അരീക്കോട് പഞ്ചായത്ത് സ്റ്റേഡിയത്തിന്റെ മതിൽ തകർന്നു

അ​രീ​ക്കോ​ട്: അ​രീ​ക്കോ​ട് പ​ഞ്ചാ​യ​ത്ത് സ്റ്റേ​ഡി​യ​ത്തി​ലെ റോ​ഡി​ന്റെ ഭാ​ഗ​ത്തു​ള്ള സു​ര​ക്ഷ​ഭി​ത്തി ത​ക​ർ​ന്ന് റോ​ഡും പ​ഞ്ചാ​യ​ത്തി​ന്റെ കു​ടി​വെ​ള്ള കി​ണ​റും അ​പ​ക​ട​ഭീ​ഷ​ണി​യി​ൽ. എ​ട​വ​ണ്ണ കൊ​യി​ലാ​ണ്ടി സം​സ്ഥാ​ന​പാ​ത​യു​ടെ അ​തി​ര്​ ക​ണ​ക്കാ​ക്കു​ന്ന സ്റ്റേ​ഡി​യ​ത്തി​ലെ ഈ ​ഭി​ത്തി വ​ർ​ഷ​ങ്ങ​ൾ​ക്ക് മു​മ്പ് നി​ർ​മി​ച്ച​താ​ണ്. മ​തി​ൽ ഏ​ത് നി​മി​ഷ​വും നി​ലം പൊ​ത്തു​മെ​ന്ന അ​വ​സ്ഥ​യി​ലാ​ണു​ള്ള​ത്. നി​ര​വ​ധി വാ​ഹ​ന​ങ്ങ​ൾ ക​ട​ന്നു പോ​കു​ന്ന റോ​ഡാ​ണി​ത്. റോ​ഡി​ന്‍റെ വ​ശം പാ​ർ​ക്കി​ങ്ങി​നും ഉ​പ​യോ​ഗി​ക്കാ​റു​ണ്ട്.

വാ​ഹ​ന​ങ്ങ​ളു​ള്ള സ​മ​യം മ​തി​ൽ ഇ​ടി​ഞ്ഞാ​ൽ വ​ലി​യ അ​പ​ക​ട​ങ്ങ​ൾ​ക്കാ​കും ഇ​ട​യാ​ക്കു​ക. ക​ന​ത്ത മ​ഴ തു​ട​രു​ന്ന സാ​ഹ​ച​ര്യ​ത്തി​ൽ മ​തി​ൽ നി​ലം​പൊ​ത്താ​നി​ട​യു​ണ്ട്. മ​തി​ൽ ഇ​ടി​ഞ്ഞാ​ൽ മ​ണ്ണും ക​ല്ലും പ​ഞ്ചാ​യ​ത്തി​ന്റെ കു​ടി​വെ​ള്ള കി​ണ​റ്റി​ലാ​യി​രി​ക്കും വീ​ഴു​ക. നി​ര​വ​ധി കു​ടും​ബ​ങ്ങ​ൾ ശു​ദ്ധ​ജ​ല​ത്തി​ന് ഉ​പ​യോ​ഗി​ക്കു​ന്ന കി​ണ​റാ​ണി​ത്. പൊ​തു​മ​രാ​മ​ത്ത് റോ​ഡ് വി​ഭാ​ഗ​ത്തി​ന്റെ ഉ​ട​മ​സ്ഥ​ത​യി​ലു​ള്ള സു​ര​ക്ഷ​ഭി​ത്തി എ​ത്ര​യും വേ​ഗം പു​ന​ർ നി​ർ​മി​ക്ക​ണ​മെ​ന്ന് ആ​വ​ശ്യ​മു​യ​ർ​ന്നു.