മ​ഴ​യു​ടെ മ​റ​യ​ത്ത് മോ​ഷ്ടാ​ക്ക​ളി​റ​ങ്ങാം...വേ​ണം, അ​തി​ജാ​ഗ്ര​ത

മ​ല​പ്പു​റം: ശ​ക്ത​മാ​യ മ​ഴ​യെ അ​നു​കൂ​ല സാ​ഹ​ച​ര്യ​മാ​ക്കി വീ​ടു​ക​ളി​ലും വ്യാ​പാ​ര സ്ഥാ​പ​ന​ങ്ങ​ളും മോ​ഷ​ണം ന​ട​ത്തു​ന്ന​വ​രു​ടെ എ​ണ്ണം ജി​ല്ല​യി​ൽ വ​ർ​ധി​ക്കു​ന്നു. ഇ​ത്ത​വ​ണ മ​ഴ​ക്കാ​ലം ആ​രം​ഭി​ച്ച​ത് മു​ത​ൽ പൊ​ലീ​സ് സ്റ്റേ​ഷ​നു​ക​ളി​ൽ ര​ജി​സ്റ്റ​ർ ചെ​യ്യ​പ്പെ​ടു​ന്ന മോ​ഷ​ണ കേ​സു​ക​ളു​ടെ എ​ണ്ണ​ത്തി​ൽ വ​ർ​ധ​ന​വു​ണ്ട്. വെ​ള്ളി​യാ​ഴ്ച കൊ​ണ്ടോ​ട്ടി തു​റ​ക്ക​ലി​ലും കോ​ട​ങ്ങാ​ട് ആ​ലു​ങ്ങ​ൽ​തൊ​ടി​യി​ലും വീ​ടു​ക​ളി​ൽ ​മോ​ഷ​ണം ന​ട​ക്കു​ക​യും സ്വ​ർ​ണാ​ഭ​ര​ണ​ങ്ങ​ളും പ​ണ​വും ന​ഷ്ട​മാ​വു​ക​യും ചെ​യ്തു.

വാ​തി​ലി​നോ​ട് ചേ​ർ​ന്ന ജ​ന​ലി​ന്റെ കു​റ്റി​യി​ടു​ന്ന ഭാ​ഗം ഡ്രി​ൽ ചെ​യ്ത് ത​ക​ർ​ത്താ​ണ് ഒ​രി​ട​ത്ത് മോ​ഷ്ടാ​വ് അ​ക​ത്ത് ക​യ​റി​യ​ത്. ക​ഴി​ഞ്ഞ ആ​ഴ്ച വ​ളാ​ഞ്ചേ​രി അ​ത്തി​പ്പ​റ്റ​യി​ൽ അ​ട​ഞ്ഞ് കി​ട​ക്കു​ന്ന വീ​ട്ടി​ൽ ന​ട​ന്ന മോ​ഷ​ണ​ത്തി​ൽ ര​ണ്ട​ര​ല​ക്ഷം രൂ​പ വി​ല​മ​തി​ക്കു​ന്ന സാ​ധ​ന​ങ്ങ​ൾ ന​ഷ്ട​പ്പെ​ട്ടി​രു​ന്നു. മ​ഴ ശ​ക്ത​മാ​യ സ​മീ​പ​ദി​വ​സ​ങ്ങ​ളി​ൽ പ​ര​പ്പ​ന​ങ്ങാ​ടി​യി​ൽ മൂ​ന്ന് വ്യാ​പാ​ര സ്ഥാ​പ​ന​ങ്ങ​ളി​ൽ മോ​ഷ​ണം ന​ട​ന്നി​രു​ന്നു.

തു​ട​ർ​ന്ന് പൊ​ലീ​സും വ്യാ​പാ​രി​ക​ളും സം​യു​ക്ത​മാ​യി രാ​ത്രി​കാ​ല പ​ട്രോ​ളി​ങ്ങി​നി​റ​ങ്ങാ​ൻ തീ​രു​മാ​നി​ക്കു​ക​യും ചെ​യ്തു. തി​രൂ​ർ തൃ​ക്ക​ണ്ടി​യൂ​രി​ൽ അ​ട​ച്ചി​ട്ട വീ​ട് കു​ത്തി​ത്തു​റ​ന്ന് സ്വ​ർ​ണം ക​വ​ർ​ന്ന സം​ഭ​വ​വും ക​ഴി​ഞ്ഞ​ദി​വ​സ​മു​ണ്ടാ​യി. ഈ ​ഭാ​ഗ​ത്ത് മു​ഖം​മൂ​ടി​യി​ട്ട് മാ​ര​കാ​യു​ധ​ങ്ങ​ളു​മാ​യി വീ​ടു​ക​ൾ​ക്കു​ചു​റ്റും രാ​ത്രി ക​വ​ർ​ച്ച​ക്ക് ന​ട​ക്കു​ന്ന​വ​രു​ടെ ദൃ​ശ്യ​ങ്ങ​ൾ സി.​സി.​ടി.​വി​യി​ൽ പ​തി​ഞ്ഞ​ത് ജ​ന​ങ്ങ​ളി​ൽ പ​രി​ഭ്രാ​ന്തി പ​ര​ത്തി​യി​രു​ന്നു.

ക​ള്ള​ൻ​മാ​രു​ടെ ഇ​ഷ്ട​കാ​ലം

മ​ഴ​ക്കാ​ലം ക​ള്ള​ൻ​മാ​രു​ടെ സീ​സ​ണാ​കാ​ൻ നി​ര​വ​ധി കാ​ര​ണ​ങ്ങ​ളാ​ണ് പൊ​ലീ​സു​കാ​ർ നി​ര​ത്തു​ന്ന​ത്. പ്ര​ധാ​ന​മാ​യും പു​ല​ർ​ച്ചെ ര​ണ്ട് മു​ത​ൽ നാ​ല് വ​രെ​യു​ള്ള സ​മ​യ​ത്താ​ണ് ഇ​ത്ത​രം മോ​ഷ്ടാ​ക്ക​ൾ മോ​ഷ​ണ​ത്തി​ന് തെ​ര​ഞ്ഞെ​ടു​ക്കു​ന്ന​ത്. മ​ഴ​യു​ടെ സ​മ​യ​ത്ത് ശ​ബ്ദ​വും കാ​ഴ്ച​യും മ​റ​യു​ന്ന​താ​ണ് മോ​ഷ്ടാ​ക്ക​ൾ മു​ത​ലെ​ടു​ക്കു​ന്ന​ത്. മാ​ത്ര​മ​ല്ല, മ​ഴ​ക്കാ​ല​ത്ത് നാ​ൽ​ക്ക​വ​ല​ക​ളും അ​ങ്ങാ​ടി​ക​ളു​മെ​ല്ലാം പ​തി​വി​ലും മു​ന്നേ കാ​ലി​യാ​കും.

തെ​രു​വ് വി​ള​ക്കു​ക​ളും പ​ല​യി​ട​ത്തും ക​ത്തി​ല്ല. മ​ഴ​ക്കാ​ല​ത്ത് പ​തി​വാ​യ വൈ​ദ്യു​തി മു​ട​ക്കം ക​ള്ള​ൻ​മാ​ർ​ക്ക് മ​റ്റൊ​രു അ​വ​സ​ര​മാ​ണ്. ഒ​രാ​ഴ്ച​യി​ലേ​റെ​യാ​ണ് ജി​ല്ല​യി​ൽ രാ​ത്രി ന​ല്ല മ​ഴ​യാ​ണ്. ആ​ളു​ക​ൾ നേ​ര​ത്തെ ഉ​റ​ങ്ങാ​ൻ സാ​ധ്യ​ത​യു​ണ്ടെ​ന്ന​തും അ​വ​ർ അ​നു​കൂ​ല ഘ​ട​ക​മാ​യി കാ​ണു​ന്നു. ക​ള്ള​ൻ​മാ​ർ വാ​തി​ൽ കു​ത്തി​ത്തു​റ​ക്കു​ന്ന​തും ജ​ന​ൽ ക​മ്പി മു​റി​ക്കു​ന്ന​തു​മൊ​ന്നും മ​ഴ​യു​ടെ ശ​ബ്ദ​ത്തി​ൽ വീ​ട്ടു​കാ​ർ കേ​ട്ടെ​ന്ന് വ​രി​ല്ല.

രാ​ത്രി​കാ​ല​ങ്ങ​ളി​ൽ ക​വ​ർ​ച്ച​ക്കി​ര​യാ​കാ​നും സാ​ധ്യ​ത കൂ​ടു​ത​ലാ​ണെ​ന്ന് പൊ​ലീ​സ് പ​റ​യു​ന്നു. രാ​ത്രി മ​ഴ​യു​ള്ള​പ്പോ​ൾ ഒ​റ്റ​പ്പെ​ട്ട് സ​ഞ്ച​രി​ക്കു​ന്ന​ത് ഒ​ഴി​വാ​ക്ക​ണം. പ​തു​ങ്ങി​യി​രു​ന്ന് അ​ക്ര​മി​ച്ച് ക​വ​ർ​ച്ച ന​ട​ത്താ​നു​ള്ള സാ​ധ്യ​ത​യു​ണ്ടെ​ന്ന് തി​രി​ച്ച​റി​യ​ണം. മ​ഴ​യു​ടെ മ​റ​വി​ൽ വാ​ഹ​ന​ങ്ങ​ൾ സ്റ്റാ​ർ​ട്ട് ചെ​യ്യു​ന്ന​ത് ആ​ളു​ക​ൾ കേ​ൾ​ക്കാ​നി​ട​യി​ല്ല. അ​തി​നാ​ൽ വാ​ഹ​ന മോ​ഷ്ടാ​ക്ക​ളെ​യും ക​രു​തി​യി​രി​ക്ക​ണം.

രാ​ത്രി​യി​ൽ വേ​ണം കൂ​ടു​ത​ൽ ക​രു​ത​ൽ

വീ​ടു​പൂ​ട്ടി യാ​ത്ര പോ​കു​ന്ന​വ​ർ പൊ​ലീ​സി​ന്‍റെ പോ​ൽ ആ​പ്പി​ൽ (Pol-App (Kerala Police)) ലോ​ക്ക​ഡ് ഹൗ​സ് ഇ​ൻ​ഫ​ർ​മേ​ഷ​ൻ എ​ന്ന പോ​ർ​ട്ട​ലി​ൽ ര​ജി​സ്റ്റ​ർ ചെ​യ്യ​ണം. ഈ ​ആ​പ്പ് ​​പ്ലേ ​സ്റ്റോ​റി​ൽ​നി​ന്ന് ഡൗ​ൺ​ലോ​ഡ് ചെ​യ്യാം. രാ​ത്രി​യി​ൽ വീ​ടി​ന് പു​റ​ത്തെ ലൈ​റ്റു​ക​ളെ​ല്ലാം ഓ​ഫ് ചെ​യ്ത് ഉ​റ​ങ്ങു​ന്ന​വ​ർ ആ ​പ​തി​വ് മാ​റ്റ​ണം. പു​റ​ത്തെ ലൈ​റ്റു​ക​ൾ ഓ​ണാ​ക്കി​വെ​ക്ക​ണം. ജ​ന​ലു​ക​ളും വാ​തി​ലു​ക​ളും അ​ട​ച്ച് സു​ര​ക്ഷി​ത​മാ​ണെ​ന്ന് ഉ​റ​പ്പാ​ക്ക​ണം.

ക​​മ്പി​​പ്പാ​​ര, പി​​ക്കാ​​സ് തു​ട​ങ്ങി​യ ആ​യു​ധ​ങ്ങ​ൾ വീ​ടി​ന് പു​റ​ത്ത് സൂ​​ക്ഷി​​ക്ക​രു​ത്. പൊ​ലീ​സി​ന്‍റെ എ​മ​ർ​ജ​ൻ​സി ന​മ്പ​റാ​യ 112 അ​ട​ക്കം ഫോ​ൺ ന​മ്പ​റു​ക​ൾ സൂ​ക്ഷി​ച്ചു​വെ​ക്കു​ക. മൊ​ബൈ​ൽ ഫോ​ണു​ക​ളി​ൽ ആ​വ​ശ്യ​ത്തി​ന് ചാ​ർ​ജു​ണ്ടെ​ന്ന് ഉ​റ​പ്പാ​ക്ക​ണം. പൈ​​പ്പി​​ലെ വെ​​ള്ളം തു​​റ​​ന്നു​​വി​​ടു​​ന്ന ശ​​ബ്ദം, കു​​ഞ്ഞു​​ങ്ങ​​ളു​​ടെ ക​​ര​​ച്ചി​​ല്‍ തു​​ട​​ങ്ങി​യ അ​​സ്വാ​​ഭാ​​വി​​ക ശ​​ബ്ദ​​ങ്ങ​​ൾ ശ്ര​​ദ്ധ​​യി​​ൽ​​പ്പെ​​ട്ടാ​​ൽ ഉ​​ട​​ൻ അ​യ​ൽ​വാ​സി​ക​ളേ​യോ അ​ടു​ത്തു​ള്ള ബ​ന്ധു​ക്ക​ളേ​യോ അ​​റി​​യി​ക്ക​ണം.

സി.​​സി.​​ടി.​​വി​യു​ള്ള വീ​ടു​ക​ളി​ലെ ആ​ളു​ക​ൾ അ​വ എ​പ്പോ​ഴും പ്ര​​വ​​ർ​​ത്തി​​ക്കു​​ന്നു​​ണ്ടെ​​ന്ന് ഉ​​റ​​പ്പു​​വ​​രു​​ത്തു​​ക. റെ​സി​ഡ​ൻ​റ്സ് അ​സോ​സി​യേ​ഷ​ൻ, ഗ്രാ​മീ​ണ കൂ​ട്ടാ​യ്മ​ക​ൾ എ​ന്നി​വ​രു​ടെ​യെ​ല്ലാം നേ​തൃ​ത്വ​ത്തി​ൽ ജാ​ഗ്ര​ത ന​ട​പ​ടി​ക​ളും സ്വീ​ക​രി​ക്ക​ണം.