477 കോടി രൂപയുടെ 28 പദ്ധതികൾ സമർപ്പിച്ചു

തിരുവനന്തപുരം: സംസ്ഥാനത്തെ ഏഴ്​ മണ്ഡലങ്ങളിലായി 477 കോടി രൂപ ചെലവഴിച്ച് നിർമിച്ച 28 പദ്ധതികളുടെ ഉദ്ഘാടനം നിർവഹിച്ചതായി മന്ത്രി ജി. സുധാകരൻ അറിയിച്ചു. 41.22 കോടി രൂപ ചെലവഴിച്ച് നിർമിക്കുന്ന കൊല്ലം ജില്ലയിലെ പെരുമൺ പാലത്തിൻെറ നിർമാണോദ്ഘാടനം മുഖ്യമന്ത്രി പിണറായി വിജയൻ വിഡിയോ കോൺഫറൻസിങ്ങിലൂടെ നിർവഹിച്ചു. ഒറ്റപ്പാലം മണ്ഡലത്തിലെ പാലപ്പുറം-കുതിരവഴി പാലം (നാല് കോടി രൂപ), മൂവാറ്റുപുഴ മണ്ഡലത്തിലെ മാറിക-തോട്ടക്കര റോഡ് (3 കോടി രൂപ), പത്തനാപുരം, കോന്നി, പുനലൂർ മണ്ഡലങ്ങളിലൂടെ കടന്നുപോകുന്ന പുനലൂർ -കോന്നി കെ.എസ്​.റ്റി.പി റോഡ് (221.04 കോടി രൂപ), പുനലൂർ മണ്ഡലത്തിലെ പുനലൂർ ടൗൺ റിങ്​ റോഡുകളുടെ പൂർത്തീകരണം (15.15 കോടി രൂപ), ആയൂർ-അഞ്ചൽ-പുനലൂർ സംസ്ഥാനപാത പുനരുദ്ധാരണം, അഞ്ചൽ ബൈപാസ്​ റോഡ് (81.22 കോടി രൂപ) എന്നിവയുടെ ഉദ്ഘാടനം നിർവഹിച്ചതായി മന്ത്രി ജി. സുധാകരൻ അറിയിച്ചു.