ഈ വീട്ടിൽ അറബിയാണ്​ കുടുംബവിഷയം

മ​ല​പ്പു​റം: അ​റ​ബി​ഭാ​ഷ​യെ അ​ഭി​മാ​ന​ത്തോ​ടെ നെ​ഞ്ചി​ലേ​റ്റി ജീ​വി​ത​യാ​ത്ര ന​ട​ത്തു​ന്ന ഒ​രു​അ​ധ്യാ​പ​ക​നും കു​ടും​ബ​വു​മു​ണ്ട്​ അ​രീ​ക്കോ​ട്ട്​. പി​താ​വും മാ​താ​വും മ​ക്ക​ളും മ​രു​മ​ക്ക​ളു​മെ​ല്ലാം അ​റ​ബി​ഭാ​ഷ​യെ ജീ​വി​ത​ത്തോ​ട്​ ചേ​ർ​ത്തു​പി​ടി​ച്ച കു​ടും​ബം. അ​രീ​ക്കോ​ട് സ്വ​ദേ​ശി​യും അ​ധ്യാ​പ​ക​നു​മാ​യ ആ​ന്തൂ​ര​ത്തൊ​ടി മു​ഹ​മ്മ​ദ്​ റ​ഫീ​ഖും കു​ടും​ബ​വു​മാ​ണ്​ അ​റ​ബി​ഭാ​ഷ​യെ അ​ത്ര​മേ​ൽ സ്​​നേ​ഹി​ക്കു​ന്ന​ത്.

അ​ടി​മു​ടി അ​റ​ബി​കു​ടും​ബ​മാ​ണ് തി​രൂ​ർ​ക്കാ​ട് എ.​എം ഹൈ​സ്കൂ​ൾ അ​റ​ബി അ​ധ്യാ​പ​ക​നാ​യ റ​ഫീ​ഖി​ന്‍റേ​ത്. ഭാ​ര്യ​യും മ​ക്ക​ളും മ​രു​മ​ക്ക​ളു​മെ​ല്ലാം അ​റ​ബി​ വി​ഷ​യ​ത്തി​നൊ​പ്പ​മാ​ണ്​​ ജീ​വി​ത​സ​ഞ്ചാ​രം. അ​രീ​ക്കോ​ട് സു​ല്ല​മു​സ്സ​ലാം അ​റ​ബി​ക് കോ​ള​ജ് അ​ധ്യാ​പി​ക​യാ​ണ്​ ഭാ​ര്യ പി. ​ഹ​സ​ന. മ​ക്ക​ളാ​യ അ​ബ്ദു​ല്ല, അ​ബ്ദു​റ​ഹ്മാ​ൻ, അ​ബ്ദു​ൽ വ​ഹാ​ബ്, ഫാ​ത്തി​മ ജു​മാ​ൻ എ​ന്നി​വ​രും അ​റ​ബി അ​ധ്യാ​പ​ക​രാ​ണ്. മ​ക്ക​ളും അ​വ​രു​ടെ ഇ​ണ​ക​ളും അ​റ​ബി​ഭാ​ഷ​യി​ൽ ബി​രു​ദാ​ന​ന്ത​ര ബി​രു​ദ​ധാ​രി​ക​ളു​മാ​ണ്. മ​രു​മ​ക​ൻ ഹ​യ​ർ സെ​ക്ക​ൻ​ഡ​റി സ്കൂ​ളി​ൽ പ​ഠി​പ്പി​ക്കു​ന്ന​തും അ​റ​ബി​ത​ന്നെ. ആ​ൺ​കു​ട്ടി​ക​ൾ മൂ​ന്നു​പേ​രും ഖു​ർ​ആ​ൻ സ​മ്പൂ​ർ​ണ​മാ​യി മ​നഃ​പാ​ഠ​മാ​ക്കി​യ ഹാ​ഫി​ദു​ക​ൾ​കൂ​ടി​യാ​ണ്.

10ാം ക്ലാ​സി​ൽ മു​ഴു​വ​ൻ വി​ഷ​യ​ത്തി​ലും എ ​പ്ല​സ് നേ​ടി വി​ജ​യി​ച്ച നാ​ല് മ​ക്ക​ളെ​യും തു​ട​ർ​പ​ഠ​ന​ത്തി​ന് അ​റ​ബി​ക് കോ​ള​ജി​ൽ അ​യ​ക്കാ​ൻ റ​ഫീ​ഖ് മാ​സ്റ്റ​ർ​ക്ക് ര​ണ്ടാ​മ​തൊ​രാ​ലോ​ച​ന വേ​ണ്ടി​വ​ന്നി​ല്ല. അ​രീ​ക്കോ​ട് സു​ല്ല​മു​സ്സ​ലാം അ​റ​ബി​ക് കോ​ള​ജി​ലെ അ​സി​സ്റ്റ​ന്റ് പ്ര​ഫ​സ​ർ ത​സ്തി​ക​യി​ൽ​നി​ന്ന് അ​ടു​ത്ത വ​ർ​ഷം വി​ര​മി​ക്കാ​നി​രി​ക്കു​ന്ന റ​ഫീ​ഖി​ന്‍റെ ഭാ​ര്യ ഹ​സ​ന കോ​ള​ജി​ലെ ത​ന്‍റെ ശി​ഷ്യ​ന്മാ​ർ​കൂ​ടി​യാ​യ മൂ​ന്ന് മ​ക്ക​ൾ​ക്കും ഇ​ണ​ക​ളെ ക​ണ്ടെ​ത്തി​യ​തും അ​തേ കോ​ള​ജി​ലെ അ​റ​ബി​ഭാ​ഷ വി​ദ്യാ​ർ​ഥി​നി​ക​ളി​ൽ​നി​ന്നാ​യി​രു​ന്നു.

ഡി​സം​ബ​ർ 18 ലോ​ക അ​റ​ബി​ക്​ ദി​ന​ത്തി​ൽ മ​റ്റൊ​രു സ​ന്തോ​ഷം​കൂ​ടി വ​ന്നെ​ത്തി​യി​രി​ക്കു​യാ​ണ്​ ഇ​വ​രു​ടെ കു​ടും​ബ​ത്തി​ൽ. മൂ​ത്ത​മ​ക​ൻ അ​ബ്ദു​ല്ല​ അ​റ​ബി​ക് സാ​ഹി​ത്യ​ത്തി​ൽ അ​റ​ബി​ക്​​ദി​ന​ത്തി​ൽ ഡോ​ക്ട​റേ​റ്റ് നേ​ടാ​നി​രി​ക്കു​ക​യാ​ണ്. ഫാ​റൂ​ഖ്​ കോ​ള​ജി​ൽ​നി​ന്ന്​ ഡോ. ​കെ.​പി. അ​ബ്ബാ​സി​ന്‍റെ കീ​ഴി​ലാ​ണ്​ ഗ​വേ​ഷ​ണം പൂ​ർ​ത്തി​യാ​ക്കു​ന്ന​ത്. സ്കൂ​ൾ ക​ലോ​ത്സ​വ​ങ്ങ​ളി​ൽ ക​ലാ​പ്ര​തി​ഭ ഉ​ൾ​പ്പെ​ടെ നി​ര​വ​ധി പു​ര​സ്കാ​രം നേ​ടി​യ വ്യ​ക്തി​യാ​ണ്​ അ​ബ്ദു​ല്ല.

സ​ഹോ​ദ​ര​ങ്ങ​ളും അ​റ​ബി​ക്​ ക​ലോ​ത്സ​വ​ങ്ങ​ളി​ൽ വി​വി​ധ​യി​ന​ങ്ങ​ളി​ൽ മി​ക​വ്​ തെ​ളി​യി​ച്ചു. സി.​ബി.​എ​സ്.​ഇ ന്യൂ​ഡ​ൽ​ഹി അ​റ​ബി​ക്​ ടെ​ക്സ്​​​റ്റ്​ ബു​ക്ക്​ ക​മ്മി​റ്റി മെം​ബ​റാ​യും അ​ബ്ദു​ല്ല​യെ തി​ര​ഞ്ഞെ​ടു​ത്തി​രു​ന്നു.