മലപ്പുറം: കോവിഡ് രണ്ടാംതരംഗത്തില്‍ ജില്ലയിലെ പ്രതിരോധ പ്രവര്‍ത്തനങ്ങളില്‍ പങ്കാളികളായി മങ്കടയിലെ സഹോദരങ്ങള്‍. 20 ലക്ഷം രൂപയുടെ ഓക്‌സിജന്‍ സിലിണ്ടറുകളാണ് ജില്ല കലക്ടര്‍ കെ. ഗോപാലകൃഷ്ണന് കൈമാറിയത്.
മങ്കട പള്ളിയാലില്‍ തൊടിയിലെ അബൂബക്കര്‍ ഹാജിയുടെ മക്കളായ മജീദ്, ഇര്‍ഷാദ്, അന്‍വര്‍, സലാം എന്നിവര്‍ ഓക്‌സിജന്‍ ക്ഷാമം കണക്കിലെടുത്ത് ഏഴ് ക്യുബിക്കിെൻറ 42.2 ലിറ്റര്‍ ശേഷിയുള്ള 62 സിലിണ്ടറുകളാണ് നല്‍കിയത്.
20,06,400 രൂപയാണ് ഇതിനായി ചെലവഴിച്ചത്. കലക്ടറുടെ ഇടപെടലിലാണ് നാല് ദിവസം കൊണ്ട് മുംബൈയില്‍നിന്ന് സിലിണ്ടറുകള്‍ മലപ്പുറത്തെത്തിച്ചത്.