Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightMalappuramchevron_rightChangaramkulamchevron_rightനന്നംമുക്ക് പഞ്ചായത്ത് ...

നന്നംമുക്ക് പഞ്ചായത്ത് വൈസ് പ്രസിഡന്‍റിന്‍റെ വിജയം കോടതി അസാധുവാക്കി

text_fields
bookmark_border
Nannamukku panchayat
cancel

ചങ്ങരംകുളം: നന്നംമുക്ക് ഗ്രാമപഞ്ചായത്ത് വൈസ് പ്രസിഡന്‍റിന്‍റെ വിജയം പൊന്നാനി കോടതി അസാധുവാക്കി. നന്നംമുക്ക് ഗ്രാമ പഞ്ചായത്തിലെ രണ്ടാം വാർഡ് മെമ്പറും പഞ്ചായത്ത് വൈസ് പ്രസിഡന്‍റുമായ ഒ.പി പ്രവീണിന്‍റെ വിജയമാണ് പൊന്നാനി മുൻസിഫ് കോടതി അസാധുവാക്കിയത്. സി.പി.എം നേതാവാണ് പ്രവീൺ.

കോൺഗ്രസ് സ്ഥാനാർഥിയായി നോമിനേഷൻ നൽകിയ പ്രദീപ് ഉണ്ണിയുടെ പരാതിയുടെ അടിസ്ഥാനത്തിലാണ് നടപടി. എസ്.സി സംവരണമായ ഈ വാർഡിൽ യു.ഡി.എഫ് സ്ഥാനാർഥിയായി പ്രദീപ് ഉണ്ണി നോമിനേഷൻ നൽകിയിരുന്നു. ക്രമനമ്പർ തെറ്റിയെന്ന് പറഞ്ഞ് നോമിനേഷൻ തള്ളുകയായിരുന്നു. ഇതിനെതിരെയാണ് പ്രദീപ് കോടതിയെ സമീപിച്ചത്.

വിശദമായി വാദംകേട്ട കോടതി നിലവിലെ വിജയം അസാധുവാക്കുകയും മറ്റൊരു തെരഞ്ഞെടുപ്പ് പ്രഖ്യാപിക്കുകയും ചെയ്തു. തെരഞ്ഞെടുപ്പ് തീയതി ഇലക്ഷൻ കമീഷൻ പിന്നീട് അറിയിക്കുകയാണ് ചെയ്യുക. യു.ഡി.എഫും എൽ.ഡി.എഫും മാറിമാറി ജയിക്കുന്ന വാർഡാണിത്.

നന്നംമുക്ക് പഞ്ചായത്തിൽ ടോസിട്ടാണ് ഇടതിന് അധികാരം ലഭിച്ചത്. എട്ട് വാർഡുകൾ യു.ഡി.എഫിനും എട്ടു വാർഡുകൾ എൽ.ഡി.എഫിനുമാണ്. ഒരു വാർഡിൽ ബി.ജെ.പിയും ജയിച്ചിട്ടുണ്ട്. നിലവിലെ സാഹചര്യത്തിൽ എൽ.ഡി.എഫ് കക്ഷിനില ഏഴായി കുറഞ്ഞു.

പരാതിക്കാരനു വേണ്ടി വക്കീലന്മാരായ നിഖിൽ പാടാലിൽ, നിയാസ് മുഹമ്മദ് എന്നിവർ ഹാജരായി.

Show Full Article
TAGS:Nannamukku panchayat 
News Summary - The court annulled the victory of the vice president of Nannamukku panchayat
Next Story