ചങ്ങരംകുളത്ത് മൂന്നു വാഹനങ്ങൾ കൂട്ടിയിടിച്ചു; രണ്ടുപേർക്ക് പരിക്ക്

ചങ്ങരംകുളം: ചങ്ങരംകുളത്ത് കാറും ഓട്ടോയും ബുള്ളറ്റും കൂട്ടിയിടിച്ച് രണ്ടുപേർക്ക് പരിക്കേറ്റു.വെള്ളിയാഴ്ച വൈകീട്ട് നാലോടെ ചങ്ങരംകുളം ഹൈവേ ജങ്ഷനിലാണ് അപകടം. ഓട്ടോയിലുണ്ടായിരുന്ന ഒതളൂർ കൊടക്കാട്ട് വളപ്പിൽ അബൂബക്കർ (58), ബുള്ളറ്റ് യാത്രക്കാരനായ പടിഞ്ഞാറങ്ങാടി പൂളക്കുന്നത്ത് ശിഹാബ് (32) എന്നിവർക്കാണ് പരിക്കേറ്റത്.

ഇവരെ ചങ്ങരംകുളത്തെ സ്വകാര്യ ആശുപത്രിയിൽ പ്രവേശിപ്പിച്ചു.അപകടത്തെ തുടർന്ന് ജങ്ഷനിൽ ഏറെ നേരം ഗതാഗതം തടസ്സപ്പെട്ടു. ചങ്ങരംകുളം പൊലീസെത്തി ഗതാഗത തടസ്സം ഒഴിവാക്കി.