ബൈക്ക് കിടങ്ങിൽ വീണ്​ യുവാവ് മരിച്ചു

Obit pmna ashif 25 വെട്ടത്തൂർ: ബൈക്ക് ഓവുപാലം നിർമാണത്തിനായി കുഴിച്ച കിടങ്ങിൽ വീണ് യുവാവ് മരിച്ചു. മണ്ണാർമല പച്ചീരിയിലെ കിളിയേങ്ങൽ അഷ്റഫിന്‍റെ മകൻ ആഷിഫാണ്​ (24) മരിച്ചത്. മണ്ണാർമല പീടികപ്പടി-പച്ചീരിപ്പാറ റോഡിൽ കൊങ്കനാർ കുളത്തിന്​ സമീപം ബുധനാഴ്ച രാത്രിയാണ് അപകടം. പെരിന്തൽമണ്ണയിലെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. എറണാകുളം ലുലു മാൾ ജീവനക്കാരനായ ആഷിഫ് പെരുന്നാളിന് നാട്ടിൽ വന്നതായിരുന്നു. മാതാവ്: ആത്തിക്ക. ഭാര്യ: റാഷിദ.