'പൂരം തൃശൂർ' ഉദ്​ഘാടനം 20ന്​

തൃശൂർ: ഗൾഫ്​ ജീവിതം അവസാനിപ്പിച്ച്​ നാട്ടിലെത്തിയ തൃശൂർ ജില്ലക്കാരുടെ സംഘടനയായ 'പൂരം തൃശൂരി'ന്‍റെ ഉദ്​ഘാടനം 'കൊടിയേറ്റം' ശനിയാഴ്ച വൈകീട്ട്​ 5.30ന്​ തൃശൂർ റീജനൽ തിയറ്ററിൽ മേയർ എം.കെ. വർഗീസ്​ നിർവഹിക്കുമെന്ന്​ രക്ഷാധികാരികളായ ജോയ്​ ആലുക്കാസും ഡോ. മുഹമ്മദ്​ ഖാസിമും വാർത്തസമ്മേളനത്തിൽ അറിയിച്ചു. തുടർന്ന്, പി. ജയചന്ദ്രന്‍റെ നേതൃത്വത്തിൽ കല്ലറ ഗോപൻ, ചിത്ര അരുൺ, നാരായണി ഗോപൻ എന്നിവർ പ​ങ്കെടുക്കുന്ന സംഗീതസന്ധ്യ അരങ്ങേറും. പ്രവേശനം പാസ്​ മൂലം നിയന്ത്രിക്കും. കെ. പാർഥസാരഥി (പ്രസി), ജോർജ്​ അമ്പൂക്കൻ, മധുസൂദനൻ പയങ്കുളത്ത്​ (ജന. സെക്ര), തോമസ്​ കുറ്റിക്കാടൻ (ജോ. സെക്ര), അരവിന്ദാക്ഷൻ പേഴോലിൽ എന്നിവരാണ്​ സംഘടനയുടെ മറ്റു​ ഭാരവാഹികൾ. വാർത്തസമ്മേളനത്തിൽ കെ. പാർഥസാരഥി, മധുസൂദനൻ പയങ്കുളത്ത്​, അരവിന്ദാക്ഷൻ പേഴോലിൽ എന്നിവരും പ​ങ്കെടുത്തു.