ലീഗ്​ ഹദിയ കാമ്പയിന്‍: ഇതുവരെ ജില്ലയിൽ ലഭിച്ചത്​ 5.6 കോടി

മലപ്പുറം: 'എന്‍റെ പാര്‍ട്ടിക്ക് എന്‍റെ ഹദിയ' എന്ന മുസ്‌ലിംലീഗ് സംസ്ഥാന കമ്മിറ്റിയുടെ ഫണ്ട് കാമ്പയിനിൽ ചൊവ്വാഴ്ച വൈകീട്ട്​ വരെ ജില്ലയിൽനിന്ന്​ ലഭിച്ചത്​ 5,60,48,082 രൂപയാണെന്ന്​ ഭാരവാഹികൾ വാർത്തക്കുറിപ്പിൽ അറിയിച്ചു. റമദാന്‍ ഒന്നിനാണ്​ ഹദിയ കാമ്പയിൻ ആരംഭിച്ചത്​. രാജ്യത്തുതന്നെ ആദ്യമായി ഓണ്‍ലൈന്‍ സംവിധാനത്തിലൂടെ തികച്ചും സുതാര്യമായി നടത്തിയ ഈ ഫണ്ട് പിരിവ് എല്ലാവര്‍ക്കും മാതൃകയാണെന്നും മുസ്​ലീം ലീഗ്​ ജില്ല പ്രസിഡന്‍റ്​ അബ്ബാസലി ശിഹാബ് തങ്ങള്‍, ജനറല്‍ സെക്രട്ടറി അഡ്വ. യു.എ. ലത്തീഫ് എം.എല്‍.എ എന്നിവര്‍ അറിയിച്ചു.