ഇവിടെ കാരുണ്യം പന്തുതട്ടുന്നു; സോ​ക്ക​ർ അ​ക്കാ​ദ​മി​യി​ലെ കു​രു​ന്നു​ക​ൾ സ്വരൂപിച്ചത് 1.40 ല​ക്ഷത്തിന്റെ ചി​കി​ത്സ സ​ഹാ​യ​ം

മൊ​റ​യൂ​ർ: കാ​യി​ക​ക്ഷ​മ​ത​ക്കൊ​പ്പം പു​തു​ത​ല​മു​റ​ക്ക് സാ​മൂ​ഹി​ക​പ്ര​തി​ബ​ദ്ധ​ത​യും പ​ക​ർ​ന്നു​ന​ൽ​കാ​ൻ മൊ​റ​യൂ​രി​ലെ സോ​ക്ക​ർ പ​രി​ശീ​ല​ന​കേ​ന്ദ്രം ഒ​രു​ക്കി​യ പ​ദ്ധ​തി ശ്ര​ദ്ധേ​യ​മാ​കു​ന്നു. അ​ന​സ് എ​ട​ത്തൊ​ടി​ക ഉ​ൾ​പ്പെ​ടെ​യു​ള്ള താ​ര​ങ്ങ​ൾ പ​രി​ശീ​ല​നം നേ​ടി​യ അ​രി​മ്പ്ര മി​ഷ​ൻ സോ​ക്ക​ർ അ​ക്കാ​ദ​മി​യി​ൽ നി​ല​വി​ൽ പ​ഠി​ക്കു​ന്ന കു​ട്ടി​ക​ൾ വൃ​ക്ക​രോ​ഗി​ക​ളു​ടെ ചി​കി​ത്സ സ​ഹാ​യ​ത്തി​നാ​ണ് ഇ​പ്പോ​ൾ പ​ന്ത് ത​ട്ടു​ന്ന​ത്. പ്ര​ദേ​ശ​ത്തെ മു​ൻ ഫു​ട്ബാ​ൾ താ​ര​വും മി​ക​ച്ച സം​ഘാ​ട​ക​നു​മാ​യി​രു​ന്ന വൃ​ക്ക​രോ​ഗി​യു​ടെ ചി​കി​ത്സ​ക്ക്​ സ്വ​രൂ​പി​ച്ച​ത് 1.40 ല​ക്ഷം രൂ​പ​യാ​ണ്.

2002 മു​ത​ൽ 2015 വ​രെ കൊ​ണ്ടോ​ട്ടി ഇ.​എം.​ഇ.​എ ഹ​യ​ർ സെ​ക്ക​ൻ​ഡ​റി കേ​ന്ദ്രീ​ക​രി​ച്ചും തു​ട​ർ​ന്ന് ഇ​തു​വ​രെ അ​രി​മ്പ്ര ഗ​വ.​വൊ​ക്കേ​ഷ​ന​ൽ ഹ​യ​ർ സെ​ക്ക​ൻ​ഡ​റി സ്കൂ​ൾ കേ​ന്ദ്രീ​ക​രി​ച്ചും പ്ര​വ​ർ​ത്തി​ക്കു​ന്ന അ​ക്കാ​ദ​മി ഓ​രോ വ​ർ​ഷ​വും നൂ​റി​ല​ധി​കം കു​ട്ടി​ക​ൾ​ക്കാ​ണ് പ​രി​ശീ​ല​നം ന​ൽ​കു​ന്ന​ത്. അ​ന്താ​രാ​ഷ്ട്ര താ​ര​ങ്ങ​ൾ ഉ​ൾ​പ്പെ​ടെ​യു​ള്ള​വ​രെ അ​ക്കാ​ദ​മി വാ​ർ​ത്തെ​ടു​ത്തി​ട്ടു​ണ്ട്. പ്ര​തി​ഭ​ക​ളാ​യ കു​ട്ടി​ക​ൾ​ക്ക് തീ​ർ​ത്തും സൗ​ജ​ന്യ​മാ​യാ​ണ് പ​രി​ശീ​ല​നം.

നാ​ട്ടു​കാ​രു​ടെ​കൂ​ടി സ​ഹ​ക​ര​ണ​ത്തോ​ടെ​യാ​യി​രു​ന്നു ചി​കി​ത്സ​സ​ഹാ​യ​ത്തി​നു​ള്ള തു​ക സ​മാ​ഹ​രി​ച്ച​ത്. കു​ട്ടി​ക​ളി​ൽ ക​രു​ണ​യും സ​ഹ​ജീ​വി സ്നേ​ഹ​വും വ​ള​ർ​ത്തു​ന്ന നി​ര​വ​ധി പ്ര​വ​ർ​ത്ത​ന​ങ്ങ​ളാ​ണ് അ​ക്കാ​ദ​മി ന​ട​ത്തി​വ​രു​ന്ന​ത്. അ​രി​മ്പ്ര സ്കൂ​ൾ മൈ​താ​ന​ത്ത് ച​ട​ങ്ങി​ൽ അ​ക്കാ​ദ​മി​യി​ലെ ഇ​ള​മു​റ താ​ര​ങ്ങ​ളാ​യ സി.​കെ. റാ​സി​നും എം. ​റി​ൻ​ഷാ​ദും ചേ​ർ​ന്ന് ചി​കി​ത്സ​സ​ഹാ​യ സ​മി​തി ചെ​യ​ർ​മാ​ൻ എം.​സി. മു​ഷ്താ​ഖ് ബാ​ബു​വി​നും ക​ൺ​വീ​ന​ർ ഹ​സ​ൻ പ​റ​മ്പാ​ട​ന് തു​ക കൈ​മാ​റി. മൊ​റ​യൂ​ർ ഗ്രാ​മ​പ​ഞ്ചാ​യ​ത്ത് വൈ​സ് പ്ര​സി​ഡ​ന്റ് ജ​ലീ​ൽ മു​ണ്ട​ക്കോ​ട​ൻ ഉ​ദ്ഘാ​ട​നം ചെ​യ്തു. പ​ഞ്ചാ​യ​ത്ത് അം​ഗ​ങ്ങ​ളാ​യ അ​സൈ​നാ​ർ ബാ​ബു, എ.​പി. ഇ​ബ്രാ​ഹീം, ഇ. ​ആ​ലി​പ്പ, സൈ​ക്കോ മൂ​സ, മു​ൻ പ​ഞ്ചാ​യ​ത്ത് പ്ര​സി​ഡ​ന്റു​മാ​രാ​യ പൂ​ന്ത​ല വീ​രാ​ൻ​കു​ട്ടി ഹാ​ജി, വി.​പി. അ​ബൂ​ബ​ക്ക​ർ, സാ​മൂ​ഹി​ക​പ്ര​വ​ർ​ത്ത​ക​ർ, രാ​ഷ്ട്രീ​യ​പാ​ർ​ട്ടി പ്ര​തി​നി​ധി​ക​ൾ, സ്കൂ​ൾ അ​ധി​കൃ​ത​ർ തു​ട​ങ്ങി​യ​വ​ർ സം​ബ​ന്ധി​ച്ചു.