ബാ​പ്പ​യു​ടെ വ​ഴി​യി​ൽ മ​ക​നും; കേ​ര​ള പ്രീ​മി​യ​ർ ലീ​ഗി​ൽ ഫ​ഹ​ദ് ജാ​ബി​റി​ന്​ അ​ര​ങ്ങേ​റ്റം

അ​രീ​ക്കോ​ട്: പി​താ​വി​ന്‍റെ സ്വ​പ്ന​ങ്ങ​ൾ പൂ​ർ​ത്തി​യാ​ക്കാ​ൻ എ​ഫ്.​സി അ​രീ​ക്കോ​ടി​ന് വേ​ണ്ടി കേ​ര​ള പ്രീ​മി​യ​ർ ലീ​ഗി​ൽ ആ​ദ്യ അ​ര​ങ്ങേ​റ്റം ന​ട​ത്തി സി. ​ജാ​ബി​റി​ന്‍റെ മ​ക​ൻ ഫ​ഹ​ദ് ജാ​ബി​ർ. പ​തി​നാ​റാം വ​യ​സ്സി​ൽ കേ​ര​ള പ്രീ​മി​യ​ർ ലീ​ഗി​ലൂ​ടെ​യാ​ണ് തു​ട​ക്കം കു​റ​ച്ചി​രി​ക്കു​ന്ന​ത്. പി​താ​വി​ന്‍റെ പാ​ത​യി​ൽ മി​ക​ച്ച ഫു​ട്ബാ​ൾ താ​ര​മാ​ക​ണ​മെ​ന്നാ​യി​രു​ന്നു ചെ​റു​പ്പം മു​ത​ൽ ആ​ഗ്ര​ഹം. ഇ​തി​നാ​യി ക​ഠി​ന​പ​രി​ശ്ര​മം ന​ട​ത്തി ഒ​ടു​വി​ൽ എ​ഫ്.​സി അ​രീ​ക്കോ​ടി​ന്‍റെ അ​ക്കാ​ദ​മി​യി​ൽ എ​ത്തു​ക​യാ​യി​രു​ന്നു. അ​ഞ്ച്​ വ​ർ​ഷ​മാ​യി അ​ക്കാ​ദ​മി​യി​ൽ പ​രി​ശീ​ല​നം നേ​ടി മി​ക​ച്ച പ്ര​ക​ട​നം കാ​ഴ്ച വെ​ച്ച ശേ​ഷ​മാ​ണ് ഈ ​പ​തി​നാ​റു​കാ​ര​ൻ എ​ഫ്.​സി അ​രീ​ക്കോ​ട് അ​ക്കാ​ദ​മി​യു​ടെ പ്ര​ഫ​ഷ​ണ​ൽ ക്ല​ബാ​യ എ​ഫ്.​സി അ​രീ​ക്കോ​ടി​ലൂ​ടെ കേ​ര​ള പ്രീ​മി​യ​ർ ലീ​ഗി​ലേ​ക്ക് എ​ത്തി​യ​ത്. കേ​ര​ള പൊ​ലീ​സി​ൽ ഇ​ൻ​സ്പെ​ക്ട​റാ​യി ജോ​ലി ചെ​യ്യു​ന്ന​തി​നി​ടെ വാ​ഹ​നാ​പ​ക​ട​ത്തി​ൽ മ​രി​ച്ച മു​ൻ ഇ​ൻ​റ​ർ​നാ​ഷ​ന​ൽ താ​രം സി. ​ജാ​ബി​ർ അ​രീ​ക്കോ​ട​ൻ ഫു​ട്ബാ​ളി​ന്റെ തീ​രാ​ന​ഷ്ട​മാ​ണ്.

ബു​ധ​നാ​ഴ്ച കോ​ഴി​ക്കോ​ട് കോ​ർ​പ്പ​റേ​ഷ​ൻ സ്റ്റേ​ഡി​യ​ത്തി​ൽ ന​ട​ന്ന കേ​ര​ള പ്രീ​മി​യ​ർ ലീ​ഗി​ൽ ലൂ​ക്കാ സോ​ക്ക​ർ ക്ല​ബ്-​എ.​എ​ഫ്.​സി അ​രീ​ക്കോ​ട് മ​ത്സ​ര​ത്തി​ൽ മ​ധ്യ​നി​ര​യി​ൽ നി​ന്ന് മി​ക​ച്ച പ്ര​ക​ട​ന​മാ​ണ് ഫ​ഹ​ദ് ജാ​ബി​ർ കാ​ഴ്ച വെ​ച്ച​ത്.

പി​താ​വി​നെ പോ​ലെ ത​ന്നെ മി​ക​ച്ച ഒ​രു ഭാ​വി ഫ​ഹ​ദി​നു​മു​ണ്ടെ​ന്ന് എ​ഫ്സി അ​രീ​ക്കോ​ട് സി.​ഒ. റാ​ഷി​ദ് നാ​ല​ക​ത്ത് പ​റ​ഞ്ഞു. വ​ലി​യ പ്ര​തീ​ക്ഷ​യു​ണ്ടെ​ന്ന് എ​ഫ്.​സി അ​രീ​ക്കോ​ട് ചെ​യ​ർ​മാ​ൻ കാ​ഞ്ഞി​രാ​ല അ​ബ്ദു​ൽ ക​രീ​മും പ​റ​ഞ്ഞു. എ​ട​വ​ണ്ണ ഐ.​ഒ.​എ​ച്ച്.​എ​സി​ലെ പ്ല​സ് ടു ​വി​ദ്യാ​ർ​ഥി​യാ​ണ് തെ​ര​ട്ട​മ്മ​ൽ സ്വ​ദേ​ശി​യാ​യ ഫ​ഹ​ദ്. മാ​താ​വ്: കെ.​സി. ന​സീ​മ. സ​ഹോ​ദ​ര​ങ്ങ​ൾ: ഫി​ദ ജാ​ബി​ർ, റി​ൻ​ന്ത ജാ​ബി​ർ.