aaa

39 പേർക്ക് രോഗം, 46 പേർക്ക് രോഗമുക്തി പാലക്കാട്: ജില്ലയിൽ ശനിയാഴ്​ച 39 പേർക്ക് കോവിഡ് സ്ഥിരീകരിച്ചു. ഇതിൽ സമ്പർക്കത്തിലൂടെ രോഗബാധ ഉണ്ടായ 18 പേർ, ഇതര സംസ്ഥാനങ്ങളിൽനിന്ന് വന്ന അഞ്ച്​ പേർ, വിവിധ രാജ്യങ്ങളിൽനിന്ന് വന്ന 11 പേർ, ഉറവിടം അറിയാത്ത രോഗബാധ ഉണ്ടായ അഞ്ച്​ പേർ എന്നിവർ ഉൾപ്പെടും. 46 പേർക്ക് രോഗമുക്തി ഉള്ളതായും അധികൃതർ അറിയിച്ചു. ഇതോടെ ജില്ലയിൽ ചികിത്സയിലുള്ളവരുടെ എണ്ണം 603 ആയി. പാലക്കാട് ജില്ലക്കാരായ രണ്ടുപേർ വീതം ഇടുക്കി, വയനാട് ജില്ലകളിലും അഞ്ച് പേർ കോഴിക്കോട് ജില്ലയിലും നാലുപേർ എറണാകുളത്തും ആറുപേർ മലപ്പുറം ജില്ലയിലും ഒരാൾ വീതം കോട്ടയം, കണ്ണൂർ ജില്ലയിലും ചികിത്സയിൽ ഉണ്ട്. 42 ജലസേചന പദ്ധതികള്‍ക്ക് ഭരണാനുമതി പാലക്കാട്: ജില്ലയില്‍ നടപ്പ് സാമ്പത്തികവര്‍ഷം 42 പദ്ധതികള്‍ നടപ്പാക്കുന്നതിന് ജലസേചന വകുപ്പ് ഭരണാനുമതി നല്‍കി. ആകെ 14.5 കോടി രൂപയാണ് ഈ പദ്ധതികള്‍ക്കായി ചെലവഴിക്കുക. പ്ലാന്‍ ഫണ്ടില്‍നിന്ന്​ 23 പദ്ധതികള്‍ക്കാണ് അനുമതി നല്‍കിയത്. 9.85 ലക്ഷം രൂപയാണ് ഇതിനായി നീക്കി​െവച്ചത്. നോണ്‍ പ്ലാന്‍ഫണ്ടിലെ 4.60 ലക്ഷം രൂപ ചെലവഴിച്ച് 19 പദ്ധതികളും നടപ്പാക്കും. വടകരപ്പതി ഗ്രാമപഞ്ചായത്തിലെ മേനോന്‍പാറയില്‍ നടപ്പാക്കുന്ന പുതിയ ലിഫ്​റ്റ്​ ഇറിഗേഷന്‍ പദ്ധതിക്കും തുക അനുവദിച്ചു. നടുത്തൂണിയില്‍ കല്ല്യാണകൃഷ്ണയ്യര്‍ അണക്കും കനാൽ പുനരുദ്ധാരണത്തിനും തുക അനുവദിച്ചു. ചിറ്റൂർ തത്തമംഗലം നഗരസഭയിലെ പെരുംകുളം പുനരുദ്ധാരണത്തിന്​ 1.19കോടി രൂപയുടെ പദ്ധതിക്കാണ് ഭരണാനുമതി നല്‍കിയത്. ഷോളയാര്‍ മേഖലയില്‍ പുതിയ ലിഫ്​റ്റ്​ ഇറിഗേഷന്‍ പദ്ധതി നടപ്പാക്കും. ഇതിന് ഒരു കോടി രൂപ ചെലവഴിക്കാന്‍ അനുവാദം നല്‍കി. അഗളി ഗ്രാമപഞ്ചായത്തിലും പുതിയ ലിഫ്റ്റ്​ ഇറിഗേഷന്‍ പദ്ധതി നടപ്പാക്കുന്നതിന് ഒരു കോടി അനുവദിച്ചു.