കരിപ്പൂർ: അന്വേഷണസംഘത്തിന്‍റെ 24 നിർദേശങ്ങളും നടപ്പാക്കി

side box അന്വേഷണസംഘത്തിന്‍റെ 24 നിർദേശങ്ങളും നടപ്പാക്കി കരിപ്പൂർ: കോഴിക്കോട്​ വിമാനത്താവളത്തിലെ എയർ ഇന്ത്യ എക്സ്​പ്രസ്​ വിമാനാപകടം അന്വേഷിച്ച എയർക്രാഫ്​റ്റ്​ ആക്സിഡന്‍റ്​ ഇൻവെസ്റ്റിഗേഷൻ ബ്യൂറോ (എ.എ.ഐ.ബി) നിർദേശങ്ങളിൽ 24 എണ്ണവും നടപ്പിലാക്കി. 43 നിർദേശങ്ങളായിരുന്നു ഇവർ വിവിധ ഏജൻസികൾക്കായി മുന്നോട്ടുവെച്ചത്​. എയർ ഇന്ത്യ എക്സ്​പ്രസ്​, വിമാനത്താവള അതോറിറ്റി, ഡയറക്ടറേറ്റ്​ ജനറൽ ഓഫ്​ സിവിൽ ഏവിയേഷൻ (ഡി.ജി.സി.എ), കേ​ന്ദ്ര കാലാവസ്ഥ വകുപ്പ്​, കേന്ദ്ര വ്യോമയാന മന്ത്രാലയം തുടങ്ങിയവർക്കായിരുന്നു നിർദേശങ്ങൾ നൽകിയത്​. അന്വേഷണ റിപ്പോർട്ടിന്‍റെ അടിസ്ഥാനത്തിൽ കേന്ദ്ര വ്യോമയാന മന്ത്രാലയം നിയോഗിച്ച ഒമ്പതംഗ സമിതി ഇവയെല്ലാം പരിശോധിച്ചു. ഇതിൽ 41 എണ്ണമാണ്​ അവർ സ്വീകരിച്ചത്​. ഡി.ജി.സി.എയുമായി ബന്ധപ്പെട്ട രണ്ട്​ നിർദേശങ്ങളാണ്​ സമിതി ഒഴിവാക്കിയത്​. സ്വീകരിച്ചവയിൽ 29 എണ്ണം ഗുരുതരവും 14 എണ്ണം ഗുരുതരമല്ലാത്ത നിർദേശങ്ങളുമാണ്​. ഇവയിൽ 19 ഗുരുതരമായ നിർദേശങ്ങളും അഞ്ച്​ ഗുരുതരമല്ലാത്തവയുമാണ്​ നടപ്പിലായത്​. ഇതിന്​ പുറമെ കരിപ്പൂരിൽ 17ഉം മംഗലാപുരം വിമാനത്താവളത്തിൽ ഒമ്പത്​ അധികനിർദേശങ്ങളും സമിതി മുന്നോട്ടുവെച്ചിട്ടുണ്ട്​. ഇവ നടപ്പിലാക്കുന്നതിനായി കൃത്യമായ സമയപരിധിയും നിശ്​ചയിച്ചിട്ടുണ്ട്​.