ശീതീകരിച്ച ക്ലാസ്​ മുറി; ഇതും പൊതുവിദ്യാലയം

ചങ്ങരംകുളം: നിറങ്ങളിൽ മുങ്ങിയ ചിത്രങ്ങൾ, ശീതീകരിച്ച ക്ലാസ്​ മുറികൾ... മറ്റെവിടെയുമല്ലിത്​. ഒരു സർക്കാർ വിദ്യാലയത്തിലെ സ്​മാർട്ട്​ ക്ലാസ്​മുറിയാണിത്​.

നന്നംമുക്ക് ജി.എൽ.പി സ്കൂളിൽ ശീതീകരിച്ച സ്മാർട്ട്​ ക്ലാസ്​ മുറി കുട്ടികൾക്കായി കാത്തിരിക്കുകയാണ്​. ഉദ്ഘാടനം ബ്ലോക്ക് പഞ്ചായത്ത് പ്രസിഡൻറ്​ പി.എം. ആറ്റുണ്ണിതങ്ങള്‍ നിര്‍വഹിച്ചു.

അഞ്ചുലക്ഷം ചെലവഴിച്ചാണ് ബ്ലോക്ക് പഞ്ചായത്ത് പദ്ധതി നടപ്പാക്കിയത്. ബ്ലോക്ക് വികസനകാര്യ സ്​റ്റാൻഡിങ്​ കമ്മിറ്റി ചെയർമാൻ ഇ.വി. അബ്​ദുട്ടി അധ്യക്ഷത വഹിച്ചു.

ജില്ല പഞ്ചായത്ത് അംഗം അഡ്വ. എം.ബി. ഫൈസൽ, ഗ്രാമപഞ്ചായത്ത് അംഗങ്ങളായ ടി. സത്യൻ, ദിവ്യ ഉണ്ണികൃഷ്ണൻ, പ്രധാനാധ്യാപിക വിനീത കുമാരി, പി.ടി.എ പ്രസിഡൻറ്​ സി.പി. ഷാഫി എന്നിവര്‍ സംസാരിച്ചു.