അത്താണി-പുതുരുത്തി റോഡ് നവീകരണം; 4.5 കോടിയുടെ പ്രവൃത്തിക്ക് സാങ്കേതികാനുമതി

വടക്കാഞ്ചേരി: അത്താണി-പുതുരുത്തി റോഡ് നവീകരണത്തിന് 4.5 കോടിയുടെ പ്രവൃത്തിക്ക് സാങ്കേതികാനുമതി ലഭിച്ചു. ബി.എം ആൻഡ്​ ബി.സി നിലവാരത്തിൽ നവീകരണം പൂർത്തീകരിക്കുന്നതിനാണ് തുക അനുവദിച്ചത്. റോഡ് നിർമാണവുമായി ബന്ധപ്പെട്ട യോഗത്തിൽ സേവ്യർ ചിറ്റിലപ്പിള്ളി എം.എൽ.എ അധ്യക്ഷത വഹിച്ചു. ജനപ്രതിനിധികളും പൊതുമരാമത്ത് വകുപ്പ് ഉദ്യോഗസ്ഥരും യോഗത്തിൽ പങ്കെടുത്തു. പ്രവൃത്തിയുടെ ഫൈനൽ എസ്റ്റിമേറ്റ് 25ന് മുമ്പ്​ സമർപ്പിക്കണമെന്നും യോഗം തീരുമാനിച്ചു. റോഡ് നിർമാണ പ്രവർത്തനം നടക്കുന്നിടത്തെ കുടിവെള്ള പൈപ്പ് ലൈനുകൾ മാറ്റി സ്ഥാപിക്കാനായി പ്രത്യേക എസ്റ്റിമേറ്റ് തയാറാക്കാൻ വാട്ടർ അതോറിറ്റിക്ക് നിർദേശം നൽകും.