എടക്കരയില്‍ നാളെ 30 പേർക്ക്​ ആൻറിജന്‍ പരിശോധന

എടക്കര: കണ്ടെയ്​മൻെറ്​ സോണായി പ്രഖ്യാപിച്ച പാലേമാട്ടെ 30 ആളുകളെ ഞായറാഴ്ച ആൻറിജന്‍ പരിശോധനക്ക്​ വിധേയമാക്കും. രോഗസാധ്യത ക​െണ്ടത്തിയവര്‍ക്കാണ് എടക്കര പ്രാഥമിക ആരോഗ്യ കേന്ദ്രത്തില്‍ പരിശോധന നടത്തുക. ജില്ല കോവിഡ് റാപ്പിഡ് ആക്​ഷൻ ഫോഴ്സി​ൻെറ നേതൃത്വത്തിലാണ് സര്‍വേ നടത്തിയത്. പരിശോധനക്ക് പോകുന്നവര്‍ക്ക് ആശുപത്രിയില്‍ എത്താനുള്ള വാഹനങ്ങള്‍ ക്രമീകരിച്ചിട്ടുണ്ട്. കൂടുതല്‍ ആളുകളെ പരിശോധിക്കുന്നത്​ സംബന്ധിച്ച വിശദമായ റിപ്പോര്‍ട്ട് ഗ്രാമപഞ്ചായത്ത്, പ്രാഥമികാരോഗ്യ കേന്ദ്രം, ജില്ല കലക്ടര്‍ എന്നിവര്‍ക്ക് സമര്‍പ്പിക്കും. കോവിഡിനൊപ്പം പ്രളയം കൂടി ബാധിച്ചാല്‍ മേഖല ഒറ്റപ്പെടും. നിലമ്പൂര്‍, മഞ്ചേരി എന്നിവിടങ്ങളിലേക്ക് രോഗബാധിതരെ കൊണ്ടുപോകാന്‍ കഴിയാത്ത സാഹചര്യമുണ്ടാകും. ഈ അവസ്ഥയില്‍ എടക്കരയില്‍ കോവിഡ് ഫസ്​റ്റ്​ ലൈന്‍ ട്രീറ്റ്മൻെറിനുള്ള സൗകര്യങ്ങള്‍ ക​െണ്ടത്തണമെന്ന് ആരോഗ്യ വകുപ്പ് നിര്‍ദേശം നല്‍കിയിട്ടുണ്ട്. കണ്ടെയിൻമൻെറ്​ സോണില്‍ നിന്നും ആളുകള്‍ വ്യാപകമായ തോതില്‍ എടക്കര ടൗണിലേക്ക് എത്തുന്നുണ്ട്. പത്ത് വയസ്സിന് താഴെയുള്ള കുട്ടികളുമായി രക്ഷിതാക്കള്‍ ഷോപ്പിങ്ങിനെത്തുന്നതും, 60 വയസ്സിന് മുകളിലുള്ളവര്‍ ടൗണില്‍ എത്തുന്നതും ആരോഗ്യ വകുപ്പി​ൻെറ ശ്രദ്ധയില്‍ പെട്ടിട്ടുണ്ട്. ഓട്ടോകളില്‍ സാനിറ്റൈസര്‍ സംവിധാനമുണ്ടെങ്കിലും ഉപയോഗപ്പെടുത്തുന്നില്ലെന്നും പരിശോധന സംഘം പറഞ്ഞു. കോവിഡ് നിയമങ്ങള്‍ പാലിക്കാത്ത സാഹചര്യത്തില്‍ ജനങ്ങള്‍ക്കും വ്യാപാരികള്‍ക്കും ബോധവത്കരണ പരിപാടികള്‍ സംഘടിപ്പിക്കും. എടക്കര ഗ്രാമപഞ്ചായത്ത് ഹാളില്‍ നടന്ന യോഗം പി.വി. അന്‍വര്‍ എം.എല്‍.എ ഉദ്ഘാടനം ചെയ്തു. പ്രസിഡൻറ്​ ആലീസ് അമ്പാട്ട് അധ്യക്ഷത വഹിച്ചു. മെഡിക്കല്‍ ഓഫിസര്‍ ഡോ. ജാബിദ്, പബ്ലിക്​ ഹെല്‍ത്ത് എക്സ്പേര്‍ട്ട്സ് ഡോ. സുബിന്‍, ഡോ. നവ്യ, ജില്ല മെഡിക്കല്‍ ഓഫിസ് ടെക്നിക്കല്‍ അസി.​ യു.കെ. കൃഷ്ണന്‍, പഞ്ചായത്ത് വൈസ് പ്രസിഡൻറ്​ കബീര്‍ പനോളി, എടക്കര എസ്.ഐ, ഗ്രാമപഞ്ചായത്തംഗങ്ങള്‍, വിവിധ കക്ഷി നേതാക്കള്‍, വ്യാപാരികള്‍ എന്നിവര്‍ യോഗത്തില്‍ സംബന്ധിച്ചു. photo: mn edk2