പു​ര​സ്‌​കാ​ര നി​റ​വി​ൽ അ​തു​ൽ കൃ​ഷ്ണ​യും ചെ​ണ്ടു​മ​ല്ലി തോ​ട്ട​വും

തി​രൂ​ർ​ക്കാ​ട്: അ​ങ്ങാ​ടി​പ്പു​റം പ​ഞ്ചാ​യ​ത്തി​ലെ കു​ട്ടി​ക​ർ​ഷ​ക​ർ​ക്കാ​യി കൃ​ഷി​ഭ​വ​ൻ ഏ​ർ​പ്പെ​ടു​ത്തി​യ പു​ര​സ്കാ​രം തി​രൂ​ർ​ക്കാ​ട് സ്വ​ദേ​ശി അ​തു​ൽ കൃ​ഷ്ണ​ക്ക്. യോ​ഗ പ​രി​ശീ​ല​ക​രാ​യ ചെ​ന്ത്ര​ത്തി​ൽ സു​നി​ൽ​കു​മാ​റി​ന്റെ​യും ദീ​പ​ശ്രീ​യു​ടെ​യും മ​ക​നാ​ണ് അ​തു​ൽ. ഓ​ണ​ത്തി​നു വി​ള​വെ​ടു​പ്പി​നാ​യി ഒ​രു​ങ്ങു​ന്ന ചെ​ണ്ടു​മ​ല്ലി തോ​ട്ട​മാ​ണ് അ​തു​ലി​ന്റെ കൃ​ഷി​യി​ലെ മു​ഖ്യയിനം. ആ​യി​ര​ത്തോ​ളം ചെ​ണ്ടു​മ​ല്ലി തൈ​ക​ൾ ഓ​ണ​വി​പ​ണി ല​ക്ഷ്യ​മി​ട്ട് അ​തു​ൽ വ​ള​ർ​ത്തു​ന്നു​ണ്ട്.

ക​ഴി​ഞ്ഞ ലോ​ക്ഡൗ​ൺ കാ​ല​ത്ത് സൂ​ര്യ​കാ​ന്തി കൃ​ഷി ചെ​യ്താ​യി​രു​ന്നു കൃ​ഷി​യി​ലേ​ക്കു​ള്ള തുടക്കം. വെ​ണ്ട, വ​ഴു​ത​ന, പ​ച്ച​മു​ള​ക്, കൂ​ർ​ക്ക, ചേ​ന, ക​പ്പ, വാ​ഴ, മ​ഞ്ഞ​ൾ തു​ട​ങ്ങി​യ വി​ള​ക​ൾ ജൈ​വ​രീ​തി​യി​ൽ കൃ​ഷി ചെ​യ്യു​ന്നു​ണ്ട് ഈ ​മി​ടു​ക്ക​ൻ. പ​രി​യാ​പു​രം സെ​ന്റ് മേ​രീ​സ് ഹ​യ​ർ സെ​ക്ക​ൻ​ഡ​റി സ്കൂ​ളി​ലെ പ്ല​സ് വ​ൺ വി​ദ്യാ​ർ​ഥി​യാ​ണ്. അ​ങ്ങാ​ടി​പ്പു​റം കൃ​ഷി ഓ​ഫി​സ​ർ ഡാ​സ്സ​ൽ സേ​വ്യ​റി​ന്റെ നേ​തൃ​ത്വ​ത്തി​ൽ മി​ക​ച്ച പി​ന്തു​ണ​യും ല​ഭി​ക്കു​ന്നു​ണ്ട്. കാ​ർ​ഷി​ക ദി​ന​ത്തി​ൽ അ​ങ്ങാ​ടി​പ്പു​റം ഗ്രാ​മ​പ​ഞ്ചാ​യ​ത്തും കൃ​ഷി​വ​കു​പ്പം ചേ​ർ​ന്ന് ആ​ദ​രി​ച്ച ക​ർ​ഷ​ക​രി​ൽ അ​തു​ലി​നെ​യും ഉ​പ​ഹാ​രം ന​ൽ​കി ആ​ദ​രി​ച്ചു. ബി​. ടെ​ക് വി​ദ്യാ​ർ​ഥി​നി​യാ​യ അ​ഞ്ജ​ന സ​ഹോ​ദ​രി​യാ​ണ്.