പിക്കപ്പ് വാൻ മതിലിൽ ഇടിച്ച് തലകീഴായി മറിഞ്ഞു

ചങ്ങരംകുളം: മാന്തടത്ത് പിക്കപ്പ് വാൻ നിയന്ത്രണംവിട്ട് മതിലിൽ ഇടിച്ച് മറിഞ്ഞു. യാത്രക്കാർ നിസാര പരിക്കുകളോടെ രക്ഷപ്പെട്ടു. തൃശ്ശൂർ-കുറ്റിപ്പുറം സംസ്ഥാന പാതയിൽ മേലെമാന്തടത്ത് ഞായറാഴ്ച കാലത്ത് ഏഴരയോടെയാണ് അപകടം.

വയനാട് നിന്ന് പെരുമ്പാവൂർ പോയിരുന്ന പിക്കപ്പ് വാനാണ് റോഡരികിലെ മതിൽ തകർത്ത് മറിഞ്ഞത്. നിസാര പരിക്കേറ്റ മൂന്ന് പേരെ ചങ്ങരംകുളത്തെ സ്വകാര്യ ആശുപത്രിയിൽ പ്രവേശിപ്പിച്ചു.