ഫിർദൗസ് കോൺഫറൻസ് 27, 28 തീയതികളിൽ

കൽപകഞ്ചേരി: കന്മനം കുറുങ്കാട് ഫിർദൗസ് ദഅ് വ കോളജിൽ 'ഫിർദൗസ് കോൺഫറൻസ്' മേയ്​ 27, 28 തീയതികളിൽ നടക്കുമെന്ന് ഭാരവാഹികൾ അറിയിച്ചു. അധ്യാപന രംഗത്ത് നാലര പതിറ്റാണ്ട് പിന്നിട്ട ഒ.കെ. അബ്ദുറഷീദ് മുസ്‌ലിയാരെ ആദരിക്കും. നൂറിലധിക൦ വിദ്യാർഥികൾക്ക് 'ഫിർദൗസി' ബിരുദവും നൽകും. കാന്തപുരം എ.പി. അബൂബക്കർ മുസ്​ലിയാർ, ഇ. സുലൈമാൻ മുസ്​ലിയാർ, ഇബ്രാഹീമുൽ ഖലീൽ ബുഖാരി, പൊന്മള അബ്ദുൽ ഖാദിർ മുസ്‌ലിയാർ, പേരോട് ഉസ്താദ് എന്നിവർ സംസാരിക്കും. വാർത്തസമ്മേളനത്തിൽ ഫഖ്റുദ്ദീൻ സഖാഫി ചെലൂർ, ശുക്കൂർ അസ്ഹരി പറപ്പൂർ, നിസാമുദ്ദീൻ അഹ്സനി, ഇസ്ഹാഖ് കുറുങ്കാട് എന്നിവർ പങ്കെടുത്തു.