ഇ​ൻ​സ്റ്റാ​ഗ്രാ​ം പോ​സ്റ്റിന്റെ പേ​രി​ൽ വീ​ണ്ടും ആ​ക്ര​മ​ണം; പ്ര​തികൾ പി​ടി​യി​ൽ

അ​ന്തി​ക്കാ​ട്: ഇ​ൻ​സ്റ്റാ​ഗ്രാ​മി​ൽ പ്ര​തി​യു​ടെ വീ​ഡി​യോ പോ​സ്റ്റ് ചെ​യ്ത​തി​ന്റെ വൈ​രാ​ഗ്യ​ത്താ​ൽ യു​വാ​വി​നെ ആ​ക്ര​മി​ച്ച സം​ഭ​വ​ത്തി​ൽ നി​ര​വ​ധി ക്രി​മി​ന​ൽ​ക്കേ​സു​ക​ളി​ലെ പ്ര​തി​യും കൂ​ട്ടാ​ളി​യും അ​റ​സ്റ്റി​ൽ. പെ​രി​ങ്ങോ​ട്ടു​ക​ര സ്വ​ദേ​ശി അ​ര​ക്കാ​പ​റ​മ്പി​ൽ വീ​ട്ടി​ൽ വി​ന​യ​ൻ (30), അ​ന്തി​ക്കാ​ട് സ്വ​ദേ​ശി ക​ട​വി​ൽ വീ​ട്ടി​ൽ സൈ​ജോ (33) എ​ന്നി​വ​രെ​യാ​ണ് തൃ​ശൂ​ർ റൂ​റ​ൽ ജി​ല്ല പൊ​ലീ​സ് മേ​ധാ​വി​യു​ടെ നേ​തൃ​ത്വ​ത്തി​ലു​ള്ള അ​ന്വേ​ഷ​ണ സം​ഘം അ​റ​സ്റ്റ് ചെ​യ്ത​ത്.

ഈ ​മാ​സം ഒ​മ്പ​തി​ന് ഉ​ച്ച​ക്ക് 12ന് ​മ​ല​പ്പു​റം വ​ട്ടം​കു​ളം സ്വ​ദേ​ശി വി​ഷ്ണു (31) എ​ന്ന​യാ​ളെ ആ​ക്ര​മി​ച്ച കേ​സി​ലാ​ണ് ഇ​രു​വ​രേ​യും അ​റ​സ്റ്റ് ചെ​യ്ത​ത്. ര​ണ്ടാ​ഴ്ച മു​മ്പ് വി​ഷ്ണു​വും ഭാ​ര്യ​യും പെ​രി​ങ്ങോ​ട്ടു​ക​ര ക്ഷേ​ത്ര​ദ​ർ​ശ​നം ക​ഴി​ഞ്ഞ് രാ​ത്രി 11.30 ഓ​ടെ ക്ഷേ​ത്ര​ത്തി​ന് മു​ന്നി​ലെ റോ​ഡ​രി​കി​ൽ കാ​റി​ൽ ഇ​രി​ക്കു​മ്പോ​ൾ പ്ര​തി​ക​ളാ​യ വി​ന​യ​നും സൈ​ജോ​യും എ​ത്തി വി​ഷ്ണു​വു​മാ​യി ത​ർ​ക്ക​ത്തി​ലേ​ർ​പ്പെ​ട്ടു.

സം​ഭ​വം വി​ഷ്ണു മൊ​ബൈ​ൽ ഫോ​ണി​ൽ പ​ക​ർ​ത്തി ഇ​ൻ​സ്റ്റാ​ഗ്രാം ഉ​ൾ​പ്പെ​ടെ​യു​ള്ള സാ​മൂ​ഹി​ക മാ​ധ്യ​മ​ങ്ങ​ളി​ൽ പ​ങ്കു​വെ​ച്ചി​രു​ന്നു. ഇ​താ​ണ് ആ​ക്ര​മ​ണ​ത്തി​ന് കാ​ര​ണം. പെ​രി​ങ്ങോ​ട്ടു​ക​ര ആ​വ​ണ​ങ്ങാ​ട്ട് ക്ഷേ​ത്ര​ത്തി​ന് മു​ന്നി​ൽ വെ​ച്ചാ​യി​രു​ന്നു ആ​ക്ര​മ​ണം. കാ​റി​ൽ വ​രി​ക​യാ​യി​രു​ന്ന വി​ഷ്ണു​വി​നെ ബൈ​ക്കി​ലെ​ത്തി​യ പ്ര​തി​ക​ൾ ത​ട​ഞ്ഞ് ആ​ക്ര​മി​ക്കു​ക​യു​മാ​യി​രു​ന്നു.

വി​ന​യ​ൻ അ​ന്തി​ക്കാ​ട് പൊ​ലീ​സ് സ്റ്റേ​ഷ​നി​ൽ ഒ​രു കൊ​ല​പാ​ത​ക​ക്കേ​സി​ലും, ഒ​രു കൊ​ല​പാ​ത​ക ശ്ര​മ​കേ​സി​ലും ആ​റ് അ​ടി​പി​ടി​ക്കേ​സി​ലും ല​ഹ​രി​ക്ക​ടി​മ​പ്പെ​ട്ട് പൊ​തു​ജ​ന​ങ്ങ​ളെ ശ​ല്യം ചെ​യ്യു​ക, കാ​പ്പ കേ​സ് എ​ന്നി​ങ്ങ​നെ 20 ക്ര​മി​ന​ൽ​ക്കേ​സു​ക​ളി​ലെ പ്ര​തി​യാ​ണ്. അ​ന്തി​ക്കാ​ട് സി.​ഐ കേ​ഴ്സ​ൺ, എ​സ്.​ഐ അ​ഫ്സ​ൽ എ​ന്നി​വ​രാ​ണ് അ​ന്വേ​ഷ​ണ സം​ഘ​ത്തി​ലു​ണ്ടാ​യി​രു​ന്ന​ത്.