തി​രൂ​രി​ലും കോ​ട്ട​ക്ക​ലി​ലും ബ​സുകൾ പി​ടി​ച്ചെ​ടു​ത്ത് പൊ​ലീ​സ്

തി​രൂ​ർ/​കോ​ട്ട​ക്ക​ല്‍: സ്വ​കാ​ര്യ ബ​സു​ക​ളു​ടെ മി​ന്ന​ൽ പ​ണി​മു​ട​ക്കി​ൽ യാ​ത്ര​ക്കാ​ർ വ​ല​ഞ്ഞ​തി​നെ തു​ട​ർ​ന്ന് തി​രൂ​രി​ലും കോ​ട്ട​ക്ക​ലി​ലും ബ​സ് പി​ടി​ച്ചെ​ടു​ത്ത് സ​ർ​വി​സ് ന​ട​ത്തി പൊ​ലീ​സ്. സ​ർ​വി​സ് ആ​രം​ഭി​ക്കാ​ൻ തി​രൂ​ർ സി.​ഐ എം.​ജെ. ജി​ജോ ആ​വ​ശ്യ​പ്പെ​ട്ടെ​ങ്കി​ലും സ്വ​കാ​ര്യ ബ​സ് ജീ​വ​ന​ക്കാ​ർ ത​യാ​റാ​യി​ല്ല. തു​ട​ർ​ന്ന് സി.​ഐ​യു​ടെ നേ​തൃ​ത്വ​ത്തി​ൽ പൊ​ലീ​സ് ബ​സ് പി​ടി​ച്ചെ​ടു​ക്കു​ക​യും പൊ​ലീ​സു​കാ​ർ ഡ്രൈ​വ​ർ​മാ​രാ​യി സ​ർ​വി​സ് ന​ട​ത്തു​ക​യു​മാ​യി​രു​ന്നു.

കോ​ട്ട​ക്ക​ലി​ൽ തി​രൂ​ര്‍-​കോ​ട്ട​ക്ക​ല്‍ പാ​ത​യി​ലാ​യി​രു​ന്നു പൊ​ലീ​സു​കാ​ർ ഡ്രൈ​വ​ര്‍മാ​രാ​യ ബ​സു​ക​ളു​ടെ യാ​ത്ര. യാ​ത്ര ഉ​പേ​ക്ഷി​ക്കേ​ണ്ടി വ​രു​മെ​ന്ന പ്ര​യാ​സ​ത്തോ​ടെ വ​ല​ഞ്ഞു​നി​ല്‍ക്കു​ന്ന​വ​ര്‍ക്ക് മു​ന്നി​ലേ​ക്കാ​ണ് പൊ​ലീ​സ് അ​ക​മ്പ​ടി​യോ​ടെ ബ​സ് എത്തി​യ​ത്. ഇ​തോ​ടെ തി​ക്കും തി​ര​ക്കും​കൂ​ട്ടി വാ​ഹ​ന​ത്തി​നു​ള്ളി​ല്‍ ക​യ​റാ​നു​ള്ള തി​ര​ക്കി​ലാ​യി​രു​ന്നു പ​ല​രും. പൊ​ലീ​സ് ഡ്രൈ​വ​ര്‍ ത​ന്നെ യാ​ത്ര​ക്കാ​രെ സ്ഥ​ലം വി​ളി​ച്ചു​ക​യ​റ്റി. തി​രൂ​ര്‍ ട്രാ​ഫി​ക് പൊ​ലീ​സി​ലെ ഭാ​ഗ്യ​രാ​ജു, സ​ര്‍ക്കി​ള്‍ ഓ​ഫി​സി​ലെ ഡ്രൈ​വ​ര്‍ ജി​നേ​ഷ് എ​ന്നി​വ​രാ​ണ് സേ​വ​ന​പ്ര​വ​ര്‍ത്ത​ന​വു​മാ​യി രം​ഗ​ത്തെ​ത്തി​യ​ത്. ഉ​ട​മ​ക​ള്‍ ബ​സ് വി​ട്ടു​കൊ​ടു​ത്ത​തോ​ടെ ഡ്രൈ​വി​ങ് സീ​റ്റി​ലേ​ക്ക് ഇ​വ​ര്‍ എ​ത്തു​ക​യാ​യി​രു​ന്നു