എന്ന് തുറക്കും, കാലിക്കറ്റ് കാമ്പസിൽ കാമറക്കണ്ണുകൾ

തേ​ഞ്ഞി​പ്പ​ലം: കാ​ലി​ക്ക​റ്റ് സ​ർ​വ​ക​ലാ​ശാ​ല കാ​മ്പ​സി​ൽ നി​രീ​ക്ഷ​ണ കാ​മ​റ​ക​ൾ സ്ഥാ​പി​ക്കാ​ൻ സി​ൻ​ഡി​ക്കേ​റ്റ് തീ​രു​മാ​നി​ച്ച് മാ​സ​ങ്ങ​ൾ ക​ഴി​ഞ്ഞി​ട്ടും ന​ട​പ​ടി​യാ​യി​ല്ല. സ​ർ​വ​ക​ലാ​ശാ​ല ജീ​വ​ന​ക്കാ​രു​ടെ ക്വാ​ർ​ട്ടേ​ഴ്സു​ക​ൾ കേ​ന്ദ്രീ​ക​രി​ച്ച് മോ​ഷ​ണ​വും സാ​മൂ​ഹി​ക വി​രു​ദ്ധ ശ​ല്യ​വും പ​തി​വാ​യ​തോ​ടെ​യാ​ണ് സി.​സി.​ടി.​വി കാ​മ​റ​ക​ൾ സ്ഥാ​പി​ക്ക​ണ​മെ​ന്ന ആ​വ​ശ്യം ശ​ക്ത​മാ​യ​ത്. ആ​വ​ശ്യം ഉ​ന്ന​യി​ച്ച് ജീ​വ​ന​ക്കാ​രു​ടെ സം​ഘ​ട​ന​ക​ൾ പ്ര​തി​ഷേ​ധി​ക്കു​ക​യും ചെ​യ്തി​രു​ന്നു. ഇ​തോ​ടെ​യാ​ണ് കാ​മ്പ​സി​ലെ 60ഓ​ളം സ്ഥ​ല​ങ്ങ​ളി​ൽ നി​രീ​ക്ഷ​ണ കാ​മ​റ​ക​ൾ സ്ഥാ​പി​ക്കാ​ൻ തീ​രു​മാ​ന​മാ​യ​ത്.

നി​രീ​ക്ഷ​ണ കാ​മ​റ​ക​ൾ സ്ഥാ​പി​ക്കു​ന്ന​ത് അ​ട​ക്ക​മു​ള്ള പ്ര​വൃ​ത്തി​ക​ൾ​ക്കാ​യി പൊ​തു​മ​രാ​മ​ത്ത് വ​കു​പ്പി​നെ ചു​മ​ത​ല​പ്പെ​ടു​ത്തു​ക​യും തു​ക കൈ​മാ​റു​ക​യും ചെ​യ്തി​ട്ടു​ണ്ടെ​ന്നാ​ണ് സ​ർ​വ​ക​ലാ​ശാ​ല എ​ൻ​ജി​നീ​യ​റി​ങ് വി​ഭാ​ഗം പ​റ​യു​ന്ന​ത്. എ​ന്നാ​ൽ, മാ​സ​ങ്ങ​ളാ​യി​ട്ടും ന​ട​പ​ടി വൈ​കു​ന്ന​തി​ൽ ജീ​വ​ന​ക്കാ​ർ​ക്കി​ട​യി​ൽ വീ​ണ്ടും പ്ര​തി​ഷേ​ധ​മു​യ​ർ​ന്നി​രി​ക്കു​ക​യാ​ണ്. കാ​മ്പ​സി​ൽ സി.​സി.​ടി.​വി കാ​മ​റ​ക​ളു​ണ്ടെ​ന്ന ത​ര​ത്തി​ൽ ര​ജി​സ്ട്രാ​റു​ടെ അ​റി​യി​പ്പെ​ന്ന നി​ല​യി​ൽ ബോ​ർ​ഡു​ക​ൾ സ്ഥാ​പി​ച്ചാ​ൽ മാ​ത്രം നി​രീ​ക്ഷ​ണ​മാ​കു​മോ എ​ന്നാ​ണ് ജീ​വ​ന​ക്കാ​രു​ടെ ചോ​ദ്യം. കാ​മ്പ​സി​ലെ ക്വാ​ർ​ട്ടേ​ഴ്സു​ക​ൾ കേ​ന്ദ്രീ​ക​രി​ച്ച് മോ​ഷ​ണം ആ​വ​ർ​ത്തി​ച്ച​പ്പോ​ഴെ​ല്ലാം നി​രീ​ക്ഷ​ണ കാ​മ​റ​ക​ളി​ല്ലാ​ത്ത​താ​ണ് അ​ന്വേ​ഷ​ണ​ത്തി​ന് പ​രി​മി​തി​യാ​യ​ത്. ഇ​ക്കാ​ര്യം തേ​ഞ്ഞി​പ്പ​ലം പൊ​ലീ​സും ചൂ​ണ്ടി​ക്കാ​ട്ടി​യി​രു​ന്നു.