വ​ര​ണ്ടു​ണ​ങ്ങി ആ​മ്പ​ൽ​പ്പാ​ടം; ആ​ശ​ങ്ക​യി​ൽ ക​ർ​ഷ​ക​ർ

തി​രൂ​ര​ങ്ങാ​ടി: ക​ർ​ക്ക​ട​കം ക​ഴി​ഞ്ഞ് ചി​ങ്ങ​മാ​സം വ​ന്നി​ട്ടും മ​ഴ ല​ഭി​ക്കാ​ത്ത​തി​നെ തു​ട​ർ​ന്ന് നി​ല​മൊ​രു​ക്കി കൃ​ഷി ഇ​റ​ക്കി​യാ​ൽ വെ​ള്ള​മി​ല്ലാ​താ​കു​മോ എ​ന്ന ആ​ശ​ങ്ക​യി​ലാ​ണ് ന​ന്ന​മ്പ്ര പ​ഞ്ചാ​യ​ത്തി​ലെ​യും തി​രൂ​ര​ങ്ങാ​ടി ന​ഗ​ര​സ​ഭ​യി​ലെ​യും ക​ർ​ഷ​ക​ർ. ഏ​ക്ക​റു​ക​ണ​ക്കി​ന് കൃ​ഷി​ഭൂ​മി​യാ​ണ് ഒ​രു​മാ​സ​മാ​യി വെ​ള്ള​മി​ല്ലാ​തെ കി​ട​ക്കുന്നത്. മു​മ്പ​ത്തെ വ​ർ​ഷ​ങ്ങ​ളി​ൽ നി​റ​യെ വെ​ള്ളം നി​ൽ​ക്കു​ന്ന സ്ഥി​തി​യാ​യി​രു​ന്നു. ചെ​റു​മു​ക്ക് ആ​മ്പ​ൽ​പ്പാ​ട​ത്ത് വി​രി​ഞ്ഞു​നി​ൽ​ക്കു​ന്ന ചു​വ​പ്പ്​ ആ​മ്പ​ൽ കാ​ണാ​നും തോ​ണി​യി​ൽ ക​യ​റി ജ​ല​കേ​ളി ആ​സ്വ​ദി​ക്കാ​നും നി​ര​വ​ധി സ​ഞ്ചാ​രി​ക​ൾ എ​ത്തു​ന്ന മാ​സ​ത്തി​ലാ​ണ് വെ​ള്ളം വ​റ്റി​യ കാ​ഴ്ച. ക​ഴി​ഞ്ഞ ആ​റു​വ​ർ​ഷം സ​ഞ്ചാ​രി​ക​ളെ​കൊ​ണ്ട് നി​റ​ഞ്ഞി​രു​ന്നു.

ചെ​റു​മു​ക്ക് അ​തൃ​ക്കാ​ട് ഭാ​ഗ​ത്ത് 70 ഏ​ക്ക​റി​ൽ മു​ണ്ട​ക​ൻ കൃ​ഷി​ക്കു​ള്ള ഞാ​ർ ഇ​ട്ട​താ​യും എ​ല്ലാ​വ​ർ​ഷ​വും മു​ണ്ട​ക​ൻ കൃ​ഷി​യാ​ണ് ഇ​വി​ടെ ഇ​റ​ക്കാ​റു​ള്ള​തെ​ന്നും ചെ​റു​പു​റ​ത്താ​യം പാ​ട​ശേ​ഖ​ര സ​മി​തി അം​ഗം കൊ​ള​ക്കാ​ട​ൻ സ​മീ​ജ് പ​റ​ഞ്ഞു. മ​ഴ ല​ഭി​ക്കു​മെ​ന്ന പ്ര​തീ​ക്ഷ​യി​ലാ​ണ് ക​ർ​ഷ​ക​ർ. വ​രും ദി​വ​സ​ങ്ങ​ളി​ൽ മ​ഴ​പെ​യ്താ​ൽ ക​ർ​ഷ​ക​ർ​ക്ക് നെ​ൽ​കൃ​ഷി ഇ​റ​ക്കാ​ൻ എ​ളു​പ്പ​മാ​ണ്.