വ​ച്ച് ഒ.​പി മു​ന്നോ​ട്ട് പോ​കു​ന്ന​ത്.

ഡോ​ക്ട​ർ​മാ​രു​ടെ കു​റ​വ് രോ​ഗി​ക​ളു​ടെ എ​ണ്ണ​ത്തെ​യും ബാ​ധി​ച്ചു. ദി​വ​സ​വും 350 ഓ​ളം രോ​ഗി​ക​ൾ ആ​ശ്ര​യി​ച്ചി​രു​ന്ന ഇ. ​എ​ൻ.​ടി ഒ.​പി​യി​ൽ നി​ല​വി​ൽ 200ൽ ​താ​ഴെ​യാ​ണ് രോ​ഗി​ക​ൾ എ​ത്തു​ന്ന​ത് ഡോ​ക്ട​ർ​മാ​ർ പ​റ​ഞ്ഞു. ജ​ന​റ​ൽ മെ​ഡി​സി​ൽ, ശി​ശു​രോ​ഗ വി​ഭാ​ഗം തു​ട​ങ്ങി​യ​വ​യി​ലും ഡോ​ക്ട​ർ​മാ​രു​ടെ കു​റ​വ് രോ​ഗി​ക​ളെ ബാ​ധി​ക്കു​ന്നു​ണ്ട്. ക​ഴി​ഞ്ഞ ദി​വ​സം ഇ.​എ​ൻ.​ടി വി​ഭാ​ഗ​ത്തി​ലെ ശ​സ്ത്ര​ക്രി​യ​ക​ളും ഗ​ണ്യ​മാ​യി കു​റ​ഞ്ഞി​രു​ന്നു.