ബ​ണ്ട് റോ​ഡ് മുങ്ങി; തു​റു​വാ​ണ​ം ദ്വീപിലേക്ക് തോ​ണി

മാ​റ​ഞ്ചേ​രി: കാ​ല​വ​ർ​ഷം ക​ന​ത്ത​തോ​ടെ മാ​റ​ഞ്ചേ​രി ഗ്രാ​മ​പ​ഞ്ചാ​യ​ത്തി​ലെ തു​റു​വാ​ണം ദ്വീ​പി​ലേ​ക്കു​ള്ള യാ​ത്രാ​മാ​ർ​ഗ​മാ​യ ബ​ണ്ട് റോ​ഡ് വെ​ള്ളം കൊ​ണ്ട് മൂ​ടി​യ​തി​നെ തു​ട​ർ​ന്ന് പ​ഞ്ചാ​യ​ത്തി​ന്റെ നേ​തൃ​ത്വ​ത്തി​ൽ ദ്വീ​പി​ലേ​ക്ക് തോ​ണി സ​ർ​വി​സ് ആ​രം​ഭി​ച്ചു. താ​നൂ​രി​ൽ നി​ന്നാ​ണ് ദ്വീ​പു നി​വാ​സി​ക​ൾ​ക്ക് പു​റം​ലോ​ക​ത്ത് എ​ത്താ​നു​ള്ള തോ​ണി എ​ത്തി​ച്ചി​രി​ക്കു​ന്ന​ത്. കാ​ല​വ​ർ​ഷം ശ​ക്ത​മാ​യാ​ൽ പൊ​ന്നാ​നി കോ​ൾ മേ​ഖ​ല​യി​ൽ ശ​ക്ത​മാ​യ നീ​രൊ​ഴു​ക്ക് രൂ​പ​പ്പെ​ടു​യും തു​ട​ർ​ന്ന് ദ്വീ​പി​ലേ​ക്കു​ള്ള ഏ​ക​യാ​ത്ര​മാ​ർ​ഗ​മാ​യ ബ​ണ്ട് റോ​ഡ് വെ​ള്ളം കൊ​ണ്ട് മൂ​ടു​ക​യും ചെ​യ്യു​ന്ന​ത് പ​തി​വാ​ണ്.

മ​ഴ ശ​ക്ത​മാ​വു​ന്ന സ​മ​യ​ങ്ങ​ളി​ൽ ദ്വീ​പു​കാ​ർ നേ​രി​ടേ​ണ്ടി വ​രു​ന്ന ഈ ​ദു​ര​വ​സ്ഥ​ക്ക് കാ​ല​ങ്ങ​ളു​ടെ പ​ഴ​ക്ക​മു​ണ്ട്. 170 കു​ടും​ബ​ങ്ങ​ളി​ലാ​യി എ​ണ്ണൂ​റോ​ളം ആ​ളു​ക​ളാ​ണ് ദ്വീ​പി​ൽ താ​മ​സി​ക്കു​ന്ന​ത്. വ​ർ​ഷ​ങ്ങ​ൾ​ക്കു മു​ൻ​പ് റോ​ഡ് ഉ​യ​ർ​ത്തി ന​വീ​ക​രി​ക്കാ​ൻ പ​ദ്ധ​തി വ​രി​ക​യും പ​ണി തു​ട​ങ്ങു​ക​യും ചെ​യ്തി​രു​ന്നു. എ​ന്നാ​ൽ നി​ർ​മാ​ണ​ത്തി​ലെ അ​ശാ​സ്ത്രീ​യ​ത മൂ​ലം നി​ർ​മാ​ണം പാ​തി വ​ഴി​യി​ൽ മു​ട​ങ്ങി. ഏ​റെ നാ​ള​ത്തെ മു​റ​വി​ളി​ക​ൾ​ക്ക് ഒ​ടു​വി​ൽ ജീ​വി​ത​ത്തി​ലേ​ക്ക് പാ​ലം നി​ർ​മി​ക്കാ​ൻ ബ​ജ​റ്റി​ൽ തു​ക വ​ക വെ​ച്ച​തി​നെ തു​ട​ർ​ന്ന് ന​ട​പ​ടി​ക്ര​മ​ങ്ങ​ൾ പൂ​ർ​ത്തീ​ക​രി​ച്ച​താ​യി അ​ധി​കൃ​ത​ർ അ​റി​യി​ച്ചി​രു​ന്നു. എ​ന്നാ​ൽ പാ​ലം എ​ന്ന വി​ക​സ​ന സ്വ​പ്നം ഇ​ന്നും യാ​ഥാ​ർ​ഥ്യ​മാ​യി​ട്ടി​ല്ല. ഇ​ത്ത​വ​ണ​യും തു​റു​വാ​ണം ദ്വീ​പു​കാ​ർ​ക്ക്‌ പു​റം ലോ​ക​ത്ത് എ​ത്താ​ൻ തോ​ണി മാ​ത്ര​മാ​ണ് ശ​ര​ണം.