വാടക മുറികളിൽ പെരുന്നാൾ ആഘോഷമാക്കി ബംഗാളികൾ

പൂക്കോട്ടുംപാടം: നാട്ടിൽ പോകാത്ത അന്തർ സംസ്ഥാന തൊഴിലാളികൾ ഈദുൽ ഫിത്ർ ആഘോഷിച്ചു.പൂക്കോട്ടുംപാടത്ത് വാടക മുറികളിൽ കഴിയുന്ന കൊൽക്കത്ത സ്വദേശികളായ ഇതരസംസ്ഥാന തൊഴിലാളികളാണ് പരിമിതികൾക്കുള്ളിൽ പെരുന്നാൾ ആഘോഷിച്ചത്. ജോലി തിരക്കായതിനാലാണ് ഇവർ നാട്ടിൽ പോകാതിരുന്നത്.

നാട്ടിൽ ബന്ധുക്കളുമൊത്ത് പെരുന്നാൾ ആഘോഷിക്കുന്ന അത്ര ആവേശമില്ലെങ്കിലും സാഹചര്യങ്ങൾക്ക് അനുസരിച്ച് ആഘോഷം നടത്തുകയാണെന്ന് തൊഴിലാളികൾ പറഞ്ഞു.

കാഠിന്യമേറിയ തൊഴിലുകൾ ചെയ്യുമ്പോഴും മുടക്കം കൂടാതെ 30 നോമ്പെടുത്തവരും കൂട്ടത്തിലുണ്ട്. ബംഗാൾ സ്വദേശികളായ അൽത്താഫ്, ലാൽഡു, സബീർ, മൊഹിദു എന്നിവരുടെ നേതൃത്വത്തിലാണ് ആഘോഷങ്ങൾ നടന്നത്.