ക​ണ്ണീ​ർ​ക്ക​യ​മാ​യി ആ​ന​ക്ക​യം; ര​ണ്ടു​ദി​വ​സ​ത്തി​നി​ടെ മു​ങ്ങി​മ​രി​ച്ച​ത് ര​ണ്ടു​പേ​ർ

മ​ഞ്ചേ​രി: ആ​ന​ക്ക​യ​ത്തെ ക​ണ്ണീ​ർ​ക്ക​യ​മാ​ക്കി വി​ദ്യാ​ർ​ഥി​ക​ളു​ടെ മു​ങ്ങി​മ​ര​ണം. ര​ണ്ട് ദി​വ​സ​ത്തി​നി​ടെ ര​ണ്ടു​പേ​രു​ടെ ജീ​വ​ൻ ന​ഷ്ട​മാ​യ​ത് നാ​ട്ടു​കാ​രെ​യും ക​ണ്ണീ​രി​ലാ​ഴ്ത്തി. ര​ണ്ട് പേ​രും ബ​ന്ധു​വീ​ടു​ക​ളി​ലേ​ക്ക് എ​ത്തി​യ​താ​യി​രു​ന്നു. ഇ​തി​നി​ട​യി​ലാ​ണ് അ​പ്ര​തീ​ക്ഷ വി​യോ​ഗം. പാ​ണ്ടി​ക്കാ​ട് പ​ഴം​പ​റ​മ്പ് മു​ഹ​മ്മ​ദ് ഹ​ർ​ഷ​കാ​ണ് (22) വ്യാ​ഴാ​ഴ്ച മ​രി​ച്ച​ത്. ആ​ന​ക്ക​യം ചേ​പ്പൂ​രി​ൽ ഒ​റു​പാ​റ ക​ട​വി​ൽ കു​ളി​ക്കാ​നെ​ത്തി​യ​താ​യി​രു​ന്നു. മാ​തൃ​പി​താ​വി​ന്റെ മ​ര​ണാ​ന​ന്ത​ര ച​ട​ങ്ങി​ൽ പ​ങ്കെ​ടു​ത്ത് ശേ​ഷ​മാ​ണ് ക​ട​വി​ലേ​ക്ക് എ​ത്തി​യ​ത്. ഉ​ച്ച​ക്ക് ര​ണ്ടോ​ടെ​യാ​ണ് അ​പ​ക​ടം. മ​ണി​ക്കൂ​റു​ക​ൾ​ക്ക് ശേ​ഷ​മാ​ണ് മൃ​ത​ദേ​ഹം ല​ഭി​ച്ച​ത്. വെ​ള്ളി​യാ​ഴ്ച ഉ​ച്ച​ക്ക് ര​ണ്ട​ര​യോ​ടെ മൃ​ത​ദേ​ഹം പാ​ണ്ടി​ക്കാ​ട് ടൗ​ൺ ജു​മാ​മ​സ്ജി​ദ് ഖ​ബ​ർ​സ്ഥാ​നി​ൽ ഖ​ബ​റ​ട​ക്കി.

ആ​ദ്യ മ​ര​ണ​ത്തി​ന്‍റെ ന​ടു​ക്കം മാ​റും​മു​മ്പേ നാ​ടി​നെ ഞെ​ട്ടി​ച്ച് മ​റ്റൊ​രു അ​പ​ക​ട വാ​ർ​ത്ത കൂ​ടി എ​ത്തി. മാ​താ​വി​ന്‍റെ സ​ഹോ​ദ​രി​യു​ടെ വീ​ട്ടി​ലേ​ക്ക് എ​ത്തി​യ മ​മ്പാ​ട് സ്വ​ദേ​ശി മു​ഹ​മ്മ​ദ് ഷി​ഹാ​നാ​ണ് (21) മ​രി​ച്ച​ത്. കാ​ല​വ​ർ​ഷം ശ​ക്ത​മാ​യ​തി​നാ​ൽ പു​ഴ​യി​ൽ ന​ല്ല ഒ​ഴു​ക്കു​ണ്ടെ​ന്ന് നാ​ട്ടു​കാ​ർ പ​റ​യു​ന്നു. ഇ​തി​ന് പു​റ​മെ ചു​ഴി​ക​ളും വി​ദ്യാ​ർ​ഥി​ക​ളു​ടെ മ​ര​ണ​ത്തി​ലേ​ക്ക്

ന​യി​ച്ചു. ര​ണ്ടു​വ​ർ​ഷം മു​മ്പ് ആ​ന​ക്ക​യം പ​ന്ത​ല്ലൂ​രി​ൽ കു​ളി​ക്കാ​ൻ ഇ​റ​ങ്ങി​യ മൂ​ന്ന് വി​ദ്യാ​ർ​ഥി​ക​ൾ ഒ​ഴു​ക്കി​ൽ​പെ​ട്ട് മ​രി​ച്ചി​രു​ന്നു. ദു​ര​ന്ത​ങ്ങ​ൾ ആ​വ​ർ​ത്തി​ക്കു​മ്പോ​ൾ പ​ല​പ്പോ​ഴും നാ​ട്ടു​കാ​രും നി​സ്സാ​ഹാ​യ അ​വ​സ്ഥ​യി​ലാ​ണ്.