ബി.കോം പരീക്ഷ: അട്ടപ്പാടി ഗവ. കോളജിൽ നൽകിയത്​ 2017ലെ ചോദ്യപേപ്പർ

* വീഴ്ച സംഭവിച്ചത്​ സർവകലാശാലക്ക്​ അഗളി: അട്ടപ്പാടി ഗവ. കോളജിൽ ബി.കോം പരീക്ഷയ്ക്ക് നൽകിയ ചോദ്യപേപ്പർ 2017ലേത്. രണ്ടാം സെമസ്റ്റർ അക്കാദമിക് റൈറ്റിങ്​ ചോദ്യപേപ്പറാണ്​ മാറി നൽകിയത്. 55 വിദ്യാർഥികളാണ് കോളജിൽ പരീക്ഷ എഴുതിയത്. സർവകലാശാലയിൽനിന്ന്​ ഓൺലൈൻ ആയി അയച്ചു നൽകുന്ന ചോദ്യപേപ്പർ കോളജുകളിൽ ഡൗൺലോഡ് ചെയ്ത്​ പ്രിന്റ് എടുത്താണ് വിദ്യാർഥികൾക്ക് നൽകുന്നത്. കാലിക്കറ്റ്​ സർവകലാശാലയുടെ ഭാഗത്തുനിന്ന് സംഭവിച്ച ഗുരുതര വീഴ്ച മൂലം വിദ്യാർഥികൾ വീണ്ടും പരീക്ഷ എഴുതേണ്ട സ്ഥിതിയാണ്. അധികൃതരുടെ അനാസ്ഥക്കെതിരെ എ.ഐ.വൈ.എഫ്​ കോളജിൽ പ്രതിഷേധ സമരം നടത്തി.