മഅ്​ദിൻ പ്രാർഥന സംഗമം 28ന്​

മലപ്പുറം: മഅ്​ദിൻ അക്കാദമി സ്വലാത്ത് നഗറിൽ നടക്കുന്ന പ്രാർഥന സമ്മേളനം ഏപ്രിൽ 28ന് വൈകീട്ട്​ നാലിന് തുടങ്ങി പുലർച്ച മൂന്നിന് സമാപിക്കുമെന്ന് സംഘാടകസമിതി വാർത്തസമ്മേളനത്തിൽ അറിയിച്ചു. ലോകത്ത് നടക്കുന്ന വിഘടന വിധ്വംസക പ്രവർത്തനങ്ങളുടെ വിപത്തിനെപ്പറ്റിയുള്ള ബോധവത്കരണമാണ് ലക്ഷ്യമിടുന്നത്. മഅ്​ദിൻ ചെയർമാനും കേരള മുസ്​ലിം ജമാഅത്ത് സംസ്ഥാന ജനറൽ സെക്രട്ടറിയുമായ ഇബ്റാഹീമുൽ ഖലീലുൽ ബുഖാരി പ്രതിജ്ഞ ചൊല്ലിക്കൊടുക്കും. അഖിലേന്ത്യ സുന്നി ജംഇയ്യതുൽ ഉലമ ജനറൽ സെക്രട്ടറി കാന്തപുരം എ.പി. അബൂബക്കർ മുസ്​ലിയാർ ഉദ്ഘാടനം നിർവഹിക്കും. സ്വാഗതസംഘം ചെയർമാൻ അലി ബാഖഫി തങ്ങളുടെ നേതൃത്വത്തിൽ പതാക ഉയർത്തും. ഇബ്റാഹീമുൽ ഖലീലുൽ ബുഖാരി, പരി മുഹമ്മദ് ഹാജി, അലി സഖാഫി, നൗഫൽ കോഡൂർ, സൈനുദ്ദീൻ നിസാമി കുന്ദമംഗലം എന്നിവർ വാർത്തസമ്മേളനത്തിൽ സംബന്ധിച്ചു.