നീർചാലായ് നൂറടി തോട്; വെ​ള്ള​മി​ല്ലാ​തെ കോ​ൾ മേ​ഖ​ല​യി​ലെ കൃ​ഷി പ്ര​തി​സ​ന്ധി​യി​ൽ

ച​ങ്ങ​രം​കു​ളം: കോ​ൾ മേ​ഖ​ല​യി​ൽ മു​ഴു​വ​ൻ ക​ർ​ഷ​ക​രു​ടെ​യും ആ​ശ്ര​യ​മാ​യി​രു​ന്ന നൂ​റ​ടി തോ​ട്ടി​ൽ വെ​ള്ള​മി​ല്ലാ​തെ കൃ​ഷി പ്ര​തി​സ​ന്ധി​യി​ൽ. വേ​ന​ലി​ന്റെ തു​ട​ക്ക​ത്തി​ൽ ത​ന്നെ തോ​ടി​ന്റെ പ​ല ഭാ​ഗ​ങ്ങ​ളും വ​റ്റി​യ​ത് ക​ർ​ഷ​ക​രെ ഏ​റെ ആ​ശ​ങ്ക​യി​ലാ​ക്കു​ന്നു. വേ​ന​ൽ ചൂ​ട് ശ​ക്ത​മാ​യ​തോ​ടെ നൂ​റ​ടി തോ​ട്ടി​ൽ ക്ര​മാ​തീ​ത​മാ​യി ജ​ല​നി​ര​പ്പ് താ​ഴു​ക​യും ദി​വ​സ​ങ്ങ​ൾ​ക്ക​കം വ​റ്റി​വ​ര​ളു​ക​യു​മാ​യി​രു​ന്നു. കോ​ൾ മേ​ഖ​ല​യി​ലെ കൃ​ഷി​യി​ട​ങ്ങ​ളി​ലെ നെ​ൽ​കൃ​ഷി​ക്ക് ഇ​നി​യും ഒ​രു മാ​സ​ത്തോ​ളം വെ​ള്ളം ആ​വ​ശ്യ​മു​ണ്ട്. പ​ല ക​ർ​ഷ​ക​രും ഇ​പ്പോ​ൾ സ​മീ​പ​ത്തെ ജ​ല​സ്രോ​ത​സ്സു​ക​ളെ​യാ​ണ് ആ​ശ്ര​യി​ക്കു​ന്ന​ത്. പ​മ്പു​സെ​റ്റു​ക​ൾ ഉ​പ​യോ​ഗി​ച്ച് പ​ല​സ്ഥ​ല​ങ്ങ​ളി​ൽ നി​ന്നും വെ​ള്ളം കൊ​ണ്ടു​വ​രാ​നു​ള്ള ശ്ര​മ​ത്തി​ലാ​ണ് ക​ർ​ഷ​ക​ർ.

വ​ര​ൾ​ച്ച ഇ​നി​യും കൂ​ടു​ത​ൽ രൂ​ക്ഷ​മാ​യാ​ൽ കൃ​ഷി​ക്ക് എ​ങ്ങി​നെ വെ​ള്ളം ക​ണ്ടെ​ത്തും എ​ന്ന ആ​ശ​ങ്ക​യി​ലാ​ണ് ക​ർ​ഷ​ക​ർ. ഇ​പ്പോ​ൾ നൂ​റ​ടി തോ​ട്ടി​ൽ അ​വ​ശേ​ഷി​ക്കു​ന്ന ജ​ലം പ​മ്പ് സെ​റ്റ് വെ​ച്ച് അ​ടി​ക്കു​ക​യാ​ണ്. പ​ല സ്ഥ​ല​ങ്ങ​ളി​ലും തോ​ട്ടി​ൽ ചാ​ലു കീ​റി വെ​ള്ളം കൃ​ഷി​യി​ട​ങ്ങ​ളി​ലേ​ക്ക് പ​മ്പു ചെ​യ്യു​ക​യാ​ണ്. എ​ന്നാ​ൽ പാ​ട​ശേ​ഖ​ര​ങ്ങ​ളി​ൽ പ​ല​യി​ട​ത്തും മ​റ്റു സ്ഥ​ല​ങ്ങ​ളി​ൽ നി​ന്ന് വെ​ള്ളം എ​ത്തി​ക്കാ​ൻ ക​ഴി​യാ​ത്ത അ​വ​സ്ഥ​യു​ണ്ട്. ക​ഴി​ഞ്ഞ വ​ർ​ഷം ഈ ​സ​മ​യ​ത്ത് വേ​ണ്ട​ത്ര വെ​ള്ളം ല​ഭി​ച്ചി​രു​ന്ന​താ​യും നൂ​റ​ടി തോ​ടി​ൽ ഏ​റെ വെ​ള്ളം ഉ​ണ്ടാ​യി​രു​ന്ന​താ​യും ക​ർ​ഷ​ക​ർ പ​റ​യു​ന്നു.