തെങ്ങിൽനിന്ന് വീണു മരിച്ചു

ചങ്ങരംകുളം: പാറക്കൽ തെങ്ങ് കയറ്റ തൊഴിലാളി തെങ്ങിൽ നിന്ന് വീണു മരിച്ചു. അണ്ടമുക്കിൽ പരേതനായ വേലായുധന്‍റെ മകൻ രാജ്‌കുമാർ (42) ആണ് മരിച്ചത്. തിങ്കളാഴ്ച രാവിലെ 9 മണിയോടെയാണ് സംഭവം.

ഐനിചോട് തെങ്ങു കയറുന്നതിനിടെ താഴെ വീണ രാജ്‌കുമാറിനെ നാട്ടുകാർ ചേർന്ന് ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. അവിവാഹിതനാണ്. മാതാവ്: ദേവകി. സഹോദരങ്ങൾ: ഷീബ, ഭാസ്കരൻ, സന്തോഷ്.