കാ​ളി​കാ​വ് മേ​ഖ​ല​യി​ൽ 15 കാ​ട്ടു​പ​ന്നി​ക​ളെ വെ​ടി​വെ​ച്ച് കൊ​ന്നു

കാ​ളി​കാ​വ്: കാ​ളി​കാ​വ്, ചോ​ക്കാ​ട് പ​ഞ്ചാ​യ​ത്തി​ലെ വി​വി​ധ പ്ര​ദേ​ശ​ങ്ങ​ളി​ൽ 15 കാ​ട്ടു​പ​ന്നി​ക​ളെ വെ​ടി​വെ​ച്ച് കൊ​ന്നു. ചൊ​വ്വാ​ഴ്ച രാ​വി​ലെ മു​ത​ൽ ചോ​ക്കാ​ട് പ​ഞ്ചാ​യ​ത്തി​ലെ മ​രു​ത​ങ്ങാ​ട്, കു​രു​ണി​യ​മ്പ​ലം, കാ​ളി​കാ​വ് ഗ്രാ​മ​പ​ഞ്ചാ​യ​ത്തി​ലെ മ​ങ്കു​ണ്ട്, വ​ട​ക്കേ​പ​റ​മ്പ്, പ​ള്ളി​ക്കു​ന്ന്, വെ​ള്ള​യൂ​ർ, കോ​ന്നി​രി​ക്കു​ന്ന്, പാ​റ​ച്ചോ​ല, പൂ​ങ്ങോ​ട് ചി​റ്റ​യി​ൽ, കൂ​നി​യാ​റ എ​ന്നി​വി​ട​ങ്ങ​ളി​ൽ​നി​ന്നാ​ണ് പ​ന്നി​ക​ളെ വെ​ടി​വെ​ച്ച് കൊ​ന്ന​ത്.

ഒ​രി​ട​വേ​ള​ക്കു​ശേ​ഷം കാ​ട്ടു​പ​ന്നി​ക​ൾ വ്യാ​പ​ക​മാ​യി കാ​ർ​ഷി​ക വി​ള​ക​ൾ ന​ശി​പ്പി​ക്കാ​ൻ തു​ട​ങ്ങി​യ​തോ​ടെ​യാ​ണ് വ​നം അ​ധി​കൃ​ത​രു​ടെ അ​നു​മ​തി​യോ​ടെ ക​ർ​ഷ​ക​ക്കൂ​ട്ടാ​യ്മ​യു​ടെ നേ​തൃ​ത്വ​ത്തി​ൽ കാ​ട്ടു​പ​ന്നി​വേ​ട്ട ശ​ക്ത​മാ​ക്കി​യ​ത്. കൃ​ഷി ന​ശി​പ്പി​ക്കു​ന്ന​തി​നു പു​റ​മെ ഒ​ട്ടേ​റെ ക​ർ​ഷ​ക​ർ​ക്കും പ​ന്നി​യാ​ക്ര​മ​ണ​ത്തി​ൽ ഗു​രു​ത​ര പ​രി​ക്കേ​റ്റി​ട്ടു​ണ്ട്. കൊ​ന്നൊ​ടു​ക്കു​ന്ന പ​ന്നി​ക​ള ഫോ​റ​സ്റ്റ് റേ​ഞ്ച് ഓ​ഫി​സ​റു​ടെ ക​ണ​ക്കെ​ടു​പ്പി​നും പ​രി​ശോ​ധ​ന​ക്കും ശേ​ഷം കു​ഴി​ച്ചു​മൂ​ടു​ക​യാ​ണ് ചെ​യ്യു​ന്ന​ത്. ഡി.​എ​ഫ്.​ഒ​യു​ടെ എം ​പാ​ന​ൽ ലി​സ്റ്റി​ൽ ഉ​ൾ​പ്പെ​ട്ട​വ​രും അം​ഗീ​കൃ​ത തോ​ക്ക് ലൈ​സ​ൻ​സു​ള്ള​വ​രു​മാ​യ വി​ദ​ഗ്ധ​രു​ടെ നേ​തൃ​ത്വ​ത്തി​ലാ​ണ് പ​ന്നി​വേ​ട്ട ന​ട​ത്തി​യ​ത്. പാ​ല​ക്കാ​ട് മ​ല​ബാ​ർ ആ​ർ​മ​റി സ്ഥാ​പ​ന ഉ​ട​മ പി.​എ​സ്. ദി​ലീ​പ് മേ​നോ​ൻ, പാ​ല​ക്കാ​ട് റൈ​ഫി​ൾ ക്ല​ബ് സെ​ക്ര​ട്ട​റി വി. ​ന​വീ​ൻ, അ​ലി ബാ​പ്പു, എം.​എം. സ​ക്കീ​ർ ക​ർ​ഷ​ക പ്ര​വ​ർ​ത്ത​ക​ൻ അ​ർ​ഷ​ദ് ഖാ​ൻ തു​ട​ങ്ങി​യ​വ​രാ​ണ് നേ​തൃ​ത്വം ന​ൽ​കി​യ​ത്. കാ​ട്ടു​പ​ന്നി​ക​ളെ വെ​ടി​വെ​ച്ച് കൊ​ല്ലു​ന്ന​തി​ന് ഉ​ത്ത​ര​വി​ടാ​ൻ പ​ഞ്ചാ​യ​ത്ത് പ്ര​സി​ഡ​ന്റി​ന് അ​ധി​കാ​രം ല​ഭി​ച്ച​തി​ന് ശേ​ഷം ചൊ​വ്വാ​ഴ്ച​ത്തേ​ത​ട​ക്കം 50 കാ​ട്ടു​പ​ന്നി​ക​ളെ വെ​ടി​വെ​ച്ച് കൊ​ന്നു.