ഒ​രേ ന​മ്പ​റി​ലെ അം​ഗ​ൻ​വാ​ടി​ക്ക് ര​ണ്ടി​ട​ങ്ങ​ളി​ൽ പ​ദ്ധ​തി

മ​ല​പ്പു​റം: ഒ​രു ന​മ്പ​റി​ലു​ള്ള അം​ഗ​ൻ​വാ​ടി​ക്ക് ര​ണ്ടി​ട​ങ്ങ​ളി​ൽ പ​ദ്ധ​തി വെ​ച്ച​ത് സം​ബ​ന്ധി​ച്ച് ന​ഗ​ര​സ​ഭ കൗ​ൺ​സി​ൽ യോ​ഗ​ത്തി​ൽ ഭ​ര​ണ-​പ്ര​തി​പ​ക്ഷ ബ​ഹ​ളം. ന​ഗ​ര​സ​ഭ നാ​ലാം വാ​ർ​ഡ് ക​ള്ളാ​ടി​മു​ക്ക് ആ​ലി​ങ്ങ​ൽ 101-ാം ന​മ്പ​ർ അം​ഗ​ൻ​വാ​ടി കെ​ട്ടി​ട നി​ർ​മാ​ണ​വു​മാ​യി ബ​ന്ധ​പ്പെ​ട്ട അ​ജ​ണ്ട​യി​ലാ​ണ് വാ​ക്ക് ത​ർ​ക്ക​വും ബ​ഹ​ള​വും അ​ര​ങ്ങേ​റി​യ​ത്. അം​ഗ​ൻ​വാ​ടി​ക്ക് നാ​ല്, അ​ഞ്ച് വാ​ർ​ഡു​ക​ളി​ലാ​ണ് കെ​ട്ടി​ടം നി​ർ​മി​ക്കാ​ൻ പ​ദ്ധ​തി ആ​വി​ഷ്ക​രി​ച്ചി​രു​ന്ന​ത്. നി​ല​വി​ൽ ശോ​ച്യാ​വ​സ്ഥ​യി​ൽ പ്ര​വ​ർ​ത്തി​ക്കു​ന്ന ആ​ലി​ങ്ങ​ൽ കെ​ട്ടി​ട​ത്തി​ന് അം​ഗ​ൻ​വാ​ടി​ക്ക് 50 മീ​റ്റ​ർ പ​രി​ധി​യി​ൽ അ​ഞ്ചാം വാ​ർ​ഡ് മ​ച്ചി​ങ്ങ​ലി​ൽ ഉ​ൾ​പ്പെ​ട്ട സ്ഥ​ല​ത്ത് കെ​ട്ടി​ടം നി​ർ​മി​ക്കാ​ൻ അ​നു​മ​തി ന​ൽ​കു​ക​യും കെ​ട്ടി​ട നി​ർ​മാ​ണം ആ​രം​ഭി​ക്കു​ക​യും ചെ​യ്തി​രു​ന്നു.

ഈ ​ന​മ്പ​റി​ലെ അം​ഗ​ൻ​വാ​ടി​ക്ക് ത​ന്നെ നാ​ലാം വാ​ർ​ഡി​ലും ദാ​ന​മാ​യി ന​ൽ​കി​യ സ്ഥ​ല​ത്ത് കെ​ട്ടി​ടം നി​ർ​മി​ക്കാ​ൻ എ​സ്റ്റി​മേ​റ്റ് ത​യാ​റാ​ക്കു​ക​യും സാ​ങ്കേ​തി​കാ​നു​മ​തി​യും പൂ​ർ​ത്തി​യാ​ക്കി. നാ​ലാം വാ​ർ​ഡി​ലെ പ​ദ്ധ​തി ടെ​ൻ​ഡ​റി​ലേ​ക്ക് ക​ട​ന്ന​തോ​ടെ ഒ​രേ ന​മ്പ​റി​ൽ ര​ണ്ട് അം​ഗ​ൻ​വാ​ടി കെ​ട്ടി​ടം വ​ന്ന​തോ​ടെ അ​ധി​കൃ​ത​ർ ആ​ശ​യ​ക്കു​ഴ​പ്പ​ത്തി​ലാ​യി. ഇ​തോ​ടെ വി​ഷ​യ​ത്തി​ൽ തീ​രു​മാ​ന​മെ​ടു​ക്കാ​ൻ കൗ​ൺ​സി​ൽ യോ​ഗ​ത്തി​ലേ​ക്ക് വെ​ക്കു​ക​യാ​യി​രു​ന്നു. അ​ഞ്ചാം വാ​ർ​ഡി​ൽ നി​ർ​മാ​ണം ന​ട​ന്നി​രു​ന്ന അം​ഗ​ൻ​വാ​ടി കെ​ട്ടി​ട​ത്തി​ന് നേ​ര​ത്തെ ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ നി​ർ​മാ​ണ പ്ര​വൃ​ത്തി​ക​ൾ നി​ർ​ത്തി​വെ​ച്ചി​രു​ന്നു.

ഇ​തി​ൽ ഹൈ​കോ​ട​തി​യി​ൽ കേ​സു​ണ്ട്. വി​ഷ​യ​ത്തി​ൽ ഭ​ര​ണ-​പ്ര​തി​പ​ക്ഷ അം​ഗ​ങ്ങ​ൾ ത​മ്മി​ൽ രൂ​ക്ഷ​മാ​യ വാ​ക്കേ​റ്റ​മു​ണ്ടാ​യി. നാ​ലാം വാ​ർ​ഡ് പ്ര​തി​പ​ക്ഷ​വും അ​ഞ്ചാം വാ​ർ​ഡ് ഭ​ര​ണ​പ​ക്ഷ​വു​മാ​ണ് പ്ര​തി​നി​ധീ​ക​രി​ക്കു​ന്ന​ത്. ഇ​രു​കൂ​ട്ട​രും ത​ങ്ങ​ളു​ടെ വാ​ർ​ഡി​ൽ പ​ദ്ധ​തി യാ​ഥാ​ർ​ഥ്യ​മാ​ക്കാ​ൻ വേ​ണ്ടി വാ​ദി​ച്ചു. ഒ​ടു​വി​ൽ വി​ഷ​യ​ത്തി​ൽ ഇ​രു​വി​ഭാ​ഗ​വും ര​മ്യ​ത​യി​ലെ​ത്തി. അ​ഞ്ചാം വാ​ർ​ഡി​ൽ പ​ദ്ധ​തി ന​ട​പ്പി​ലാ​ക്കാ​നും നാ​ലാം വാ​ർ​ഡി​ൽ അം​ഗ​ൻ​വാ​ടി​ക്കാ​യി വി​ട്ടു​ന​ൽ​കി​യ സ്ഥ​ലം സ​ർ​ക്കാ​ർ മാ​ന​ദ​ണ്ഡം പാ​ലി​ച്ച് ഉ​ട​മ​ക്ക് തി​രി​ച്ച് ന​ൽ​കാ​നും യോ​ഗം നി​ശ്ച​യി​ച്ചു. യോ​ഗ​ത്തി​ൽ ന​ഗ​ര​സ​ഭാ​ധ്യ​ക്ഷ​ൻ മു​ജീ​ബ് കാ​ടേ​രി അ​ധ്യ​ക്ഷ​ത വ​ഹി​ച്ചു.

ഓ​ഡി​റ്റ് റി​പ്പോ​ർ​ട്ട് ച​ർ​ച്ച നാ​ളെ

മ​ല​പ്പു​റം: 2023-‘24 വ​ർ​ഷ​ത്തെ ന​ഗ​ര​സ​ഭ ഓ​ഡി​റ്റ് റി​പ്പോ​ർ​ട്ട് വെ​ള്ളി​യാ​ഴ്ച ചേ​രു​ന്ന കൗ​ൺ​സി​ൽ യോ​ഗം ച​ർ​ച്ച ചെ​യ്യും. ബു​ധ​നാ​ഴ്ച ചേ​ർ​ന്ന യോ​ഗ​ത്തി​ൽ ഓ​ഡി​റ്റ് റി​പ്പോ​ർ​ട്ട് ച​ർ​ച്ച് വെ​ച്ചെ​ങ്കി​ലും പ്ര​തി​പ​ക്ഷം വി​ശ​ദ​മാ​യി ച​ർ​ച്ച ചെ​യ്യ​ണ​മെ​ന്ന് ആ​വ​ശ്യ​പ്പെ​ട്ട​തോ​ടെ​യാ​ണ് വെ​ള്ളി​യാ​ഴ്ച ഉ​ച്ച​ക്ക് ചേ​രു​ന്ന യോ​ഗ​ത്തി​ൽ വി​ഷ​യം ച​ർ​ച്ച എ​ടു​ക്കാ​ൻ തീ​രു​മാ​നി​ച്ച​ത്.