ഓടാനുള്ള പെർമിറ്റില്ലാതെ ചരക്ക് ലോറി; 42,300 രൂപ പിഴയിട്ടു

കോ​ട്ട​ക്ക​ൽ: മോ​ട്ടോ​ര്‍ വാ​ഹ​ന​വ​കു​പ്പ് എ​ന്‍ഫോ​ഴ്സ്മെ​ന്‍റ് വി​ഭാ​ഗം പി​ടി​കൂ​ടി​യ വാ​ഹ​ന​ത്തി​ന് എ​ല്ലാ രേ​ഖ​ക​ളു​മു​ണ്ട്. പ​ക്ഷെ, നി​ര​ത്തി​ലൂ​ടെ ഓ​ടാ​നു​ള്ള പെ​ർ​മി​റ്റ് മാ​ത്ര​മി​ല്ല. ഇ​തോ​ടെ പി​ഴ​യാ​യി ഈ​ടാ​ക്കി​യ​ത് അ​ര​ല​ക്ഷ​ത്തോ​ളം രൂ​പ. ക​ഴി​ഞ്ഞ ദി​വ​സം രാ​ത്രി കാ​വും​പു​റ​ത്ത് വാ​ഹ​ന പ​രി​ശോ​ധ​ന​ക്കി​ടെ​യാ​ണ് കോ​യ​മ്പ​ത്തൂ​രി​ല്‍നി​ന്ന് കോ​ഴി​ക്കോ​ട് ഭാ​ഗ​ത്തേ​ക്ക് വ​രി​ക​യാ​യി​രു​ന്ന നാ​ഷ​ണ​ല്‍ പെ​ര്‍മി​റ്റ് ലോ​റി ശ്ര​ദ്ധ​യി​ല്‍പ്പെ​ടു​ന്ന​ത്. തു​ട​ര്‍ന്ന് എ​ന്‍ഫോ​ഴ​സ്മെ​ന്‍റ് ന​ട​ത്തി​യ പ​രി​ശോ​ധ​ന​യി​ല്‍ പ​രി​വാ​ഹ​ന്‍ സൈ​റ്റി​ല്‍ വാ​ഹ​ന​ത്തി​ന്റെ പെ​ര്‍മി​റ്റ് ക​ണ്ടെ​ത്താ​ന്‍ ക​ഴി​ഞ്ഞി​ല്ല. പെ​ര്‍മി​റ്റ് വാ​ലി​ഡ് അ​പ്പ് ടു ​എ​ന്ന​തി​ന് താ​ഴെ നാ​ഷ​ണ​ല്‍ പെ​ര്‍മി​റ​റ്റി​ന്‍റെ വാ​ലി​ഡി​റ്റി കൂ​ടെ ചേ​ർ​ക്കാ​റു​ണ്ട്. ഇ​ത് കാ​ണാ​ത്ത​തി​നെ തു​ട​ർ​ന്ന് സം​ശ​യം വ​ന്ന​തോ​ടെ കൂ​ടു​ത​ല്‍ പ​രി​ശോ​ധ​ന ന​ട​ത്തു​ക​യാ​യി​രു​ന്നു. ജീ​വ​ന​ക്കാ​ര്‍ ന​ല്‍കി​യ രേ​ഖ​ക​ളി​ല്‍ 2023 ജൂ​ണ്‍ വ​രെ വാ​ഹ​നം പെ​ര്‍മി​റ്റോ​ടെ ഓ​ടി​ക്കാ​നു​ള്ള ടാ​ക്സ് അ​ട​ച്ച​തി​ന്‍റെ വി​വ​ര​ങ്ങ​ള്‍ മാ​ത്ര​മാ​ണു​ണ്ടാ​യി​രു​ന്ന​ത്. ഓ​ണ്‍ലൈ​ന്‍ സൈ​റ്റി​ൽ വാ​ഹ​ന പെ​ര്‍മി​റ്റി​ന്‍റെ ബാ​ങ്ക് പെ​യ്മെ​ന്‍റ് ഡീ​റ്റെ​യി​ല്‍സ് പ​രി​ശോ​ധി​ച്ച​തോ​ടെ നാ​ഷ​ണ​ല്‍ പെ​ര്‍മി​റ്റി​ല്ല എ​ന്ന് ക​ണ്ടെ​ത്തു​ക​യാ​യി​രു​ന്നു. വി​ശ​ദ​മാ​യ ചോ​ദ്യം ചെ​യ്യ​ലി​ല്‍ ലോ​റി​യു​ടെ പെ​ര്‍മി​റ്റ് റ​ദ്ദാ​യി​ട്ടു​ണ്ടെ​ന്ന് ഉ​ട​മ​സ്ഥ​ന്‍ അ​റി​യി​ച്ചു.

കേ​ര​ള​ത്തി​ലേ​ക്ക് വ​രു​ന്ന നാ​ഷ​ന​ല്‍ ഓ​ത​റൈ​സ്ഡ് ഗു​ഡ്സ് വാ​ഹ​ന​ങ്ങ​ള്‍ക്ക് നാ​ഷ​ന​ല്‍ പെ​ര്‍മി​റ്റ് നി​ര്‍ബ​ന്ധ​മാ​യ​തി​നാ​ലാ​ണ് 42,300 രൂ​പ പി​ഴ ഈ​ടാ​ക്കി​യ​ത്. ഒ​രു വ​ര്‍ഷ​ത്തേ​ക്ക് 18,000 രൂ​പ​യാ​ണ് ഈ ​ടാ​ക്സ് ഇ​ന​ത്തി​ല്‍ അ​ട​ക്കേ​ണ്ട​ത്. എ​ന്നാ​ല്‍, കേ​ര​ള​ത്തി​ല്‍ ടാ​ക്സ് വെ​ട്ടി​ച്ച് സ​ര്‍വീ​സ് ന​ട​ത്തി​യ​തോ​ടെ​യാ​ണ് പി​ഴ ചു​മ​ത്തി​യ​തെ​ന്ന് എ.​എം.​വി.​ഐ ഷൂ​ജ മാ​ട്ട​ട പ​റ​ഞ്ഞു. സ​ബീ​ര്‍ പാ​ക്കാ​ട​ന്‍, എ​ബി​ന്‍ ചാ​ക്കോ എ​ന്നി​വ​രും പ​രി​ശോ​ധ​ന​ക്ക് നേ​തൃ​ത്വം ന​ൽ​കി. പി​ഴ​യ​ട​ച്ച​തി​നെ തു​ട​ര്‍ന്ന് വാ​ഹ​നം വി​ട്ടു​കൊ​ടു​ത്തു.