മാർത്ത മറിയം വലിയപള്ളി 208ാം സ്ഥാപകദിനാഘോഷം ഇന്ന്​

തൃശൂർ: പൗരസ്ത്യ കൽദായ സുറിയാനി സഭ ഭദ്രാസന ദേവാലയവും തൃശൂർ നഗരത്തിലെ ആദ്യത്തെ ക്രൈസ്തവ ദേവാലയവുമായ മാർത്തമറിയം വലിയ പള്ളിയുടെ 208ാം വാർഷികം ഞായറാഴ്ച ഇടവകയിലെ വിവിധ സംഘടനകൾ ആഘോഷിക്കും. രാവിലെ 7.30ന് ആഘോഷമായ വിശുദ്ധ കുർബാനയും 10ന്​ ഇടവക യൂത്ത്സ് അസോസിയേഷൻ സംഘടിപ്പിക്കുന്ന സൗജന്യ നേത്ര പരിശോധന ക്യാമ്പും മെൻസ് അസോസിയേഷന്‍റെ ആഭിമുഖ്യത്തിൽ ഇ-ശ്രം കാർഡ് രജിസ്ട്രേഷനും റേഷൻ കാർഡ് സ്മാർട്ട് കാർഡ് ആക്കാനുള്ള രജിസ്ട്രേഷനും നടക്കും. മികച്ച വിദ്യാർഥികളെ അനുമോദിക്കൽ, കാരുണ്യ പ്രവർത്തന ധനസമാഹരണത്തിന്​ ബിരിയാണി വിൽപന തുടങ്ങി വിവിധ പരിപാടികൾ ഒരുക്കിയിട്ടുണ്ട്​. പി. ബാലചന്ദ്രൻ എം.എൽ.എ, ഡോ. മാർ അപ്രേം മെത്രാപ്പോലീത്ത, മാർ ഔഗിൻ കുര്യാക്കോസ് എപ്പിസ്കോപ, വാർഡ് കൗൺസിലർ സിന്ധു ആന്‍റോ ചാക്കോള, വലിയപള്ളി വികാരി ഫാ. സിറിൽ ആന്‍റണി കശ്ശീശ, കൈക്കാരന്മാരായ ഐ.ജി. ജോയ്, രാജു ഇമ്മട്ടി എന്നിവർ പങ്കെടുക്കും.