കരിപ്പൂരിൽ 50 ലക്ഷത്തിന്റെ സ്വർണം പിടികൂടി

കരിപ്പൂർ: കോഴിക്കോട് വിമാനത്താവളത്തിൽ 50 ലക്ഷം രൂപയുടെ സ്വർണം കസ്റ്റംസ് പ്രിവന്റിവ് വിഭാഗം പിടികൂടി. മലപ്പുറം സ്വദേശി അലിയിൽ നിന്നാണ് ഒരു കിലോഗ്രാം സ്വർണ മിശ്രിതം പിടിച്ചത്. ഇയാൾ ജിദ്ദയിൽ നിന്നുള്ള ഇൻഡിഗോ വിമാനത്തിലാണ് എത്തിയത്. മിശ്രിത രൂപത്തിലാക്കിയ സ്വർണം നാല്​ ക്യാപ്സ്യൂളുകളാക്കി ഒളിപ്പിച്ചു കടത്താനായിരുന്നു ശ്രമം. സൂപ്രണ്ടുമാരായ കെ.കെ. പ്രവീൺകുമാർ, ബഷീർ അഹമ്മദ്, ഇൻസ്പെക്ടർമാരായ എം. പ്രതീഷ് മുഹമ്മദ് ഫൈസൽ, ഹെഡ് ഹവിൽദാർ എം. സന്തോഷ് കുമാർ എന്നിവരടങ്ങിയ സംഘമാണ് സ്വർണം പിടിച്ചത്.