തുറക്കുളം മാർക്കറ്റിൽനിന്ന്​ 23 കിലോ പഴകിയ മത്സ്യം പിടികൂടി

കുന്നംകുളം: തുറക്കുളം മാര്‍ക്കറ്റില്‍ ഭക്ഷ്യ സുരക്ഷ വകുപ്പിന്റെ മിന്നല്‍ പരിശോധന. ഉപയോഗയോഗ്യമല്ലാത്ത 23 കിലോഗ്രം മത്സ്യം പിടിച്ചെടുക്കുകയും ആറ്​ സാമ്പിളുകള്‍ ശേഖരിക്കുകയും ചെയ്തു. ചൊവ്വാഴ്ച പുലർച്ചയാണ്​ നഗരസഭ ആരോഗ്യ വിഭാഗവുമായി ചേർന്ന്​ പരിശോധന നടത്തിയത്. ഫുഡ് സേഫ്റ്റി ഓഫിസര്‍മാരായ ഡോ. എ. രേഖ, ടി. അരുണ്‍, ഹെല്‍ത്ത് ഇന്‍സ്‌പെക്ടര്‍ എ. മോഹന്‍ദാസ്, ജൂനിയര്‍ ഹെല്‍ത്ത് ഇന്‍സ്‌പെക്ടര്‍ വി. രമിത എന്നിവര്‍ പരിശോധനക്ക്​ നേതൃത്വം നല്‍കി.