അ​ങ്ങാ​ടി​പ്പു​റം-​വ​ളാ​ഞ്ചേ​രി റോ​ഡി​നോ​ടു​ള്ള അ​വ​ഗ​ണ​ന; കു​ഴി​യ​ട​ച്ച് എം.​എ​ൽ.​എ​യു​ടെ പ്ര​തി​ഷേ​ധം

കൊ​ള​ത്തൂ​ർ: സം​സ്ഥാ​ന നി​യ​മ​സ​ഭ​യി​ൽ പ​ല​ത​വ​ണ സ​ബ്മി​ഷ​ൻ ഉ​ന്ന​യി​ച്ചി​ട്ടും ചോ​ദ്യ​ങ്ങ​ൾ ചോ​ദി​ച്ചി​ട്ടും 15ല​ധി​കം ത​വ​ണ വ​കു​പ്പു​മ​ന്ത്രി​ക്ക് ക​ത്ത് ന​ൽ​കി​യി​ട്ടും അ​ങ്ങാ​ടി​പ്പു​റം-വ​ളാ​ഞ്ചേ​രി റോ​ഡി​നോ​ടു​ള്ള അ​വ​ഗ​ണ​ന​യി​ൽ പ്ര​തി​ഷേ​ധി​ച്ച് മ​ഞ്ഞ​ളാം​കു​ഴി അ​ലി എം.​എ​ൽ.​എ.​യു​ടെ വേ​റി​ട്ട സ​മ​രം. ഈ ​റൂ​ട്ടി​ൽ വെ​ങ്ങാ​ട്-എ​ട​യൂ​ർ ജ​ങ്ഷ​ൻ മു​ത​ൽ ഓ​ണ​പ്പു​ട​വ​രെ​യു​ള്ള റോ​ഡി​ലെ കു​ഴി​യ​ട​ച്ചു​കൊ​ണ്ടാ​യി​രു​ന്നു മ​ങ്ക​ട എം.​എ​ൽ.​എ ജ​ന​കീ​യ സ​മ​ര​മു​റ ന​ട​പ്പാ​ക്കി​യ​ത്. കു​ഴി​യ​ട​ക്ക​ൽ സ​മ​ര​ത്തി​ന്‍റെ ഉ​ദ്ഘാ​ട​നം വെ​ങ്ങാ​ട്-എ​ട​യൂ​ർ ജ​ങ്ഷ​നി​ൽ എം.​എ​ൽ.​എ നി​ർ​വ​ഹി​ച്ചു.

റോ​ഡ് പൂ​ർ​ണ​മാ​യും ബി.​എം ആ​ൻ​ഡ് ബി.​സി ചെ​യ്യു​ന്ന​തി​ന് 18 കോ​ടി രൂ​പ​യാ​ണ് എ​സ്റ്റി​മേ​റ്റ് ക​ണ​ക്കാ​ക്കി​യ​ത്. എ​ങ്കി​ലും 2023 -24 വാ​ർ​ഷി​ക ബ​ജ​റ്റി​ൽ 100 രൂ​പ ടോ​ക്ക​ൺ പ്രൊ​വി​ഷ​ൻ മാ​ത്ര​മാ​ണ് സ​ർ​ക്കാ​ർ വ​ക​യി​രു​ത്തി​യ​ത്. വി​ഷ​യം സ​ർ​ക്കാ​റി​ന്‍റെ ശ്ര​ദ്ധ​യി​ൽ​പ്പെ​ടു​ത്തു​ക​യും 2022 ഒ​ക്ടോ​ബ​ർ 29ന് ​അ​ങ്ങാ​ടി​പ്പു​റ​ത്ത് ബ​ഹു​ജ​ന പ്ര​തി​ഷേ​ധം സം​ഘ​ടി​പ്പി​ക്കു​ക​യു​മു​ണ്ടാ​യി. പ്ര​ധാ​ന പ്ര​വൃ​ത്തി എ​ന്ന അ​ടി​സ്ഥാ​ന​ത്തി​ൽ ആ​ദ്യം മൂ​ന്ന് കോ​ടി രൂ​പ അ​നു​വ​ദി​ക്കു​ക​യും ബി.​എം പ്ര​വൃ​ത്തി പൂ​ർ​ത്തീ​ക​രി​ക്കു​ക​യും ചെ​യ്തു. കൂ​ടാ​തെ കേ​ന്ദ്ര സ​ർ​ക്കാ​ർ സി.​ഐ. ആ​ർ.​എ​ഫ് ഫ​ണ്ടി​ൽ കൊ​ള​ത്തൂ​രി​ൽ ര​ണ്ട് പാ​ലം നി​ർ​മി​ക്കു​ന്ന​തി​ന് 10 കോ​ടി രൂ​പ അ​നു​വ​ദി​ച്ചി​രു​ന്നു. ഇ​തി​ന് ഭ​ര​ണാ​നു​മ​തി​യാ​യി​ട്ടു​ണ്ട്. പ​ക്ഷേ, പ​ണി പൂ​ർ​ത്തീ​ക​രി​ച്ചാ​ൽ മാ​ത്ര​മേ പ​ണം ന​ൽ​കൂ എ​ന്ന​തു​കൊ​ണ്ട് പ്ര​വൃ​ത്തി ആ​രം​ഭി​ക്കാ​നാ​യി​ല്ല. ഇ​തോ​ടെ കൊ​ള​ത്തൂ​ർ പൊ​ലി​സ് സ്റ്റേ​ഷ​ൻ​പ​ടി കേ​ന്ദ്രീ​ക​രി​ച്ച് സ​മ​രം സം​ഘ​ടി​പ്പി​ച്ചി​രു​ന്നു. ഇ​തേ​തു​ട​ർ​ന്നാ​ണ് സെ​പ്റ്റം​ബ​ർ 12ന് ​അ​ഞ്ച് കോ​ടി അ​നു​വ​ദി​ച്ച് പി.​ഡ​ബ്ല്യു.​ഡി ഉ​ത്ത​ര​വ് ന​ൽ​കി​യ​ത്. പു​ത്ത​ന​ങ്ങാ​ടി പ​ള്ളി​പ്പ​ടി മു​ത​ൽ പാ​ല​ച്ചോ​ട് മ​ഖാം വ​രെ​യു​ള്ള പ്ര​വ​ർ​ത്ത​ന​ത്തി​ന് ടെ​ൻ​ഡ​ർ ന​ൽ​കി​യി​ട്ടു​ണ്ട്. എ​ട്ട് കോ​ടി രൂ​പ സം​സ്ഥാ​ന സ​ർ​ക്കാ​റി​ൽ നി​ന്നും 10 കോ​ടി രൂ​പ കേ​ന്ദ്ര സ​ർ​ക്കാ​റി​ൽ നി​ന്നും ല​ഭ്യ​മാ​യെ​ങ്കി​ൽ മാ​ത്ര​മാ​ണ് റോ​ഡ് ഗ​താ​ഗ​ത യോ​ഗ്യ​മാ​ക്കാ​നാ​വു​ക​യു​ള്ളൂ.

ഇ​നി​യും വെ​ച്ചു​പൊ​റു​പ്പി​ക്കാ​നാ​വി​ല്ലെ​ന്നും ഫ​ണ്ട് വ​ര​ട്ടെ എ​ന്നി​ട്ട് നോ​ക്കാ​മെ​ന്ന മ​റു​പ​ടി​ക്ക് കാ​ത്തു​നി​ൽ​ക്കാ​നാ​വി​ല്ലെ​ന്നും പ​ണി തു​ട​ങ്ങാ​നു​ള്ള ഫ​ണ്ട് ല​ഭി​ക്കു​ന്ന​തു​വ​രെ ബ​ഹു​ജ​ന​ങ്ങ​ളെ സം​ഘ​ടി​പ്പി​ച്ച് വ​ഴി​ത​ട​യ​ൽ സ​മ​രം വ​രെ ന​ട​ത്തു​മെ​ന്നും മ​ഞ്ഞ​ളാം കു​ഴി അ​ലി എം.​എ​ൽ.​എ പ​റ​ഞ്ഞു. മ​ണ്ഡ​ലം യു.​ഡി.​എ​ഫ് ചെ​യ​ർ​മാ​ൻ മൊ​യ്തു, ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് ക​രീം, മ​ണ്ഡ​ലം ലീ​ഗ് പ്ര​സി​ഡ​ന്റ് കു​ന്ന​ത്ത് മു​ഹ​മ്മ​ദ്, കെ.​പി. ഹം​സ, സ​ഹ​ൽ ത​ങ്ങ​ൾ, അ​ഡ്വ. വി. ​മൂ​സ്സ​ക്കു​ട്ടി, മു​ജീ​ബ് വെ​ങ്ങാ​ട്, സൈ​ഫു​ദ്ദീ​ൻ ക​ള​ത്തി​ങ്ങ​ൽ, വീ​രാ​ൻ ഹാ​ജി, ഇ​സ്ഹാ​ഖ് എ​ന്നി​വ​ർ സം​സാ​രി​ച്ചു. ബ്ലോ​ക്ക് അം​ഗം റ​ഹ്മ​ത്തു​ന്നി​സ, പ​ഞ്ചാ​യ​ത്ത് അം​ഗ​ങ്ങ​ളാ​യ ക​ല​മ്പ​ൻ വാ​പ്പു, അ​ബ്ബാ​സ് വാ​തു​കാ​ട്ടി​ൽ, ജോ​ർ​ജ്, സി.​പി. സൈ​ദ്, അ​റ​ഫ ഉ​നൈ​സ്, എം.​ടി. ഹം​സ എ​ന്നി​വ​ർ നേ​തൃ​ത്വം ന​ൽ​കി.