അങ്ങാടിപ്പുറം തിരുമാന്ധാംകുന്നിൽ ചടങ്ങുകളോടെ പൂരം പുറപ്പാട്

അ​ങ്ങാ​ടി​പ്പു​റം: കോ​വി​ഡ് നി​യ​ന്ത്ര​ണ​ങ്ങ​ളോ​ടെ അ​ങ്ങാ​ടി​പ്പു​റം തി​രു​മാ​ന്ധാം​കു​ന്ന് ഭ​ഗ​വ​തി ക്ഷേ​ത്ര​ത്തി​ൽ പൂ​രം പു​റ​പ്പാ​ട് ന​ട​ത്തി. ഭ​ക്ത​ർ​ക്ക് നി​യ​ന്ത്ര​ണം ഏ​ർ​പ്പെ​ടു​ത്തി ച​ട​ങ്ങു​ക​ൾ മാ​ത്ര​മാ​ണ്​ ന​ട​ന്ന​ത്. 11 ദി​വ​സം നീ​ളു​ന്ന പൂ​ര​ത്തി​െൻറ ഭാ​ഗ​മാ​യി രാ​വി​ലെ 8.30നും ​വൈ​കീ​ട്ട് ദീ​പാ​രാ​ധ​ന​ക്ക് ശേ​ഷ​വും ആ​റാ​ട്ടെ​ഴു​ന്ന​ള്ള​ത്ത് ന​ട​ക്കും.

ഉ​ത്സ​വ ച​ട​ങ്ങു​ക​ൾ ന​ട​ക്കു​ന്ന സ​മ​യ​ത്ത് ഭ​ക്ത​ർ​ക്ക് ക്ഷേ​ത്ര​പ്ര​വേ​ശ​ന​ത്തി​ന് നി​യ​ന്ത്ര​ണ​ങ്ങ​ളു​ണ്ടാ​വും. രാ​വി​ലെ 6.30 മു​ത​ൽ എ​ട്ട്​ വ​രെ​യും വൈ​കീ​ട്ട് 4.30 മു​ത​ൽ ആ​റ്​ വ​രെ​യു​മാ​ണ് പ്ര​വേ​ശ​നം. പൂ​ര​ത്തി​ന്​ മു​ന്നോ​ടി​യാ​യി നാ​ല്​ ദി​വ​സം നീ​ണ്ട ശു​ദ്ധി​ക​ല​ശം ശ​നി മു​ത​ൽ ചൊ​വ്വ വ​രെ ന​ട​ത്തി. ക​ഴി​ഞ്ഞ മാ​ർ​ച്ച് 31 മു​ത​ൽ പ​ത്ത്​ ദി​വ​സ​മാ​യാ​ണ് പൂ​രം ന​ട​ക്കേ​ണ്ടി​യി​രു​ന്ന​ത്. മീ​ന​മാ​സ​ത്തി​ലെ മ​ക​യി​രം നാ​ളി​ലാ​ണ് ആ​ഘോ​ഷം തു​ട​ങ്ങാ​റ്. എ​ല്ലാ ഒ​രു​ക്ക​ങ്ങ​ളും പൂ​ർ​ത്തി​യാ​ക്കി​യെ​ങ്കി​ലും കോ​വി​ഡ് പ​ശ്ചാ​ത്ത​ല​ത്തി​ൽ മാ​റ്റി​. പി​ന്നീ​ട് വൃ​ശ്ചി​ക​മാ​സ​ത്തി​ന്​ മു​മ്പ് ന​ട​ത്താ​മെ​ന്ന് ദേ​വി​യി​ൽ​നി​ന്ന് അ​നു​മ​തി വാ​ങ്ങു​ന്ന അ​നു​ജ്ഞാ​ച​ട​ങ്ങ് ന​ട​ത്തി​യി​രു​ന്നു. എ​ട്ട്​ ദി​വ​സ​ത്തെ ദ്ര​വ്യ​ക​ല​ശ​ത്തോ​ടെ​യാ​ണ് പൂ​രം പു​റ​പ്പാ​ട് ആ​രം​ഭി​ക്കാ​റെ​ങ്കി​ലും അ​ത് നാ​ല്​ ദി​വ​സ​മാ​ക്കി ക​ല​ശം ചൊ​വ്വാ​ഴ്ച സ​മാ​പി​ച്ചു. മൂ​ന്നാം പൂ​ര​ത്തി​നാ​ണ് കൊ​ടി​യേ​റ്റം ന​ട​ക്കാ​റ്. ത​ന്ത്രി പ​ന്ത​ല​ക്കോ​ട​ത്ത്നാ​രാ​യ​ണ​ൻ ന​മ്പൂ​തി​രി​യു​ടെ കാ​ർ​മി​ക​ത്വ​ത്തി​ലാ​യി​രു​ന്നു ആ​റാ​ട്ട് ച​ട​ങ്ങു​ക​ൾ.